Иқтисодиёт
Ўзбекистон иккиламчи бозорида уй-жойлар бир чоракда 5,7 фоизга қимматлашди
Иккиламчи бозорда уй-жойлар нархи II чорак давомида ўртача 5,7 фоизга кўтарилди. Нархлар энг кўп Наманган, Сурхондарё ва Тошкент вилоятларида қимматлашди, барча олди-сотди шартномаларининг учдан бири эса Тошкентга тўғри келмоқда. Пойтахтдаги кўчмас мулк нархлари аҳоли жон бошига даромади юқорироқ бўлган дунёнинг бошқа пойтахт-шаҳарларидан баландроқ, дейилади МБ мутахассиси шарҳида.
Долларнинг расмий курси кўтарилди
Долларнинг расмий курси 25,95 сўмга кўтарилди ва жами 10 613,54 сўм этиб белгиланди. Евро ва рубль курслари ҳам бироз пасайди.
Ярим йилда қарийб 500 та давлат мулки 1,1 трлн сўмга сотилди
Ўзбекистонда шу йилнинг биринчи ярмида 478 та давлат мулки 1,1 трлн сўмга сотилди. Президент видеоселекторда сотилиши белгиланган 288 та мулк савдоларга чиқарилмаганини танқид қилди. Қолаверса, давлат корхоналари ва банклари ихтиёридаги уларнинг фаолиятига хос бўлмаган 511 та объект ҳалигача сотилмасдан тургани айтилди.
Давлат мулкларини «1 сўм» қийматда савдога чиқариш амалиёти бекор қилинади
Президент давлат корхоналари ҳамда банкларнинг асосий фаолиятга хос бўлмаган ва бўш турган объектларини тўлиқ қайтадан хатловдан ўтказиб, уларни хусусийлаштиришга тайёрлаш бўйича топшириқ берди. Давлат мулкларини «1 сўм» қийматда савдога чиқариш амалиёти бекор қилинади. Объектлар бозор баҳосида электрон савдоларга чиқарилади.
Сув ва ичимлик ишлаб чиқарувчилари нима учун мажбурий маркировкадан норози? ДСҚ муносабати
Сув ва салқин ичимлик ишлаб чиқарувчилари маркировка бўйича тажриба лойиҳасини тўхтатишга чақирмоқда, уларнинг фикрича, бу иқтисодий жиҳатдан мақсадга мувофиқ эмас. Солиқ қўмитаси компаниялар хавотирларини асоссиз деб атаб, уларнинг лойиҳада қатнашиш ҳақидаги келишувни имзолаб бўлганларини маълум қилди.
Долларнинг расмий курси яна пасайди
Долларнинг расмий курси 3,41 сўмга пасайди ва жами 10 587,59 сўм этиб белгиланди. Шунингдек, евро курси ҳам бироз пасайди, рубль курси эса кўтарилди.
Ёш оилаларга уй-жой сотиб олиш учун бюджетдан 60 млрд сўм маблағ ажратилади
Ёш оилаларга ипотека дастури доирасида уй-жой сотиб олиш учун 2 мингта квота ажратилиб, бюджетдан 60 млрд сўм маблағ йўналтирилади дея маълум қилди президент Шавкат Мирзиёев ёшлар форумида. Уларнинг ипотека кредитини қайтаришга тўлаган маблағлари даромад солиғидан тўлиқ озод қилинади. Шунингдек, «Дафтарлар»га кирган оилаларнинг янги турмуш қураётган фарзандларига ўз хонадонида қўшимча уй-жой тиклаши учун 33 млн сўмгача гаровсиз кредит ажратиш тизими йўлга қўйилади.
Президент ёшлар бандлигини таъминлаш бўйича қатор чораларни эълон қилди
Шавкат Мирзиёев мактаб битирувчиларига аттестат беришда меҳнат бозорида талаб юқори бўлган бирор касб ёки ҳунарни эгаллаш мажбурий этиб белгиланишини маълум қилди. Шунингдек, кенгаш ва идора раҳбарларигига камида 2 нафардан ёш номзодлар захирасини тасдиқланиши белгиланмоқда. Халқаро нуфузли рейтингларда минггталикка кирган олийгоҳни тугатган ёш мутахассисларга қўшимча ҳақ тўланади. 2021 йилнинг якунига қадар Қорақалпоғистон ва бир қатор вилоятларда ёшлар технопарклари фойдаланишга топширилади.
USAID қишлоқ хўжалиги соҳасида бизнес лойиҳалар танловини эълон қилди
АҚШ Халқаро тараққиёт агентлиги агробизнес соҳасидаги корхоналар учун бизнес ғоялар танловини ўтказмоқда. Унда аёллар ва ёшлар бошқарувидаги ёки уларни иш билан таъминловчи корхоналар иштирок этиши мумкин. Танловда қатнашиш учун ариза топшириш санаси 16 июлга қадар.
БМТ Тараққиёт Дастури ва ГЭЖ Тошкентда электробуслар сотиб олишга $3,9 млн ажратади
Тошкент учун БМТ Тараққиёт Дастури ва Глобал экология жамғармаси кўмагида электробуслар сотиб олиш режалаштирилмоқда. Пилот лойиҳа шаҳарда «яшил транспорт йўлагини» жорий этишни назарда тутади. Олти йиллик лойиҳанинг донорлари 3,9 млн доллар ажратдилар.
