Жамият
Жиззахда корхона раҳбарлари 2,9 млрд сўм кредит маблағларини талон-торож қилгани айтилмоқда
Жиззах шаҳрида тадбиркор меҳмонхона биносини жиҳозлаш учун ажратилган 1,5 млрд сўмни бошқа мақсадларда сарфлаб юборгани айтилмоқда. Бошқа бир корхона раҳбари эса 1,4 млрд сўм мақсадли кредитни ўзлаштиргани маълум қилинди. Гумонланувчиларга нисбатан жиноят иши кўзғатилди.
Тошкентдаги атроф-муҳитга салбий таъсир кўрсатувчи 15 та корхона фаолияти тўхтатилди — Экоқўмита
Экология қўмитаси 9 ойда 648 та субъектда, пойтахтнинг ўзида эса 60 та корхонада экологик назорат тадбирлари ўтказди. Натижада атроф-муҳитни ифлослантирган корхоналардан 49,5 млрд (Тошкентда — 15,5 млрд) сўмдан ортиқ компенсация ундирилди. Суд қарори билан 15 та корхона фаолияти тўхтатилди.
Россияда Ўзбекистон фуқароларини сафарбар қилишга уринишди
Россиядаги чиқиндиларни қайта ишловчи корхонада меҳнат қилаётган Ўзбекистон фуқароларига сафарбарлик учун чақирув қоғозларини топширишди. «Газета.uz» вазиятга ойдинлик киритиш мақсадида корхона раҳбари билан боғланди.
«Abu Saxiy Center»даги автотураргоҳда Orlando машинасида ёнғин чиқди
Чилонзор туманидаги «Тошкент савдо маркази»нинг кўп қаватли автотураргоҳида Orlando машинасининг двигателида носозлик сабаб ёнғин келиб чиқди. Туман ФВБ ходимлари келиб, ёнғинни ўчирди. Ҳодисадан бино ва атрофдаги бошқа авто уловлар зарар кўрмади.
Сурхондарёда 11 кг «гашиш»ни Ўзбекистонга олиб киришга уринганлар ушланди
Сурхондарё вилоятида 11 кг «гашиш» гиёҳвандлик моддасини мамлакатга олиб ўтишга уринганликда гумонланган 11 нафар шахс қўлга олинди. Уларга нисбатан жиноят иши қўзғатилди.
«Давлат тили: 33 йиллик жавобсиз савол». Фақат 21 октябрдагина эсланадиган муаммолар
Давлат тили ҳақидаги қонун қабул қилинганига 33 йил бўлди. Аввалига қадамлар дадил ташланди, кейинчалик эса қонун қайта-қайта таҳриланадиган, вазифалар ортга суриладиган, сал ўтиб амалга ошмайдиган бўлиб қолди. «Газета.uz» 21 октябрдагина эсланадиган ўзбек тили ҳақида зиёлилар фикрини сўради.
«Эшитиш академияси» «1+1» акциясини ўтказмоқда: иккинчи эшитиш аппарати — бепул
«Эшитиш академияси» эшитиш қобилиятининг йўқолиши қандай намоён бўлиши ва эшитиш ускунасининг тақилиши муҳимлиги ҳақида гапириб берди. Ҳамда кузнинг охиригача марказда Aurica Pixel 860 эшитиш воситаларига «1+1» акцияси амал қилади.
Йил охиригача 572 та маҳаллада тиббиёт пункти ташкил этилади
Президент 2 ойда 300 та маҳаллада тиббиёт пункти очиш бўйича топшириқ берди. Мартгача пунктлар оилавий поликлиникалардан 10 км узоқликдаги 272 та маҳаллада ҳам пайдо бўлади. Яна 640 та тез ёрдам машинаси харид қилинади. Қолаверса, шифокорларнинг маошини ошириш бўйича қарор лойиҳаси тайёрланади.
Самарқандда ИИО ходимлари маҳбусни калтаклагани айтилмоқда
Самарқандда ИИО ходимлари маҳбусга қийноқлар қўллагани оқибатида унинг учта қовурғаси сингани ва тана қисмида жароҳат излари борлиги айтилмоқда. Омбудсман вакили маҳбус билан учрашиб, вазиятни ўрганди. Ҳолат юзасидан Бош прокуратурага мурожаат қилинди.
Рецептсиз бериладиган дорилар рўйхатини ССВ томонидан тасдиқлаш бекор қилинади
Соғлиқни сақлаш вазирлиги томонидан рецептсиз бериладиган дорилар рўйхатини тасдиқлаш ва дори моддаларини давлат рўйхатидан ўтказиш бекор қилинади. Фармацевтика маҳсулотлари ҳисоби ва назорати ахборот тизими жорий этилади.
Зоминга авиақатновлар йўлга қўйилади
Президентнинг маҳаллий авиақатновларни ривожлантиришга доир қарори қабул қилинди. Ҳужжатга кўра, Шаҳрисабз ва Сариосиё аэропортлари фаолияти тикланади. Зоминга авиақатновлар йўлга қўйилади.
