Президент музейларнинг даромад келтирадиган фаолият билан шуғулланишига рухсат берувчи қонунни имзолади. Илгари музейларга тижорий фаолиятни амалга ошириш тақиқланган эди. Хизмат кўрсатиш чоғида музейлар ашёлар ва коллекциялар бут сақланишини таъминлаши керак.
Туркманистонда 2022 йилни «Халқнинг Аркадағли замонаси» шиори остида ўтказишга қарор қилинди. «Бу шиор — бахтли давр асосини яратган, халқни, Ватанни янги марралар сари етакловчи қаҳрамон президентимизга юксак ҳурмат-эҳтиромдир», — дея таъкидланди.
Тошкент вилояти ҳокимлиги биноси панжаралари олиб ташланиши, Халқ таълими вазири Жомбойдаги мактаб ўқувчиларини вақтинча бошқа бинога кўчириш бўйича топшириқ бериши, «Ўзбекнефтегаз»га тегишли АЁҚШларда Аи-80 маркали бензин нархи туширилиши — «Газета.uz»нинг 26 ноябрдаги энг муҳим хабарлари дайжестида.
Президент Шавкат Мирзиёев 28 ноябрь куни Иқтисодий ҳамкорлик ташкилотининг ўн бешинчи саммитида иштирок этиш учун амалий ташриф билан Ашхободга боради.
Тошкентда БМТнинг Наркотиклар ва жиноятчиликка қарши курашиш бўйича бошқармаси ва Марказий Осиёнинг бешта давлати ўртасида 2022−2025 йилларга мўлжалланган янги ҳамкорлик дастури имзоланди. Дастурнинг бюджети 90 млн долларни ташкил этади.
Халқ таълими вазирининг ўқитувчилар ва ота-оналарга мурожаати, талабаларга контрактини тўлаб берган ҳокимликлар рейтинги эълон қилиниши, Янгиҳаёт туманининг айрим ҳудудларида электр таъминоти вақтинча узилиши — «Газета.uz»нинг 25 ноябрдаги энг муҳим хабарлари дайжестида.
Тожикистон Миллий гвардияси қўмондони генерал-лейтенант Бобожон Жамолзода бошчилигидаги делегация илк бора Ўзбекистонга ташриф буюрди. Унинг доирасида 2022 йилга мўлжалланган икки томонлама амалий ҳамкорлик режаси имзоланди.
Вазирликларнинг ҳудудий бўлинмалари битта бинога жойлаштирилиши, ХДП барча аёлларга ҳомиладорлик ва туғиш бўйича кафолатланган нафақа тўлашни таклиф этиши, 1 декабрдан Тошкент метросида жетонлар қабул қилинмаслиги — «Газета.uz»нинг 24 ноябрдаги энг муҳим хабарлари дайжестида.
Президент қарори асосида пахта ва ғалладан қисқартирилган 200 минг гектар ер деҳқончилик учун ажратилади. Бунда электрон танлов орқали 1 гектаргача бўлган ер майдонлари ижарага берилади. Қолаверса, фермер ва деҳқонлар 100 млн сўмгача имтиёзли кредит ҳам олиши мумкин.
Шавкат Мирзиёев Шайхонтоҳур туманига ташрифи чоғида жарлар уни кўпдан бери қийнаб келаётган муаммо эканлигини маълум қилди. Жаҳонгир Ортиқхўжаев эса буни ҳал этиш учун унга 450 млрд сўм зарур эканлигини айтган. «Мен бу пулни эртагаёқ беришимни билдирдим», — деди президент. У шунингдек, жарликларни ёпиб, унинг ўрнига дарахт экиш ва йўл очиш бўйича топшириқ берган.
Норвегиянинг Ўзбекистондаги элчиси этиб тайинланган Жон Микал Квистад Ташқи ишлар вазири Абдулазиз Камиловга ишонч ёрлиқларини топширди. Ўзаро суҳбат чоғида сиёсий, савдо-иқтисодий, Афғонистондаги вазият юзасидан фикр алмашилди.
