ЎзЛиДеПнинг 10-съездида партия номзоди, Шавкат Мирзиёев президентлик даврида амалга оширилган ислоҳотлар, эришилган ютуқлар ҳақида маълумот берди. Жумладан, 300 га яқин қонун, 4 мингдан зиёд президент фармони ва қарори қабул қилингани айтилди. «Ҳар қандай ислоҳот қуруқ рақамларда эмас, балки, энг аввало, аҳолининг кундалик ҳаётида, унинг дастурхони ва рўзғорида ўз аксини топиши зарур», — деди у.
Эрон Шанхай Ҳамкорлик Ташкилоти аъзоси бўлиши айтилмоқда. 16−17 сентябрь кунлари Тожикистонда бўладиган саммитда унинг ташкилотга қўшилиш жараёнларининг бошланиши мумкин.
Президент Шавкат Мирзиёевнинг «Янги Ўзбекистон Стратегияси» номли китоби чоп этилди. Унда Янги Ўзбекистон ва Учинчи Ренессансни қуриш бўйича қилинаётган ишлар ва миллий тараққиёт истиқболлари ҳақида фикр юритилади.
Президентлик сайловларида «Адолат» партиясидан номзод Баҳром Абдухалимов Афғонистонда тузилган вақтинчалик ҳукумат ҳақидаги мулоҳазалари билан ўртоқлашди. «Афғонистон халқи қайси ҳукуматни тавсия қилса, қайси ҳукумат билан алоқа қилишни муносиб деб топадиган бўлса, Ўзбекистон яқин қўшни сифатида улар билан мулоқотга киришиши керак», — деди у.
«Адолат» Баҳром Абдуҳалимовни президентлик сайловлари учун номзод сифатида тасдиқланиши, Ўзбекистон Афғонистонда муваққат ҳукумат тузилганини олқишлаши, aвтомобиль ишлаб чиқарувчиларига жами 2,57 трлн сўмлик имтиёзлар берилганлиги — «Газета.uz»нинг 8 сентябрдаги энг муҳим хабарлари дайжестида.
Нодир Нурматов Жиззах вилоят ҳокимининг ўринбосари — Инвестициялар ва ташқи савдо бошқармаси бошлиғи этиб тайинланди.
«Адолат» партиясидан президентликка номзод Миллий тикланиш партияси билан можароларга изоҳ берди. Баҳром Абдухалимов партия «мақоласида ёзган фактлардан орқага қайтмаслигини» айтиб, Алишер Қодировни кўчирмакашликда айблаётганини яна бир бор тасдиқлади. Қолаверса, у партия бу тўғрисидаги хабарни тарқатиш учун блогерларга пул тўлаганини инкор этди. «Дебатни Алишер Қодиров билан ҳам кутиш мумкин», — деди Баҳром Абдухалимов.
Президентлик сайловларида «Адолат» партиясидан номзод Баҳром Абдухалимов сайловолди жараёнларда дебатлар албатта ўтказилишини маълум қилди. У ўз рақиблари «етарли компетенцияга эга эканликларини» ва улар билан ўтказиладиган дебатлар «шубҳасиз қизиқ бўлишини» таъкидлади.
Ўзбекистон Афғонистонда муваққат ҳукумат тузилганини олқишлайди, дея маълум қилди Ташқи ишлар вазирлиги. Вазирлик янги давлат идоралари билан «конструктив мулоқот ва амалий ўзаро ҳамкорликни ривожлантиришга тайёрлигини» билдирди.
«Адолат» Баҳром Абдуҳалимовни президентлик сайловлари учун номзод сифатида тасдиқлади. Абдуҳалимовнинг «Адолат — ҳаётимизнинг бош мезони» шиори остидаги сайловолди дастуридан коррупция ва ҳар қандай кўринишдаги «самосуд» учун қатъий жазо белгилаш, Тергов қўмитасини ташкил этиш, олий таълим квоталарини бутунлай йўқ қилиш, Мактабгача таълим, Халқ таълими, Олий ва ўрта-махсус таълим вазирликларини ягона — Таълим вазирлигига айлантириш, «Жамиятда юриш-туриш, одоб-аҳлоқ қоидалари» кодексини яратиш кабилар ўрин олган.
