Цзилинь университетининг бир гуруҳ палеоантропологлари Ўзбекистондаги Тешиктош ғоридан топилган неандертал боланинг кўринишини намойиш этди. Бу ҳақда Синьхуа ахборот агентлиги хабар қилди.

Қайд этилишича, бу биринчи бор 3D-реставрация ёрдамида тошга айланган одам бош суягини компьютерда тикланиши.

Тахминан 300 минг — 40 минг йил олдин яшаган 8−9 ёшли неандертал болага тегишли бўлган тошга айланган бош суяги 1938 йилда топилган. Бу суяк Осиёда топилган биринчи неандертал қолдиғи ҳисобланади. Унинг кашфиёти неандерталларнинг шарққа кўчишини исботлаган.

«Янги реставрация неандертал бола қиёфасини янада ишонарли, шунингдек, унинг ўзига хос хусусиятларини намойиш қилди», — деди Москва давлат университети тадқиқот институти ва антропология музейи директори Александра Бужилова.

Мутахассисларнинг фикрича, янги реконструкция нафақат Евросиё минтақасидаги қадимги одамларнинг ташқи қиёфасини аниқ кўрсатибгина қолмай, балки Марказий Осиёдаги неандерталларнинг морфологик хусусиятларини ҳамда уларнинг атроф-муҳитга мослашувини чуқур ўрганиш ва намойиш қилиш учун янги ғоялар беради.