Долларнинг расмий курси уч кунлик кўтарилишдан сўнг бироз пасайди
Долларнинг расмий курси 14,30 сўмга пасайди ва жами 10 591,00 сўм этиб белгиланди. Шунингдек, евро ва рубль курслари ҳам бироз пасайди.
Ўзбек сўмининг эволюцияси — фото
1994 йилда Ўзбекистон миллий валютаси қабул қилинган. Шу йилда 1 дан 100 гача бўлган номиналда сўм банкноталари муомалага чиқарилган. Сўнгги 5 йил ичида эса яна беш хил номиналда банкноталар жорий қилинди. «Газета.uz» ўзбек сўмининг 1994 йилдан кейин чиқарилган барча банкнотларини эслайди.
Ўзбекистон яширин иқтисодиётнинг ЯИМдаги улуши бўйича Марказий Осиёда биринчи ўринда
Дастлабки ҳисоб-китобларга кўра, 2019 йил Ўзбекистонда яширин иқтисодиётнинг ЯИМдаги улуши 52,11 фоизни ташкил этган. Мараказий Осиёнинг бошқа давлатларида эса бу кўрсаткич нисбатан пастроқ. Тожикистон ЯИМда яширин иқтисодиёт 40,7 фоизни, Қозоғистонда 36,6 фоизни ва Қирғизистонда эса 30,5 фоизга тўғри келган.
Қозоғистон ўзбек гилосини кейинчалик Дубайда сотиш учун харид қилади
Қозоғистон cавдо ва интеграция вазири Бахит Султонов Ўзбекистонга сафари давомида иккита шартнома имзолашга эришди. Хусусан, Қозоғистон компанияси ўзбек гилосини кейинчалик Дубай савдо тармоқларида сотиш учун харид қилишни режалаштирмоқда.
Банкларнинг муаммоли кредитлари улуши 4,7 фоизгача ўсди
Ўзбекистон банк тизимидаги муаммоли кредитлар (NPL) улуши 1 июнда 4,7 фоиз ёки 14 трлн сўмга етди, ўтган йил бошида бу кўрсаткич 2,1 фоизни ташкил этган эди. NPL ЎзМБ, «Агробанк», «Ўзсаноатқурилишбанк», Халқ банки, «Қишлоқ қурилиш банк» ва бошқаларда ўсди.
Долларнинг расмий курси кетма-кет учинчи кун кўтарилди
Долларнинг расмий курси 18,47 сўмга кўтарилди ва жами 10 605,30 сўм этиб белгиланди. Евро ва рубль курслари эса бироз пасайди.
Тошкент шаҳар ЙҲХБга электромобиллар топширилди
Пойтахт ЙҲХБга ORA IQ русумли электромобиллар фойдаланишга топширилди. Тажрибанинг мақсади ушбу транспорт воситасининг ички ишлар идораларида ишлатиладиган автоуловларга нисбатан устунлиги ёки камчиликларни ўрганишдан иборат, дея қайд этди бошқарма.
Ўзбекистон иқтисодиёти 2021 йилда 5,6% га ўсади — ЕТТБ
Европа тикланиш ва тараққиёт банки Ўзбекистон иқтисодиёти 2021 йилда 5,6% га ва 2020 йилда 6% га ўсишини прогноз қилмоқда.
Ўзбекистон мис сотишдан $2,5 млрд даромад топмоқда, бироқ кластерлар ҳисобига фойдани оширишни режалаштирмоқда
Ўзбекистон бугунги кунда мисдан 2,5 млрд доллар даромад кўрмоқда. Келгуси 5 йилда мис ишлаб чиқариш ҳажмини 400 минг тоннагача етказиш орқали, бу кўрсаткични турдош тармоқлар билан бирга 7−8 миллиард долларга етказиш мумкин, дейилди президент раҳбарлигида ўтказилган йиғилишда. Бунинг учун мис саноати кластерларини ташкил этиш ва бошқа чораларни амалга ошириш режалаштирилмоқда.
UzAuto Motors Қозоғистонда автомобиль сотиш бўйича биринчи ўринга чиқиб олди
UzAuto Motors январь-май ойларида Қозоғистонда 11,7 минг дона автомобиль сотиб, савдо ҳажми бўйича биринчи ўринга кўтарилди.
Энг кўп ўқилган хабарлар | Сўнгги янгиликлар
- Нега турар жой мажмуалари қурувчи ташкилотлар тақдим этган лойиҳага мос келмайди? Архитектор фикри
- «Вақт ўтиши билан прогрессив солиқ шкаласи ҳақида ўйлаш мумкин бўлади» — Cолиқ қўмитаси вакили
- «Шунақаси ҳам бўлган». Энергетика вазири — нефть ва газ саноатида инвесторлар билан шартномаларни қайта кўриб чиқиш ҳақида
- Ўзбекистон Афғонистондан 1 млн тоннадан ортиқ кўмир импорт қилишни режалаштирмоқда
Қўшимча имкониятларга эга булиш учун сайтда рўйхатдан ўтинг