2016 йил 8 сентябрь куни Ўзбекистон парламенти палаталарининг қўшма мажлисида мамлакатнинг ўша вақтдаги бош вазири Шавкат Мирзиёевга Ўзбекистон президенти вазифа ва ваколатлари вақтинча юклатилди. Мажлисда ўша вақтдаги Сенат раиси Ниғматилла Йўлдошев раҳбарлик лавозимларида етарли тажрибага эга эмаслиги сабабли президентликни бажаришни унга юкламасликларини сўраган эди. Собиқ молия вазири эса Шавкат Мирзиёевни Ислом Каримовнинг «содиқ шогирди ва сиёсий фарзанди» дея таърифлаган эди.
«Адолат» партияси президентликка номзод Алишер Қодировни сайловолди ғояларни кўчирганликда айблаши, ZF-UZ-VAC 2001 вакцинасининг Ўзбекистондаги синовлари натижаси эълон қилиниши, Ўзбекистон аҳолиси 35 млндан ошиши — «Газета.uz»нинг 7 сентябрдаги энг муҳим хабарлари дайжестида.
Ўзбекистон ва Буюк Британия ташқи ишлар вазирлари Афғонистондаги вазиятни муҳокама қилишди. Британия вазири Доминик Рааб ўтган ҳафта эвакуация бўйича стратегия йўқлиги учун танқид қилинганди, унга ўрнак сифатида Германия фуқароларини эвакуация қилиш вақтида Тошкентга шахсан ташриф буюрган ТИВ раҳбари кўрсатилган эди.
Жаҳон парламентлари аёл раҳбарларининг навбатдаги 14-саммити 2022 йилда Ўзбекистонда ўтказилади. Мазкур саммит Ўзбекистон ва умуман Марказий Осиёда илк маротаба ўтказилади.
Туркманистон президенти Гурбангули Бердимуҳамедов яқин орада Ўзбекистонга расмий ташриф билан келади. Учрашув доирасида савдо-иқтисодий, илмий-техникавий ва маданий ҳамкорлик бўйича қўшма шартномалар имзоланиши кутилмоқда.
«Адолат» партияси президентликка номзод Алишер Қодировни сайловолди ғояларни кўчирганликда айблади. Миллий тикланиш партияси етакчиси судларни бирлаштириш, жазони ижро этиш муассасаларини Адлия вазирлигига ўтказиш ҳамда Тергов қўмитасини тузиш ғояларини ўғирлагани иддао қилинмоқда. Миллий тикланиш эса бунга муносабат билдириб, «Адолат» партиясининг сиёсий савиясига шубҳа билан қаради.
Президентлик сайловларига ХДПдан номзод Мақсуда Ворисова амалдаги президент Шавкат Мирзиёев «жуда катта инқилобий ўзгаришларни амалга оширганини» таъкидлади. У асосан президент қабул қилган «жуда тўғри қарорларнинг» ижроси таъминланмаслигини танқид қилишини қайд этди. «Aсосий эътирозимиз ижро органларига», — деди у.
Тошкент шаҳар истироҳат боғларига туну кун ишлашига рухсат берилиши, Шавкат Мирзиёевнинг ҳафталик иш графиги, автосаноат монополияси ҳақидаги граффити тўлиқлигича бўяб ташланиши — «Газета.uz»нинг 6 сентябрдаги энг муҳим хабарлари дайжестида.
Ўзбекистоннинг Озарбайжондаги элчиси Баҳром Ашрафхонов бир вақтнинг ўзида мамлакатнинг Грузиядаги элчиси бўлди.
Шавкат Мирзиёев, Татьяна Каримова, президент Администрацияси ва Вазирлар Маҳкамаси вакиллари, парламент аъзолари ва давлат органлари раҳбарлари биринчи президент Ислом Каримовни хотирлашди. Давлат раҳбари биринчи президент ҳайкали пойига гулчамбар қўйди.
Қўшимча имкониятларга эга булиш учун сайтда рўйхатдан ўтинг