Президент фармойишига кўра, Янги Ўзбекистон маъмурий ислоҳотлари дастури лойиҳасига таклифлар ишлаб чиқилишида «вазирлик ва идоралар штат бирликларини мақбуллаштириш» устувор йўналиш ҳисобланади. Бундан ташқари, давлат бошқаруви органларининг мақомини белгилаш, «Очиқ идора» лойиҳасини амалга ошириш каби жиҳатлар ҳам шундай йўналишлардан ҳисобланди.
АҚШ Давлат департаменти «Демократия учун» саммитида иштирок этадиган давлатлар рўйхатини эълон қилди. Саммит доирасида авторитаризмдан ҳимоя қилиш, коррупцияга қарши курашиш, инсон ҳуқуқларини ҳурмат қилишга кўмаклашиш масалалари кўтарилади. Ўзбекистон таклиф этилганлар орасида йўқ.
Президент «Янги Ўзбекистон маъмурий ислоҳотлари дастури»ни ишлаб чиқиш бўйича топшириқ бериши, «Гендер зўравонликка қарши 16 кунлик фаол ҳаракатлар» кампанияси эълон қилиниши, президент пойтахт маҳаллаларини айланиши — «Газета.uz»нинг 23 ноябрдаги энг муҳим хабарлари дайжестида.
Президент «2022−2023 йилларга мўлжалланган Янги Ўзбекистон маъмурий ислоҳотлари дастурини ишлаб чиқиш» бўйича топшириқ берди. Унда давлат бошқаруви тизими ва маҳаллий давлат ҳокимияти органларини «аҳолининг фаровонлигини таъминлаш самарадорлиги»га эътибор қаратиш ҳамда «мобиль бошқарув аппарати»ни яратиш орқали уларнинг самарадорлигини ошириш мақсад қилинган.
Ўртачирчиқ туман Халқ депутатлари Кенгаши ёпиқ мажлисда прокурор тақдимномасига кўра депутат Феруза Бабашевани дахлсизлик ҳуқуқидан маҳрум қилди. Депутат «Агробанк» бошқарма бошлиғининг талабига биноан судда жавобгар сифатида иштирок этади.
Коронавирусга қарши қўшимча доза билан эмлашга рухсат берилиши, Зойир Мирзаев видеоселектор тарзида илк «ҳокимлик соати»ни ўтказиши, Шавкат Мирзиёев энергетика соҳасида ДХШ лойиҳаларини кўпайтириш бўйича йиғилиш ўтказиши — «Газета.uz»нинг 22 ноябрдаги энг муҳим хабарлари дайжестида.
Ўзбекистон Буюк Британиянинг кенгайтирилган GSP тизими бенефициари мақомини олди. Шунингдек, ушбу тизим Ўзбекистонга умумий қиймати 437 млрд фунт стерлингдан (тахминан 585,5 млрд доллар) ортиқ истеъмол ва чакана савдо бозорига кириш имкониятини яратади.
Тошкент вилояти ҳокими Зойир Мирзаев видеоселектор тарзида илк «ҳокимлик соати»ни ўтказди. У йиғилишда ўзига „ҳурматли“ деб мурожаат қилмасликларини» айтиб ўтди. Шунингдек ҳоким фуқароларни қабул қилиш масаласига ҳам тўхталиб ўтди. Бундан ташқари Зойир Мирзаев «фуқароларнинг мурожаатларини қабул қиладиган Telegram-бот ташкил этилишини» таъкидлади.
Сенатор Наримон Умаров матбуот анжуманида «Давлат тили тўғрисида»ги қонуннинг янги таҳрири Сенатга киритилмаганини айтди. Ваҳоланки, қонун июнь ойи охирида Сенат ялпи мажлисида маъқулланган эди. Мазкур ҳолатга бошқа ҳеч ким изоҳ бермади.
Қўшимча имкониятларга эга булиш учун сайтда рўйхатдан ўтинг