Шавкат Мирзиёев раислигидаги йиғилишда қуёш панелларини ўрнатишда камчиликларга йўл қўйган 9 та туман ва шаҳар ҳокимларига ҳайфсан берилиши белгиланди. 2 ойда ўзгариш қилмаса, улар ишдан олинади.
Тижорат банклари 11 май куни аҳолидан 1 АҚШ долларини 11 395 — 11 440 сўмдан сотиб олмоқда, сотув курси эса 11 460 — 11 510 сўм.
Ўзбекистоннинг халқаро захиралари апрель ойида 230 млн долларга қисқариб, 35,2 млрд долларни ташкил этди. Бу пасайиш, асосан, валюта захираларининг қисқариши билан боғлиқ.
Бўстонлиқ туманида Франция компанияси томонидан Chimyon халқаро умуммавсумий курорти қурилади. Унда XXL Zip line, Alpine coaster, Adventure tower, Tubing, Via ferrata каби 20 дан ортиқ турдаги қишки ва ёзги аттракционлар ташкил этилади. Курорт йилига 3,1 миллион кишига хизмат қилиши кутилмоқда.
Европа Иттифоқи давлатлари Россиянинг Украинадаги уруши муносабати билан янги санкцияларни муҳокама қилмоқда. Reuters инсайдерларига кўра, Россияга киритилган санкцияларни четлаб ўтишга ёрдам берадиган Хитой, Эрон, Қозоғистон ва Ўзбекистон компаниялари қора рўйхатга киритилиши мумкин.
Uzcard ва Humo тўлов тизимлари банкоматларини интеграция қилиш бўйича техник ишлар якунланди. 1 июндан бошлаб тижорат банклари билан келишилган жадвалга мувофиқ барча банкоматларни босқичма-босқич улаш бошланиши кутилмоқда.
Тижорат банклари 10 май куни аҳолидан 1 АҚШ долларини 11 380 — 11 420 сўмдан сотиб олмоқда, сотув курси эса 11 440 — 11 490 сўм.
Ўзбекистонда электрон хизматлар кўрсатувчи 42 та хорижий компания томонидан январь-апрель ойларида 32,4 млрд сўм солиқ тўланган. Улар ичида энг кўп солиқни Meta (12,1 млрд сўм), Google (9,3 млрд сўм) ва Apple (6 млрд сўм) тўлаган.
Самарқанд шаҳрига ЕТТБ ажратаётган маблағлар ҳисобидан Yutong электробусларининг дастлабки 6 донаси олиб келинди. Йил охиригача яна шундай 94 та электробус олиш режалаштирилмоқда. Яқин йилларда шаҳарда 350 та электр транспорти харид қилинади.
Тижорат банклари 8 май куни аҳолидан 1 АҚШ долларини 11 370 — 11 400 сўмдан сотиб олмоқда, сотув курси эса 11 430 — 11 500 сўм.
«Менинг йўлим» лойиҳасининг 2023 йилги мавсумига овоз бериш якунланди. Жами 517 та лойиҳа ғолиб деб топилди, энди уларга 412 млрд сўмдан ортиқ маблағ йўналтирилади. Жойларда фуқаролар байрам қилишни бошлаб юборди.
Германиянинг Siemens концерни Бухородаги қозонхона ва Қашқадарёдаги иссиқлик электр маркази учун газ турбиналари етказиб беради, шунингдек, Ўзбекистонда бир қанча электр станциялар қуради.
Ўзбекистон президенти қарори билан туроператорларга 5 ва ундан ортиқ хорижий сайёҳлар учун турпакетлар сотишида ҚҚСнинг 20 фоизи қайтарилиши, сайёҳлик компаниялари ва меҳмонхоналарга автобусларни олиб киришда ҚҚСни 12 ой давомида фоизсиз ва шартсиз тўлаш имконияти берилиши белгиланди.
Халқаро космик технологиялар конференцияси доирасида Ўзбекистон таълим сунъий йўлдоши учирилишини эълон қилди. Шунингдек, космосдаги таълимий лойиҳалар доирасида ҳамкорлик меморандумлари имзоланди, пойтахтда компетенциялар марказлари иш бошлади.
«Юксалиш» ҳаракати жисмоний шахслар ўртасидаги пул ўтказмалари ҳақидаги маълумотларни солиқ органларига тақдим этиш Конституция зид эканини маълум қилди. Ҳаракат бу масалани қайта кўриб чиқиш мақсадга мувофиқ эканини қайд этди.
МБ томонидан яна бир банк — «Yangi bank»га лицензия берилди. Уни «Ўзагроэкспортбанк» раҳбарининг собиқ ўринбосари Одил Амерқулов бошчилигидаги «Yangi Group» компанияси ташкил этган.
UzAuto Motors компанияси Chevrolet Tracker ва Onix автомобиллари учун шартномалар беришни ушбу моделларнинг конфигурацияси янгиланиши муносабати билан вақтинча тўхтатди. Компаниянинг билдиришича, автомобиллар учун «иссиқ» вариантлар кутилмоқда.
Тижорат банклари 5 май куни аҳолидан 1 АҚШ долларини 11 390 — 11 440 сўмдан сотиб олмоқда, сотув курси эса 11 450 — 11 515 сўм.
Эндиликда «Обод қишлоқ» ва «Обод маҳалла» дастурлари доирасида молиялаштириладиган тадбирлар 2023 йилдан бошлаб жамоатчилик фикри асосида «Очиқ бюджет» порталида овоз бериш йўли билан аниқланади. Бунда ҳар бир маҳаллада 8 млрд сўмдан ошмаган лойиҳалар пакети шакллантирилади.
«Оҳангаронцемент» ва унинг таъсисчисига нисбатан АҚШ санкцияларининг жорий этилиши корхона фаолиятини тўхтатиб қўйишни англатмайди, дея маълум қилди Марказий банк раҳбари Мамаризо Нурмуратов. Унинг айтишича, бу масалани ҳал этиш бўйича президент топшириғига биноан ишчи гуруҳ тузилган.
Қўшимча имкониятларга эга булиш учун сайтда рўйхатдан ўтинг