Кореяда ўзбекистонлик эркак ёнғин ичида қолган аёлни қутқарди
Жанубий Кореянинг Янгсан шаҳрида 40 ёшли ўзбекистонлик эркак кучли ёнғин ичида қолган кореялик аёлни қутқариб қолди. Аёл 2-даражали куйиш жароҳати билан шифохонага ётқизилган, эркакка воқеа жойида биринчи тез тиббий ёрдам кўрсатилган.
2024 йил якунигача my.gov.uz`даги хизматларнинг 75 фоиздан ортиғи мобил илова орқали кўрсатилади
Кейинги йил охиригача my.gov.uz порталидаги рақамли хизматлар сони 700 тага ошади, уларнинг камида 75 фоизи мобил илова орқали кўрсатилади. Шунингдек, яшил ҳудудлар, пойтахтдаги жамоат транспорти ҳаракати кабилар ҳақида маълумот берувчи порталлар ишга тушади.
Шавкат Мирзиёев ЖСТ бош директори билан ташкилотга аъзолик масаласини муҳокама қилди
Ўзбекистон президенти Нью-Йоркда Жаҳон савдо ташкилоти бош директори билан учрашиб, ташкилотга аъзо бўлиш бўйича ишларни муҳокама қилди. Унда ишчи гуруҳ йиғилишига тайёргарликни тезлаштириш, мутахассислар малакасини ошириш ва қонунчиликни ЖСТ талабларига уйғунлаштириш юзасидан келишувга эришилди.
Шавкат Мирзиёев Нью-Йоркда Жанубий Корея президенти билан учрашди
Нью-Йорк шаҳрида Шавкат Мирзиёев Корея Республикаси президенти Юн Сок Ёль билан учрашди. Унда икки давлат ўртасидаги алоҳида стратегик шериклик муносабатларини кенгайтириш масалалари кўриб чиқилди. Учрашув якунида Шавкат Мирзиёев Жанубий Корея раҳбарини Ўзбекистонга таклиф қилди.
«Яккалаб қўйиш ва санкциялар афғон халқи аҳволини янада оғирлаштирмоқда» — Ўзбекистон президенти
Халқаро хавфсизлик Афғонистондаги жараёнлар билан бевосита боғлиқ. Уни ўз муаммолари билан яна ёлғиз қолдириш катта хато бўлади, деди Мирзиёев БМТ Бош ассамблеясида. У инсонпарварлик ёрдамини давом эттириш, Афғонистоннинг музлатилган активларини ижтимоий муаммоларни ҳал этишга йўналтиришга чақирди.
«ЖСТга тўлақонли аъзо бўлиш — Ўзбекистоннинг устувор йўналишларидан бири» — президент
«Яқин орада ЖСТга тўлақонли аъзо бўлиш Ўзбекистон иқтисодиётини либераллаштириш йўлидаги устувор йўналишлардан биридир», — деди Шавкат Мирзиёев БМТ Бош ассамблеясидаги нутқида.
«Марказий Осиёда ҳамкорликни кенгайтиришдан бошқа йўл йўқ» — Ўзбекистон президенти
Шавкат Мирзиёев БМТ Бош ассамблеяси минбарида сўзларкан, Марказий Осиё минтақасида «минтақавий ўзига хосликни англаш» туйғуси кучайиб бораётганини таъкидлади. «Бизнинг тарих ва келажагимиз ҳам, ҳаётий муҳим манфаатларимиз ҳам умумийдир. Минтақавий ҳамкорлигимизни кенгайтиришдан бошқа йўлимиз йўқ!»
Шавкат Мирзиёев мамлакатлар раҳбарларини «умумий манфаатлар йўлида жипслашиш»га чақирди
Ўзбекистон президенти БМТ Бош ассамблеясида сўзлаган нутқида «ишонч инқирози» ва «халқаро ҳуқуқ меъёрларидан чекиниш» туфайли дунёда кескинлик ортиб бораётганини таъкидлади. У мамлакатларни «умумий манфаатларни мавжуд зиддиятлардан юқори қўйган ҳолда» жипслашишга чақирди.
Шавкат Мирзиёев «Марказий Осиё — АҚШ» саммитида иштирок этди
Президент Нью-Йоркда Марказий Осиё давлатлари ва АҚШ раҳбарларининг «С5+1» форматидаги биринчи саммитида иштирок этди. Унда «бутун минтақа тараққиёти учун стратегик аҳамиятга эга» ҳамкорликнинг устувор йўналишлари, жумладан, транспорт йўлакларини ривожлантириш ва бошқалар кўрсатиб ўтилди.
Ўзбекистон депутатлари IMEI-кодларини клонлаш ва ноқонуний майнинг учун жавобгарлик тўғрисидаги ўзгартиришларни қабул қилди
Қонунчилик палатаси Ўзбекистон кодексларига IMEI-кодларини қонунга хилоф равишда ўзгартириш ёки нусхалаш, шунингдек криптоактивлар айланмаси ва ноқонуний майнинг соҳасидаги қонун ҳужжатларини бузганлик учун жавобгарликни белгиловчи ўзгартишларни қабул қилди.
