«Ҳозир ҳамма истеъфога чиқиб кетадиган бўлса, ишни ким қилади» — энергетика вазири истеъфо ҳақида
Энергетика вазири Алишер Султонов газ ва электр таъминоти ортидан жамоаси билан истеъфога чиқиш масаласида фикр билдирди. «Тўғри, камчиликлар жуда ҳам кўп. Лекин ҳозир ҳамма истеъфога чиқиб кетадиган бўлса, ишни ким қилади? Мутахассислар ўзи қолмаяпти. Сиз ўйламанг, ҳеч ким ўзини жойини ушлаб олгани йўқ, лекин қандай қийин бўлмасин, ҳамма ўзини ишини қилиши керак», — деди вазир.
«Ҳеч қачон Ўзбекистон «Лукойл»дан қарз бўлмаган» — энергетика вазири
Энергетика вазири Алишер Султонов таъкидлашича, Ўзбекистон ҳеч қачон «Лукойл»дан қарз бўлмаган. У қарздор «Ўзбекнефтегаз» бўлганини, ҳозирги пайтда «Ўзтрансгаз» газ олганини айтди. «Ўшанинг учун бу иккита хўжалик субъектлари ўртасидаги муносабат» — деди вазир. Унинг ўринбосари Беҳзот Норматов Ўзбекистон «Лукойл» лойиҳаларида қанча даромад қилганини маълум қилди.
АОКА COVID статистикаси бўйича янгилик сабабли «Газета.uz»ни огоҳлантирди
Ахборот ва оммавий коммуникациялар агентлиги «Газета.uz»ни COVID-касалхоналари беморлари статистикаси ва ССВнинг коронавирус беморлари тўғрисидаги маълумотлар таққосланган янгиликни эълон қилгани учун «жиддий ҳуқуқий оқибатлар» ҳақида огоҳлантирди. Биз огоҳлантириш хатига таҳририятни «ноқулай» саволлар беришдан тўхташга мажбур қилишга уринишни эслатадиган кескин жавоб деб қараймиз.
Ўзбекистон 2021 йилда 700 млн долларга евробондлар чиқаришни режалаштирмоқда
2021 йилда Ўзбекистон Молия вазирлиги 5 трлн сўмлик ғазначилик облигацияларини, шунингдек 700 млн долларга халқаро евробондларни чиқаришни режалаштирмоқда, деди молия вазири ўринбосари Одилбек Исоқов. Шунингдек, у сўнгги евробондлар сармоядорлари географияси ҳақидаги маълумотларни ва бундан тушадиган маблағлар қандай мақсадларга йўналтирилиши ҳақида маълум қилди.
Жаҳон янгиликлари дайжести
Номаълум шахс ўз машинасида Ангела Меркелнинг Берлиндаги идораси дарвозасига урилгани, SpaceX Starlink лойиҳаси доирасидаги ўн олтинчи парвоз, Forbes Илон Маскни дунёнинг иккинчи энг бой одами деб тан олмагани ва бошқа янгиликлар — «Газета.uz»нинг жаҳон янгиликлари дайжестида.
Диего Марадона вафот этди
Аргентиналик футбол афсонаси Диего Марадона 60 ёшида оламдан ўтди.
FIFA 2020 йилнинг энг яхши футболчиси, дарвозабони ва мураббийси совринларига номзодларни эълон қилди
FIFA 2020 йилнинг энг яхши футболчиси, дарвозабони ва мураббийси совринларига номзодларни эълон қилди. FIFA.com сайти орқали оммавий овоз бериш 9 декабрь 23:59 гача қабул қилинади. Совриндорлар 17 декабрь куни тақдирланади.
UzCard’да бош директор алмашди
Шу кунгача «Ягона умумреспублика процессинг маркази» МЧЖ (UzCard) директорининг биринчи ўринбосари сифатида фаолият юритиб келаётган Фаррух Зияев жамият бош директори лавозимига тайинланди.
Қозоғистон компаниялари Тошкентда бир қатор лойиҳаларни амалга оширишни режалаштирмоқда
Қозоғистондаги бир қатор компаниялар Ўзбекистон бозорига киришга тайёр. Салқин ичимликлар ишлаб чиқарувчи GALANZ Bottlers ўз заводини қуришни режалаштираётган бўлса, IC Group тозалаш компанияси аутсорсинг хизматларини таклиф қилмоқда, Timus Development компанияси жамоат транспортида бепул Wi-Fi ва туризм, тиббиёт соҳаларига оид IT ишланмаларини жорий этишга ҳозир.
