Шавкат Мирзиёев тадбиркорлар билан учрашувни ҳар йили ўтказиш кераклигини таъкидлаб, 20 августни мамлакатда «Тадбиркорлар куни» деб эълон қилишни таклиф қилди.
2025 йилга қадар Ўзбекистонга айрим турдаги юк машиналарини олиб кирганда божхона божи, утилизация ва автотранспорт йиғимларининг ноль ставкалари қўлланилади.
5000 сўм ва 10 000 сўм номиналдаги янги банкноталар 26 августдан муомалага чиқарилади. Марказий банк уларнинг дизайнини эълон қилди. 2013 йил ва 2017 йил намунасидаги банкноталар тўлов қобилиятини йўқотмайди.
Шавкат Мирзиёев солиқ идоралари қўллаётган айрим жарималар сони ва миқдорининг ортгани уни хавотирга солаётганини таъкидлади. Солиқ маъмурчилигини соддалаштириш, солиқ идораларининг назорат функцияларини такомиллаштириш юзасидан, жиддий чораларни амалга ошириш зарурлиги айтилди.
Шавкат Мирзиёев тадбиркорлар билан мулоқотда ҳамма арзон кредит олишни хоҳлашини, бироқ фоизни сунъий пасайтириш бозордаги мувозанатга салбий таъсир кўрсатишини таъкидлади. «Лекин, кредит фоиз ставкаларини сунъий пасайтирсак, пул бозоридаги мувозанат бузилади. Шунинг учун, иқтисодиётга арзон кредит берамиз деб, макроиқтисодий барқарорликни унутиб қўймаслигимиз лозим», — деди давлат раҳбари.
Президент тадбиркорларга кредитни миллий валюта — «сўм»да ва бизнес вакиллари учун мақбул фоизларда бериш тизими йўлга қўйилишини маълум қилди. 1 октябрдан илгари 1 млн долларгача хорижий валютада олинган 6 мингга яқин тадбиркорнинг жами 1 млрд долларга яқин кредитлари миллий валютага ўтказиб берилиши айтилди.
Ишбилармонлар билан мулоқот давомида Шавкат Мирзиёев ишбилармонлардан келиб тушган мурожаатларнинг 40 фоизи бизнесни молиялаштириш ва молия-кредит масалалари билан боғлиқ эканлигини маълум қилди. «Банкларнинг капиталини ошириш бўйича, қўшимча имкониятлар ишга солинади. Бунинг учун келгуси йилда банкларга Тикланиш ва тараққиёт жамғармасидан бозор тамойиллари асосида, қўшимча 600 миллион доллар ажратилади», — деди Шавкат Мирзиёев.
Президент Шавкат Мирзиёев мамлакатда янги иш ўринларини яратиш, экспорт салоҳиятини ошириш ва бюджет барқарорлигини таъминлаш йўлида ҳисса қўшаётган 100 нафар тадбиркорга миннатдорчилик билдирди.
Ўзбекистон 2021 йилнинг январь-июль ойларида 194 млн долларга енгил автомобиль экспорт қилди. Экспортнинг қарийб 94 фоизи Қозоғистон ҳиссасига тўғри келди, иккинчи ўринда — Афғонистон.
UzAuto Motors компанияси Spark учун шартнома тузишни қайта тиклади, янги шартномалар бўйича автомобилларни етказиб бериш 2022 йилнинг февралидан бошланади.
Долларнинг расмий курси 12,00 сўмга пасайди ва жами 10 632,00 сўм этиб белгиланди. Шунингдек, евро ва рубль курслари ҳам пасайди.
Статистика қўмитаси маълумотларига кўра, Ўзбекистон доимий аҳолиси таркибида ўзбеклар, тожиклар, қозоқлар, қорақалпоқлар ва руслар энг йирик этник гуруҳларни ташкил қилади. 1989 йилдан 2021 йилга қадар ўзбек миллатига мансуб аҳоли сони икки баравардан зиёдга кўпайиб, 29,2 млндан ошган.
Июлда Ўзбекистон кўчмас мулк бозорида талабнинг пасайиши кузатилди, дея хабар қилди Иқтисодий тадқиқотлар ва ислоҳотлар маркази. Бунга эпидемиологик вазиятнинг ёмонлашгани ва ипотека кредитлари ҳажмининг камайиши сабаб қилиб кўрсатилди.
Долларнинг расмий курси 8,31 сўмга пасайди ва жами 10 644,00 сўм этиб белгиланди. Шунингдек, евро ва рубль курслари ҳам пасайди.
Ўзбекистон Ислом тараққиёт банки (ИТБ) гуруҳининг 2021 йилги йиллик анжуманига мезбонлик қилади. Анжуман 31 августдан 4 сентябргача Тошкент Халқаро конгресс-марказида бўлиб ўтади.
Молия вазирлиги ташаббусли бюджет бўйича овоз бериш бошланганини эълон қилди. Эндиликда фуқаролар маҳаллий бюджетни тақсимлашда иштирок этиш, инфратузилмаларни яхшилаш, йўллар, мактаблар, болалар боғчалари ва бошқаларни қуриш ҳамда таъмирлаш бўйича лойиҳаларга овоз беришлари мумкин.
Афғон инқирози туфайли Ўзбекистон ва Покистоннинг доллардаги евробондлари босим остида қолди, дея қайд этди Financial Times. Фондлар бошқарувчиларининг сўзларига кўра, Афғонистондан қочқинларнинг эҳтимолий чиқиб кетиши қўшни давлатларда молиявий муаммоларни келтириб чиқариши мумкин.
Долларнинг расмий курси 7,69 сўмга пасайди ва жами 10 652,31 сўм этиб белгиланди. Шунингдек, евро ва рубль курслари ҳам бироз пасайди.
Президент Шавкат Мирзиёев кўплаб одамларнинг бандлиги ва даромади тадбиркорликнинг қандай қўллаб-қувватланишига боғлиқ эканлигини таъкидлади. «Агар биз тадбиркорларни қўллаб-қувватламасак, уларга шароит яратиб бермасак, шаҳар ва туманларнинг маҳаллий бюджети ночор аҳволда қолаверади», — деди у.
Беҳзод Ҳошимовнинг ёзишича, иқтисодий қолоқлик ва имкониятлар тенгсизлиги келажакда Ўзбекистон тинчлиги учун хавф туғдириши мумкин. «Бизнинг иқтисодий даражамизда биздек тинч мамлакатлар деярли йўқ, бизнинг даромадларимиз анча „хавфли“ чегарада», — дейди у.
Қўшимча имкониятларга эга булиш учун сайтда рўйхатдан ўтинг