Сиёсат
«Юзга киргунча юртбоши бўлинг» — андижонлик онахон президентни дуо қилди
Шавкат Мирзиёев Андижон вилоятига ташрифи давомида Избоскан туманидаги Урганжи маҳалласида бўлиб, аҳоли ҳаёти билан танишди. Давлат раҳбари Қурбонали Ўринбоев хонадонида бўлди. Мазкур хонадон эгасининг онаси Санобар ая Ўринбоева президентни дуо қилди.
«Шерматов вазиятдан фойдаланиб, „пиар“ қилибдиларда бир» — депутат давлат бюджетининг тасдиқланиши ҳақида
Президент видеоселекторда ўқитувчилар ойлик маошларини ошириш зарурлигини таъкидлади. Халқ таълим вазири Шерзод Шерматов «давлат бюджетини тасдиқловчи баъзи депутатлар» бундан тўғри хулоса чиқаришига умид қилишини ёзди. Қонунчилик палатаси депутати Дониёр Ғаниев бу жараён депутатларга боғлиқ эмаслигини, Шерматов вазиятдан фойдаланиб «пиар» қилганлигини таъкидлади.
Депутатлар муҳим масалалар бўйича қандай овоз бергани очиқланиши тавсия этилмоқда
Президент фармони билан Қонунчилик палатасида депутатнинг ҳар бир қонун (қарор) лойиҳасини қабул қилиш ёки рад этишдаги, сенаторнинг ҳар бир қонунни (қарорни) маъқуллаш ёки рад этишдаги иштироки тўғрисидаги маълумотлар очиқланиб бориши тавсия этилмоқда.
Давлат органлари очиқлаши керак бўлган ижтимоий аҳамиятга молик маълумотлар рўйхати
Президент фармони билан давлат органлари ва ташкилотлари очиқлаши керак бўлган ижтимоий аҳамиятга молик маълумотлар рўйхати тасдиқланди. Тўлиқ рўйхат.
Давлат органлари очиқлигини таъминлаш учун Антикоррупция агентлигига янги вазифалар юклатилди
Президент фармонига кўра, эндиликда Антикоррупция агентлиги очиқликка оид қонунчилик талабларини мунтазам равишда бузаётган мансабдор шахсларни жавобгарликка тортиш бўйича таклифлар киритади. Ҳар йил якунида давлат органларининг Очиқлик индекси эълон қилинади. Шунингдек, давлат сирларини сақлаш тўғрисида қонун лойиҳаси ишлаб чиқилади.
Президент Андижонга жўнаб кетди
Шавкат Мирзиёев икки кунлик амалий ташриф билан Андижон вилоятига йўл олди. Ташриф давомида тўқимачилик, агросаноат ва қишлоқ хўжалиги корхоналари фаолияти билан танишиш режалаштирилган.
Чилонзор туманига янги ҳоким тасдиқланди
Сирдарё вилоят ИИБ бошлиғи бўлиб ишлаб келган Шавкат Мавлянов Чилонзор ҳокими лавозимига тасдиқланди.
«Ректорнинг дунёқараши вилоят, шаҳар ҳокиминикидан баланд бўлиши керак» — президент
Президент Шавкат Мирзиёев раислигида бўлиб ўтган олий таълимга бағишланган видеоселекторда ректорнинг дунёқараши вилоят, шаҳар ҳокиминикидан баланд бўлиши кераклигини таъкидланди. «Сифат билан шуғулланмаган, „талаба учун мен нима бера оламан“, деган саволга жавоби бўлмаган ректорнинг келажаги йўқ», — дея қўшимча қилди президент. Шунингдек, давлат раҳбари яқин-яқингача давлат олийгоҳлари монополия бўлганига ҳам эътибор қаратди.
Сирдарё вилояти ИИБ раҳбари тайинланди
Шуҳрат Буронов Сирдарё вилояти ички ишлар бошқармаси бошлиғи вазифасига тайинланди. У бундан аввал Самарқанд вилояти ИИБ бошлиғининг биринчи ўринбосари бўлган.
Президент сайловига жами 300 млрд сўм, ҳар бир номзодга эса 3 млрд сўмдан ажратилади
Марказий сайлов комиссияси октябрдаги президент сайлови Харажатлар сметасини — 300 млрд сўм этиб тасдиқлади. Унга кўра, сиёсий партияларнинг ташвиқот ва тарғиботи учун 15 млрд 486 млн сўм, ҳар бир номзодга эса — 3 млрд сўмдан ажратилади. Сайлов жараёнида коронавирусга қарши кураш учун 11,5 млрд сўм сарфлаш режалаштирилган. Харажатлар ҳақида батафсил.