Андижонда 3 та мактабнинг ер майдонлари тадбиркорларга бериб юборилгани аниқланди
Андижон вилояти Балиқчи туманидаги мактабларнинг 73,4 сотих ер майдонлари асоссиз равишда тадбиркорлик субъектларига бериб юборилаётгани аниқланди. Туман прокуратураси туман ҳокимининг қарорига протест киритди.
Шаҳрисабз шаҳри, Сайхунобод ва Сирдарё туманларига ҳокимлар тайинланди
Сирдарё тумани ҳокими ишдан олиниб, ўрнига Сайхунобод тумани ҳокими лавозимида фаолият кўрсатган Ботиржон Мирзақулов тайинланди. Сайхунободга эса вилоят ИИБ бошлиғи ўринбосари бўлган Фаррух Ўктамжонов ҳоким бўлди. Шаҳрисабз ҳокими ҳам ўзгарди.
2020 йилнинг энг яхши университетлари рўйхати эълон қилинди
The World University Rankings 2020 йилдаги дунёнинг энг яхши университетлар рейтингини эълон қилди. Мазкур рейтингда 92 та давлатдан 1400 дан зиёд университетлар қатнашди. Биринчи учталикдан Оксфорд, Калифорния технология ва Кембриж университетлари ўрин олди.
Депутатлар биринчи ўқишда қабул қилган 2021 йилги давлат бюджети қонунга зид бўлиб чиқди
Қонунчилик палатаси депутатлари биринчи ўқишда қабул қилган 2021 йилги давлат бюджети билан Вазирлар Маҳкамасига берилаётган ваколат қонунга зид бўлиб чиқмоқда. Ҳисоб палатаси янги қонун лойиҳаси Бюджет кодексига мувофиқ қайта кўриб чиқилиши лозимлигини қайд этди.
Artel мактаби директори Тошкент шаҳар халқ таълими бошқармаси бошлиғи бўлди
Козимжон Ҳасанов Тошкент шаҳар Халқ таълими бош бошқармаси бошлиғи — пойтахт ҳокимининг таълим ва тарбия масалалари бўйича маслаҳатчиси лавозимига тайинланди. Тайинловдан аввал у Artel Technical School хусусий мактаби директори сифатида фаолият юритган.
Геном бўйича давлат рўйхатига олиш тартиблари белгиланди
Биологик материаллар ёрдамида одамнинг шахсини аниқлаш, таниб олинмаган мурдани идентификация қилиш ёки биологик қариндошликни аниқлаш каби фаолиятларни тартибга солувчи қонун президент томонидан имзоланди.
Қийин аҳволга тушган 17 нафар ўзбекистонлик Россиядан олиб келинди
Россияда қийин аҳволга тушиб қолган 17 нафар ўзбекистонлик олиб келинди. Улар, асосан, касалманд, ҳомиладор ва боқувчисини йўқотган фуқаролар тоифасига киради.
Қашқадарёда қозонхона биносини 6000 долларга сотмоқчи бўлган мактаб директори қўлга олинди
Қашқадарё вилояти Шаҳрисабз туманидаги 7-сонли мактаб директори Б.С. мактаб балансида бўлган яроқсиз қозонхона биносини фирибгарлик йўли билан 6000 долларга сотмоқчи бўлганида ашёвий далил билан қўлга олинди.
Европада карантин чекловлари юмшатилиши режалаштирилмоқда
Рождество байрами муносабати билан Европада карантин чекловлари юмшатилиши режалаштирилмоқда. Францияда 28 ноябрдан савдо мажмуалари очилади. Ноябрь ойи бошида кучга кирган Aнглиядаги карантин 2 декабрда якунига етади. Швецияда эса карантин чекловлари кучаймоқда.
«SOS Ўзбекистон болалар маҳаллалари» қайта номланади
«SOS Ўзбекистон болалар маҳаллалари» болалар маҳаллалари, ёшлар уйлари ва ижтимоий марказлари этиб қайта номланади.
Бундан кейин дарахтларни кесишга экология инспекторлари иштирокисиз йўл қўйилмайди — Экология қўмитаси вакили
11 ойда пойтахтда дарахтларни кесиш билан боғлиқ 307 та қонунбузилиш ҳолатлари аниқланди. Шундан 297 таси маъмурий ҳуқуқбузарлик, 9 таси эса жиноий жавобгарлик билан боғлиқ. «Бундан кейин дарахтларни кесишга экология инспекторлари иштирокисиз йўл қўйилмайди», — деди Тошкент шаҳар экология бошқармаси бошлиғи Нодир Юнусов.
Қўшимча имкониятларга эга булиш учун сайтда рўйхатдан ўтинг