Қонунчилик палатасида мажлисда қатнашмаётган уч депутат номидан овоз берилди
Қонунчилик палатаси мажлисида қатнашмаётган уч нафар депутат номидан овоз берилди. Жумладан, кун тартибини тасдиқлашда овозлар инобатга олинди. Спикер депутатларнинг йўқлигини пайқагач, уларнинг овозларини ҳисобга олиш тўхтатилди.
19 сентябрь куни Ўзбекистонда содир бўлган энг муҳим воқеалар дайжести
Етишмаётган мактаб дарсликлари, букмекерликни тарғиб қилувчи 27 та сайт блоклангани, 3 соатда Cobalt, Lacetti, Damas va Labo`га 28 мингдан ортиқ шартнома тузган UzAutoMotors, Шавкат Мирзиёевнинг АҚШда ўтказган учрашувлари тафсилоти ва бошқалар — «Газета.uz»нинг кун дайжестида.
Ўзбекистон Сенати қўмитасида давлатнинг дунёвийлигини мустаҳкамловчи тузатишлар муҳокама қилинди
Сенат қўмитасида жиноий ва маъмурий кодексларга давлатнинг дунёвий мақомини мустаҳкамловчи қўшимчалар киритиш масаласи муҳокама қилинди. Қайд этилишича, ижтимоий тармоқларда диний блогерларнинг фақат диний қарашларини акс эттирувчи ва адоватни қўзғатишга қаратилган чиқишлари кўпайган.
Ўзбекистон ҳукумати ҳокимиятларга коммунал хизматлар тарифларини қайта кўриб чиқишни тавсия қилди
Вазирлар Маҳкамаси ҳокимиятларга иссиқлик таъминоти, сув таъминоти ва канализация, шунингдек, шаҳар йўловчи транспорти тарифларини қайта кўриб чиқишни тавсия қилди.
Газ ва иссиқлик таъминотининг арзон тарифларини қоплаш учун давлат бюджетидан 10 трлн сўмдан ортиқ маблағ ажратилди
Айрим хизматлар учун тарифларни пасайтириш сабаб етказилган зарарни қоплаш мақсадида давлат бюджетидан 10 трлн сўмдан ортиқ маблағ ажратилди. Иссиқлик таъминоти корхоналари 901,9 млрд сўм олди, бунинг 92 фоизи пойтахт ҳиссасига тўғри келади. Газ нархидаги фарқни қоплаш учун 8,8 трлн сўм ажратилди.
Ижтимоий тармоқлар фойдаланувчилари: Мактаб дарсликлари қани?
Сўнгги ҳафталарда тармоқларда ота-оналар ва ўқитувчилар мактабларда дарсликлар етишмаётгани, шу боис уларни ўзлари чоп этиб олаётганини ёзмоқда. Дарсликни қўлга киритганлар болалар учун жуда қийин ва жавобсиз вазифаларни танқид қилишяпти. Мактаб таълими вазирлиги эса сукут сақламоқда.
Туркиядаги зилзилаларда жабр кўрган бир гуруҳ нуронийлар Ўзбекистонга келди
Февраль ойида Туркияда рўй берган зилзилаларда жабр кўрган бир гуруҳ нуронийларнинг 30 нафари Ўзбекистонга келди. Улар бир ҳафта давомида мамлакат бўйлаб саёҳат қилади. Бу ташаббус Шавкат Мирзиёевнинг Туркий давлатлар ташкилотининг навбатдан ташқари саммитида илгари сурилганди.
Озарбайжон Қорабоғда «аксилтеррор тадбирлари» бошланганини эълон қилди
Озарбайжон «конституциявий тузумни тиклаш учун» Тоғли Қорабоғда «аксилтеррор тадбирлари» бошлаганини эълон қилди. Тан олинмаган республика пойтахти Степанакерт артиллериядан ўққа тутилмоқда. Мудофаа вазирлиги баёнотида фуқаролик объектлари ва тинч аҳоли нишонга олинмаётгани айтилган.
Uzbekistan’s Club хорижда ўқиётган ўзбекистонлик талабалар ҳақидаги янги лойиҳани тақдим этди
Uzbekistan’s Club жамоаси O’zbekistonlik.Students лойиҳасини бошлади. Унда нуфузли хорижий олий ўқув юртларида таҳсил олаётган ўзбекистонлик талабалар ҳақида ҳикоя қилинади. 1-сон қаҳрамонлари Оксфорд университетидан Муштарий Мадраҳимова ва Шарқий Лондон университетидан Азизбек Аҳмаджонов бўлди.
Шавкат Мирзиёев ХВФ раҳбари билан ислоҳотлар бўйича ҳамкорликни муҳокама қилди
Нью-Йоркдаги учрашувда Ўзбекистон президенти ва ХВФ раҳбари Кристалина Георгиева фонднинг молия соҳаси барқарорлигини комплекс таҳлил қилиш, иқтисодий сиёсатни такомиллаштиришга ҳисса қўшиш ва мутахассислар салоҳиятини ошириш дастурини амалга оширишдаги иштирокини муҳокама қилди.
Қўшимча имкониятларга эга булиш учун сайтда рўйхатдан ўтинг