Халқ банки хизматлар ва туризм соҳасини ривожлантиришга ёрдам бермоқда
Халқ банки томонидан туризм соҳасини ривожлантириш мақсадида юридик шахсларга меҳмонхона ва хостеллар фаолиятини ташкил этиш учун 22 млрд сўмдан зиёд имтиёзли кредит маблағлари ажратилди.
Наманган вилояти ҳокимлигига тегишли машина 5 ёшли болани уриб кетгани айтилмоқда
Ижтимоий тармоқда Наманган вилояти ҳокимлиги тасарруфидаги Land Cruiser машинаси 5 ёшли болани уриб юборгани ҳақида хабар тарқалди. Ҳокимлик баёнотига кўра, воқеа 7 октябрда содир бўлган. Шунингдек, ҳозирда пиёданинг аҳволи яхши экани ва ҳолат ИИБ томонидан расмийлаштирилгани қайд этилди.
26 октябрь куни Ўзбекистонда содир бўлган энг муҳим хабарлар дайжести
Тошкент метросидаги станцияларда ногиронлиги бор шахсларга шароитлар яратилиши, Ҳисоб палатаси раиси ўринбосарига танбеҳ берган Акмал Саидов, жанжал сабаб хотинини уриб ўлдирган сирдарёлик эркак, Тошкент бош режасини ишлаб чиқувчилар билан суҳбат ва бошқалар — «Газета.uz»нинг кун дайжестида.
Тошкент метросининг барча станцияларида ногиронлиги бор шахслар учун шароитлар яратилади
Сенат Кенгаши мажлисида автовокзаллар, метро станциялари, бекатларда пандуслар йўқлиги, ногиронларга шароитлар яратилмагани, ҳожатхоналар, йўл инфратузилмалари ва кўприклар билан боғлиқ муаммолар кўриб чиқилди. Транспорт вазирлиги шароитлар келгуси икки йилда яратилишини маълум қилди.
Ўзбекистон шимолида мудофаа жангини ташкил этиш бўйича тактик ўқув ўтказилди
Ўзбекистон ҳарбийлари ва куч тузилмалари шимолда мудофаа жангини ташкил этиш бўйича мажмуавий тактик ўқувлар ўтказди. Уларда жанговар навбатчилик ўтказаётган чегарачиларга шартли террорчилар ҳужумини қайтариш, гаровга олинганларни озод этиш ва бошқалар бўйича амалий ҳаракатлар намойиш этилди.
Тошкент бош режасини ишлаб чиқувчилар замонавий маҳаллани қандай кўрмоқда?
Тошкентнинг 2045 йилгача бўлган бош режаси муаллифлари айрим кўчаларга автомобиль катновини чеклашни, велосипед йўлаклари ҳисобига йўл қисмини торайтириб, кўп қаватли уйлар жойлашган мавзеларни маҳалла тамойили асосида кўкаламзорлаштиришни таклиф қилмоқда.
ЮНИСEФ барча давлатларни болаларга глобал исиш шароитида яшашни ўргатишга чақирди
ЮНИСEФ ҳаддан ташқари иссиқ ҳарорат болалар яшаш шароитига, хавфсизлигига, овқатланишига ва сувдан фойдаланишига ҳам таъсир кўрсатмоқда. Ташкилотнинг маълум қилишича, ҳозирда тахминан 559 млн бола ўта иссиқ иқлим шароитида яшайди.
Ғафур Ғулом боғи номи ўзгармайди — Чилонзор тумани ҳокимлиги
Чилонзор туманида жойлашган Ғафур Ғулом боғи «Dream Park» номи билан қайта очилганидан сўнг, унинг номланиши муҳокамаларга сабаб бўлди. Туман ҳокими маслаҳатчиси Ботир Расулов бу борада жамоатчилик фикри ҳам эътиборга олиниши ва Ғафур Ғулом номидаги боғ бўлиб қолишини маълум қилди.
Ўзбекистон пойтахтини бошқа ҳудудга кўчириш режалаштирилмаяпти. Нега?
Тошкентнинг 2045 йилгача мўлжалланган бош режаси лойиҳасида пойтахтни бошқа ҳудудга кўчириш кўзда тутилмаган. Бироқ, «ТошкентбошпланЛИТИ»га кўра, маъмурий марказ қисман «Янги Тошкент»га кўчади. Институт мутахассисларининг қайд этишича, шошилинч кўчиш муаммолар келтириб чиқариши ҳам мумкин.
Энг кўп ўқилган хабарлар | Сўнгги янгиликлар
- Тошкентда юқори тезликдаги Kia уриб юборган пиёда вафот этди
- Олмалиқда яшаш хонадонига кириб қолган эчкиэмар табиатга қўйиб юборилди (+видео)
- «Тайёр эмасмиз, бунга вақт керак». Олий таълим вазири — ректорларни сайлаш ҳақида
- Фото: Тошкентда илк бор мудофаа соҳасидаги инновацион технологиялар фестивали бўлиб ўтди
Қўшимча имкониятларга эга булиш учун сайтда рўйхатдан ўтинг