Президентга Сурхондарёдаги сув омборларини модернизация қилиш ва сув таъминотини яхшилаш бўйича лойиҳалар тақдим этилди. Шавкат Мирзиёев барча сув омборлари хавфсизлигини яхшилаш, тизимни рақамлаштириш даражасини ошириш бўйича кўрсатмалар берди.
Wizz Air Abu Dhabi лоукастери Ўзбекистонга парвозларни амалга ошириш учун рухсат олди. Кузда авиакомпания мамлакатнинг икки шаҳрига тўртта рейсни йўлга қўйишни режалаштирмоқда.
Ҳукумат қарорига кўра, 10 гектардан кам бўлмаган пахта ва дон экин майдонларида сувни тежовчи технологияларни қўллаш учун 100 млн сўмгача субсидия ажратилади. Ариза туман ҳокимлигида қабул қилинади, субсидиялар Сув хўжалиги ҳамда Қишлоқ хўжалиги вазирликлари томонидан тўлаб берилади.
2022 йилда эркин иқтисодий ва саноат зоналарига электр, газ ва сув коммуникацияларини ўтказиш дастури тасдиқланди. Аввалроқ Шавкат Мирзиёев саноат зоналарининг муҳандислик-коммуникация инфратузилмаси, уларнинг учдан бирида электр, газ, сув ва канализация йўқлигини танқид қилганди.
Австриянинг «UniCredit Bank Austria AG» банки Ўзбекистон қишлоқ хўжалиги соҳасига инновацион технологиялар трансферини молиялаштириш учун 7,9 млн евро ажратди. Ушбу имтиёзли маблағлар «Bauer GmbH» компаниясининг ёмғирли суғориш учун инновацион технологияларини харид қилишга сарфланади.
Украинадаги уруш Россияга кучли боғланган иқтисодиётлар учун ташқи савдо хатарларини келтириб чиқарди. Шунга қарамай, март-апрель ҳолатига Ўзбекистон ташқи савдоси соғлом кўрсаткичларда ўсди. «Газета.uz» колумнисти Миркомил Холбоевнинг таъкидлашича, бу тенденция келгуси ойларда ўзгариши мумкин.
Turkish Airlines авиакомпанияси Истанбулдан Бухорога тўғридан-тўғри рейсларни йўлга қўйди. Шундай қилиб, Ўзбекистон ва Туркия шаҳарлари ўртасида амалга оширилаётган мунтазам авиақатновлар сони 56 тага етди.
Бухорода меҳмонхона, ошхона, савдо дўконларининг том қисмида, шунингдек, марказий кўчалардаги давлат органлари биноларининг биринчи қаватларида ресторан ва кафетерийлар ташкил этилмоқда. Президент мазкур тажрибани бутун республика, жумладан, Тошкентда ҳам татбиқ этишни топширди.
Ўзбекистоннинг Жаҳон савдо ташкилотига аъзо бўлиш бўйича ишчи гуруҳи 21−22 июнь кунлари Женевада бешинчи бор йиғилиш ўтказади. Аввалроқ бош вазир ўринбосари — ИТСВ раҳбари Сардор Умурзаков Ўзбекистон ташкилотга тезроқ киришга устувор аҳамият қаратишини таъкидлаган эди.
Россиядаги иқтисодий инқироз, шунингдек, Россия компаниялари ва иқтисодиёт тармоқларига нисбатан санкциялар Ўзбекистондаги фаолиятга таъсир қилади, деб таъкидлади S&P. Мамлакат Россиянинг Украинага бостириб кирган давр мобайнида ташқи шоклар ва ноаниқликларга бардош беради, аммо хавфлар ҳам мавжуд.
Январь-апрель ойларида Ўзбекистоннинг озиқ-овқат импорти ҳажми 48,9 фоизга ошиб, 1,12 млрд долларни ташкил қилди. Таъминотнинг асосий қисмини буғдой, хом шакар, маргарин ва аралаш ёғлар, гўшт ва картошка ташкил қилади.
Ўзбекистонда россияликлар айнан қандай соҳаларда бизнес қилишмоқда? Улар мамлакатда қайси соҳаларни тавсия этишади? Умуман, 2022 йил бошидан буён кириб келган Россия тадбиркорлари Ўзбекистон ҳақида қандай фикрда?
Давлат статистика қўмитаси маълумотига кўра, Ўзбекистонда мобил алоқа абонентлари сони 29,91 миллионни ташкил этмоқда. 100 кишига 84 та абонент тўғри келмоқда. Ҳар бешинчи фойдаланувчи Тошкент шаҳрида рўйхатдан ўтган.
Туркманистон 1 июндан бошлаб Ўзбекистонга транзит юк ташишга рухсат берди. Бир қатор талаблар ҳам ўрнатилди: автомобиллар автоколоннада ҳаракатланиши керак, ҳайдовчиларга тўхташ ва кабинадан чиқиш тақиқланади ва бошқалар.
Меҳнат вазирининг биринчи ўринбосари Эркин Мухитдинов Россиядан Ўзбекистонга меҳнат муҳожирларининг оммавий қайтиши кузатилмаганининг учта омилини айтиб ўтди. Унинг сўзларига кўра, хорижлик берувчилар «бизнинг ишчи кучимиз қадрига етишди».
Ўзбекистон ва Тожикистонни боғлайдиган поезд ҳафтада бир марта Душанбедан Самарқанд орқали Тошкентга қатнайди, деб хабар берди «Ўзбекистон темир йўллари» матбуот хизмати «Газета.uz» сўровига биноан. Сафар вақти — 21 соат.
АҚШ долларининг сўмга нисбатан расмий курси 17,39 сўмга қимматлаб, яна 11 минг сўмлик чегарадан ўтди — 11 012,06 сўм. Евро ҳам ўсди, рубль арзонлади.
Миллий валюта — «сўм» рамзига энг креатив лойиҳа сифатида 508 та ижодий иш орасидан Жумагалдиев Сарвар график белгиси ғолиб деб топилди. МБ буни «миллий валютанинг ўзига хос тимсолини ёрқин ифода этган энг креатив лойиҳа» деб атади. Жами 17 мингта ариза келиб тушди, финалга шундан 54 таси ўтди.
Рубль ҳозирги кунда қанчалик мустаҳкам валюта? Нега февраль ойидаги кескин пасайишдан сўнг валюта барқарорлашди? Россия валютасини қандай хавфлар кутиб турибди?
Пойтахт ҳокимияти Тошкент аэропортига туташ ҳудудларни Uzbekistan Airports балансига ўтказади. Компания раҳбари Раъно Жўраева аввалроқ, бу аэропорт вокзалолди майдонда ўз лойиҳаси ва режасини амалга ошириш учун зарурлигини таъкидлаганди.
Қўшимча имкониятларга эга булиш учун сайтда рўйхатдан ўтинг