Швейцария ҳукумати Ўзбекистонга 1,1 миллиондан ортиқ FFP2 маркали тиббий ниқобларини тақдим этди. Тошкентга шахсий ҳимоя воситаларини етказиб берган самолёт қайтишда Кобулдан эвакуация қилинган фуқароларни олиб кетади.
Андижон вилояти Бўстон тумани ҳокими вазифасини бажарувчи этиб Санобархон Носирова тасдиқланди. Бунга қадар у тумандаги «Эл ризқи нон» МЧЖ раҳбари бўлган.
Шавкат Мирзиёев душанба куни ДХХ академияси ва Темурбеклар мактаби, Геология фанлари университети, «Янги Ўзбекистон» университети, Тошкент Архитектура-қурилиш институти учун янги бино қурилиши ҳамда Марказий ҳарбий клиник госпиталида амалга оширилаётган реконструкция ишлари билан танишди.
Шавкат Мирзиёевнинг КХШТ давлат раҳбарлари саммитида меҳмон сифатида иштирок этиши, UzAuto Motors`га янги бош директор тайинланиши, Қўрғонтепа тумани прокурорининг ўз лавозимидан озод килиниши — «Газета.uz»нинг 23 августдаги энг муҳим хабарлари дайжестида.
Президент Шавкат Мирзиёев КХШТга аъзо давлатларга Афғонистон билан чегарани ишончли қўриқлаш ва ҳимоя қилиш борасида олиб борилаётган тадбирлар тўғрисида маълумот берди.
Душанба куни Шавкат Мирзиёев Тожикистон президенти Эмомали Раҳмон билан телефон орқали мулоқотида Афғонистондаги ҳозирги нотинч вазиятни муҳокама қилди.
Президент Шавкат Мирзиёев «Афғонистондаги ҳозирги вазиятни инобатга олган ҳолда» КХШТ давлат раҳбарлари саммитида меҳмон сифатида иштирок этади.
Ижтимоий тармоқларда мактаб тарғибочилари уйма-уй юриб, «Миллий тикланиш» партиясининг президентликка номзоди Алишер Қодировни қўллаб-қувватлаш учун мажбурий равишда имзолар йиғаётгани айтилмоқда. Ҳолатга Алишер Қодиров муносабат билдириб, имзо йиғишда мажбурлаш бўлмаслиги кераклигини таъкидлади ва партия фаолларининг босимига учраганлардан депутатнинг Telegram-ботига хабар беришни сўради.
Бино ва иншоотларнинг бузилиши муносабати билан ҳокимиятлар тадбиркорладан 123 млрд сўм қарздор. Президент ҳокимларга 1 сентябрга қадар компенсацияларни тўлаб бериш вазифасини топширди. «Бир сўм ҳам қарздорлик қолмаслиги шарт», — деди у.
Энергетика вазирлиги бошқарма бошлиғи лавозимида ишлаб келган Бехзот Нарматов «Ўзтрансгаз» бошқаруви раиси лавозимига тайинланди.
Шавкат Мирзиёевнинг Ўзбекистон тадбиркорлари билан очиқ мулоқоти, 5000 сўм ва 10 000 сўм номиналдаги янги банкноталарнинг янги дизайни, Ўзбекистон ташқи ишлар вазирлигининг баёноти — «Газета.uz»нинг 20 августдаги энг муҳим хабарлари дайжестида.
Охирги бир неча кунда Ўзбекистон ҳудуди орқали Афғонистондан қарийб 2000 нафар чет давлатлар фуқаролари эвакуация қилинди, дея хабар берди ТИВ.
Ўзбекистонда ишлаб чиқарилган автомобиллар экспортга ички бозорга нисбатан 30−40 фоиз арзонроққа сотилган, дея таъкидлади президент. Унинг сўзларига кўра, келгусида рақобат муҳитининг шаклланиши, Тошкент, Наманган ва Жиззах вилоятларида янги заводлар қурилиши натижасида автозавод ўз фаолиятини тубдан қайта кўриб чиқишига тўғри келади.
Ўзбекистон ташқи ишлар вазирлиги Афғонистоннинг 150 нафар фуқароси ўзи хоҳиши билан ватанига қайтарилганини маълум қилди. Ўзбекистон «Толибон» раҳбарияти вакиллари билан «ушбу тоифадаги шахсларга нисбатан ҳар қандай зўравонлик, тазйиқ ва таъқибларнинг олдини олиш» бўйича келишиб олган.
Шавкат Мирзиёев темир йўл юкларини ташиш соҳасидаги монополияни танқид қилди ва хусусий логистика операторлари ўзининг вагонлари билан фаолиятини бошлашини маълум қилди. Президент «Ўзбекистон темир йўллари» раисига монополияни бартараф этиш тўғрисида топшириқ берди. «Керак бўлса, ўзинг ташкиллаштирасан, ўзинг кредит оласан, ўзинг банкларга ялинасан», — деди у монопол компания раҳбарига юзланиб.
Сенатнинг 18 ялпи мажлисида суғурта фаолияти, Солиқ кодексига ўзгартиш киритиш тўғрисидаги ва бошқа қонунлар муҳокама қилинади. Қолаверса, сенаторлар Тошкент шаҳри ва вилояти чегараларини ўзгартириш масаласини кўриб чиқади ва ТИВ ҳисоботини тинглайди.
Инвестициялар ва ташқи савдо вазирининг биринчи ўринбосари бўлган Лазиз Кудратовга Стратегик ривожланиш агентлиги директори вазифаси юклатилди.
Тошкентдаги маҳаллий рейслар аэропорти вақтинча ёпилиши, Халқаро фан олимпиадалари ғолибларига пул мукофоти топширилиши, ташаббусли бюджет бўйича овоз бериш бошлангани — «Газета.uz»нинг 18 августдаги энг муҳим хабарлари дайжестида.
Сенат раисининг ўринбосари Содиқ Сафоев минтақавий лойиҳалар орқали Афғонистонни минтақа ва жаҳон бозорига боғлаш, у ердаги иқтисодиётни ривожлантириш уруш эҳтимолини камайтиришини қайд этди. «Биз кўп йиллар тайёрлаган Афғонистон билан боғлиқ йирик иқтисодий лойиҳалар кечиктирилмаслиги керак», — деди у. Шунингдек, Сафоев халқаро ҳамжамият 20 йил олдинги хатони такрорламаслиги, Афғонистонни экстремистик кучлар қўлига бериб қўймаслик кераклигини таъкидлади.
Шавкат Мирзиёев ва Франк-Вальтер Штайнмайер фуқароларни Афғонистондан эвакуация қилишдаги ҳамкорликни давом эттиришга келишиб олдилар. Сешанба куни 125 йўловчиси бўлган эвакуация самолёти Кобулдан Тошкентга учиб келди. Улар шу ердан Германияга жўнатилади. ГФР мудофаа вазири кўпроқ одамни эвакуация қилиш учун Тошкент ва Кобул ўртасида ҳаво кўпригини қуриш режалари ҳақида маълум қилди.
Қўшимча имкониятларга эга булиш учун сайтда рўйхатдан ўтинг