ТАТУ ректори вазифасини бажарувчиси тайинланди
Бахтиёр Махкамов Тошкент ахборот технологиялари университети ректори вазифасини бажарувчиси этиб тайинланди. Бундан аввал у Электромагнит мослашув маркази раҳбарининг биринчи ўринбосари бўлиб ишлаган.
Халқаро ташкилотлар лойиҳалари давом этиши учун норматив ҳужжат қабул қилиш керак — Танзила Нарбаева
Сенат раиси Танзила Нарбаева Ўзбекистонда халқаро ташкилотлар томонидан амалга ошириладиган лойиҳалар тугаганидан сўнг қилинадиган ишлар тўхтаб қолмаслиги учун норматив-ҳужжатлар қабул қилиш кераклигини таъкидлади. «Бу лойиҳа ютуқларини мамлакатнинг бошқа ҳудудларида ҳам тадбиқ этишга ёрдам беради», — деди у.
15 июнь куни Ўзбекистонда содир бўлган энг муҳим хабарлар дайжести
Ўзбекистон фуқаролигини олиш тартиби соддалаштирилиши ҳақидаги қонун, янги тайинловлар, Aл-Хоразмийнинг янги ҳайкали Урганчда ўрнатилиши, камеранинг хотира картасини «еб қўйгани» айтилаётган матбуот хизмати ходими — «Газета.uz»нинг 15 июндаги энг муҳим хабарлари дайжестида.
Шавкат Мирзиёев БАА делегациясини қабул қилди
Президент БАА ҳукумат ишлари бўйича вазири Муҳаммад бин Абдуллоҳ ал-Гаргавий бошчилигидаги делегацияни қабул қилди. Учрашувда Амирликларнинг давлат бошқаруви тажрибаси бўйича қўшма «йўл харитаси»ни қабул қилиш юзасидан келишувга эришилган. Қолаверса, делегация томонидан Оролбўйи минтақаси бўйича янги лойиҳа таклифи билдирилган.
Бектемир туманига янги ҳоким тайинланди
Тапил Маҳамадзияев Бектемир туман ҳокими этиб тайинланди. Бунга қадар у Фавқулодда вазиятларни олдини олиш ва уларда ҳаракат қилиш давлат тизими ҳамда фуқаро муҳофазасининг ташкилий таъминоти ва режалаштириш бош бошқармаси бошлиғи бўлган.
Вахобжон Ражапов халқ таълими вазирига ўринбосар бўлди
Халқ таълими вазирининг ўринбосари вазифасига Вахобжон Ражапов тайинланди. У бунгача Фарғона вилояти халқ таълими ходимларини қайта тайёрлаш ва уларнинг малакасини ошириш ҳудудий маркази директори лавозимида фаолият юритган.
Тошкент вилоятининг туман ва шаҳарлари чегаралари ўзгартирилади
Депутатлар Тошкент вилоятининг шаҳар ва туманларини чегараларини ўзгартириш, жумладан, вилоятнинг 17359,1 гектар майдонини бир худуддан бошқа худуд таркибига ўтказишга оид масалани кўриб чиқди. Бу анклав ҳудудларни тугатиш ва маҳаллий давлат ҳокимликлари органлари томонидан ҳудуд бошқарувини янада соддалаштириш мақсадида амалга оширилмоқда.
Ўзбекистон фуқаролигини олиш тартиби соддалаштирилди
Президент Ўзбекистон фуқаролигини олишни соддалаштирувчи қонунни имзолади. 2005 йилгача мамлакатга келган, шунингдек, мамлакатда 15 йилдан бери муқим истиқомат қилаётган фуқаролиги бўлмаган шахслар Ўзбекистон фуқаролари деб тан олиниши мумкин.
Тошкент шаҳри ва вилояти онкология касалхоналари ягона муассаса сифатида бирлаштирилади
Онкологик касалликлар бўйича энг кўп мурожаатлар пойтахт ва Тошкент вилояти филиалларига тўғри келмоқда. Уларда барча беморларнинг қарийб 37 фоизи даволангани қайд этилди. Шундан келиб чиқиб, Тошкент шаҳри ва Тошкент вилояти шифохоналарини ягона муассаса сифатида бирлаштириш таклифи билдирилди. «Натижада салоҳиятли мутахассислар ва юқори технологик ускуналар бир жойда жамланиб, даволаш сифати ошади, беморлар сарсон бўлишининг олди олинади», — дея таъкидлади президент матбуот хизмати.
14 июнь куни Ўзбекистонда содир бўлган энг муҳим хабарлар дайжести
Миллий тест тизими атрофидаги можаролар, Шавкат Мирзиёевнинг ҳафта давомидаги иш графики, Сирдарё ҳокимлиги масъулларининг раққосалар билан видео учун ишдан кетиши, каттақўрғонлик солиқчи воқеаси — «Газета.uz»нинг 14 июндаги энг муҳим хабарлари дайжестида.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг