FIFA 2020 йилнинг энг яхши футболчиси, дарвозабони ва мураббийси совринларига номзодларни эълон қилди.
Йилнинг энг яхши футболчиси совринига номзодлар сифатида Тиаго Алькантара («Бавария"/"Ливерпуль»), Криштиану Роналду («Ювентус»), Кевин де Брёйне («Манчестер Сити»), Роберт Левандовски («Бавария»), Садио Мане , Муҳаммад Салаҳ ва Вирджил ван Дейк (ҳаммаси — «Ливерпуль»), Килиан Мбаппе ва Неймар (иккаласи ҳам «ПСЖ»), Лионель Месси («Барселона»), Серхио Рамос («Реал») каби футболчилар кўрсатилган.
Шунингдек, йилнинг энг яхши дарвозабони номинациясига Алиссон («Ливерпуль»), Кейлор Навас («ПСЖ»), Тибо Куртуа («Реал»), Мануэль Нойер («Бавария»), Ян Облак («Атлетико»), Марк-Андре тер Штеген («Барселона») каби футболчилар номзод қилиб кўрсатилган.
Энг яхши мураббий совринини эса Марсело Бьелса («Лидс»), Ханс-Дитер Флик («Бавария»), Юрген Клопп («Ливерпуль»), Хулен Лопетеги («Севилья») ва Зидан («Реал») каби мураббийлардан бири қўлга киритиши мумкин.
FIFA.com сайти орқали оммавий овоз бериш 9 декабрь 23:59 гача қабул қилинади. The Best FIFA Football Awards 2020 танлови совриндорлари 17 декабрь куни тақдирланади.
