Коронавирус
Ўзбекистонда 1,8 миллион дозадан ортиқ вакцина қўлланилди
Ўзбекистонда 1,8 млн дозадан ортиқ вакцина қўлланилди. Шунингдек, сўнгги кун ичида 298 нафар бемор касалликдан соғайиб, Ўзбекистонда соғайиш кўрсаткичи 96 фоизга етди.
Ўзбекистонда вакцинанинг 2-дозасини олганлар сони 500 минг нафарга етди
Ўзбекистонда коронавирусга қарши эмланганлар сони 1,7 млн нафардан ошган бўлиб, эмланганлар орасида 499 094 нафар фуқаро вакцинанинг 2-дозасини қабул қилган. Шунингдек, сўнгги кун ичида 269 нафар бемор касалликдан соғайган бўлиб, Ўзбекистонда соғайиш кўрсаткичи 96 фоизни ташкил этмоқда.
COVID-19 га қарши 1,2 миллиондан ортиқ киши эмланди
Ўзбекистонда коронавирусга қарши 1-босқичда эмланганлар 1 212 597 нафарни, 2-босқичда эмланганлар 470 519 нафарни ташкил қилмоқда. Эмлаш кўрсаткичлари бўйича юқори ўринларни Фарғона, Андижон ва Наманган вилоятлари қайд қилмоқда.
Баъзи вакциналар мамлакатларга «пандемиядан тезроқ чиқиб кетишга» ёрдам беради — Bloomberg
Аҳолининг катта қисми эмланган барча мамлакатларда ҳам COVID-19 вирусининг тарқалиши камаяётгани йўқ. Бунинг сабабларидан бири — турли хил вакциналардан фойдаланишдир, деб ёзади Bloomberg. Нашрнинг таъкидлашича, РНК вакциналари (Moderna, Pfizer) вирус юқтиришни камайтиришга анъанавий вакциналар (AstraZeneca, Sinopharm ва бошқалар) га қараганда яхшироқ ёрдам беради. Бироқ, барча вакциналар оғир аломатларнинг ривожланиши ёки ўлим хавфини камайтиради.
Яна бир миллион дозада хитой-ўзбек вакцинаси олиб келинди
Ўзбекистонга хитой-ўзбек вакцинасининг навбатдаги партияси 1 миллион дозада олиб келинди. Эртага ушбу вакцинадан яна 500 минг доза вакцина олиб келиниши айтилмоқда.
ТАТУ талабалари ўқув йилини онлайн тарзда тугатади
Тошкент ахборот технологиялари университетида таҳсил ўқув йили сўнггига қадар масофавий тарзда давом эттирилади. Аввалроқ, университет 27 апрелдан 10 майга қадар 14 кунга масофавий таълим тизимига ўтган эди.
Самарқандда барча таълим муассасаларидаги карантин яна 14 кунга узайтирилди
Самарқанд шаҳар ҳудудида коронавирус инфекциясини юқтириш кўрсаткичи ошиб бораётганлиги сабабли барча таълим муассасаларидаги карантин муддати яна 14 кунга узайтирилди.
Туркия ва Ҳиндистонга авиақатновлар учун вақтинчалик чекловлар ўрнатилмоқда
10 майдан бошлаб Ўзбекистондан Туркия ва Ҳиндистонга авиақатновлар учун чекловлар жорий этилди. Ушбу мамлакатларга фақат иш, ўқиш ёки даволаниш юзасидан кетаётганлар, шунингдек дипломатлар ва чет эллик мутахассислар учишлари мумкин. Авиачипталар фақат махсус комиссиянинг рухсати билан ёки кетиш учун тасдиқланган сабаб бўлса сотилади.
Тошкент давлат юридик университети вақтинчалик масофавий таълимга ўтказилди
Тошкент давлат юридик университети 10 майдан бошлаб 14 кунга масофавий (онлайн) шаклга ўтказилди.
Токио-2020 олдидан Ўзбекистон делегациясини COVID-19`га қарши эмлаш бошланди
Токио-2020 Олимпия ва Паралимпия ўйинларида иштирок этадиган Ўзбекистон делегацияси вакилларини COVID-19`га қарши эмлаш жараёни бошланди. Уларга «Sputnik V» вакцинаси қилинмоқда. Жами 250 нафар спортчи ва мураббийлар эмланиши режа қилинган.
COVID-19`га қарши 1 миллиондан ортиқ киши эмланди
Ўзбекистон бўйлаб коронавирусга қарши эмланганлар сони 1 млн 46 минг 668 нафарга етди. Эмланганларнинг энг юқори кўрсаткичлари Фарғона, Андижон, Наманган ва Самарқанд вилоятларида қайд этилган.
«„Спутник V“ вакцинаси амалдорлар учун олиб келинган деган қараш жуда нотўғри» — СЭС бошлиғи ўринбосари
СЭС бошлиғи ўринбосари COVID-19`га қарши «Спутник V» вакцинаси билан «фақат амалдорлар эмланаётгани ҳақидаги қараш жуда нотўғри» эканлигини маълум қилди. Унинг таъкидлашича, мазкур вакцина билан фақатгина 65 ёшдан катталар эмланиши кўзда тутилган, шу сабабли ушбу ёшдан кичикларга рад жавоби берилмоқда. 1 май куни қуйи палата спикери ўринбосари 37 ёшли Одилжон Тожиев «Спутник V» вакцинаси билан эмланган.
Бир инсон фақат бир турдаги вакцинани олиши керак — СЭС бошлиғининг ўринбосари
Бир одам икки ҳил вакцина билан эмланиши мумкин эмас, иккинчи бошқа вакцина қилиш салбий оқибатларга олиб келиши мумкин, дея маълум қилди СЭС бошлиғининг ўринбосари. Унинг таъкидлашига кўра, бундай ҳолда организмда иммун-жавоб реакциясини ўзига хос кечиши ва у одам касалликка чалиниб қолиш эҳтимоли бор.
Aнтирекорд янгиланди: кун давомида 452 кишида коронавирус қайд этилди
5 май куни Ўзбекистонда 452 кишида коронавирус аниқланиб, йил бошидан энг кўп касалланиш ҳолатлари аниқланди. Умумий касалланиш ҳолатлари сони 93 минг нафардан ошди. Мамлакатда 1 миллиондан ортиқ коронавирусга қарши вакцина дозалари ишлатилиб, 32,5 мингдан ортиқ киши иккинчи босқичда эмланган.
Молия институти 14 кунга, СамДЧТИ ўқув йили охиригача масофавий таълимга ўтказилди
Талабалар орасида COVID-19 инфекцияси аниқлангани сабабли, Молия институти 14 кунга, Самарқанд давлат чет тиллар институти ўқув йили охиригача масофавий таълим тизимига ўтди.
Жаҳон янгиликлари дайжести
Туркияда 7 майдан бошлаб карантин чораларининг кучайтирилиши, тожик-қирғиз чегарасидаги тўқнашувларда 19 нафар Тожикистон фуқаросининг вафот этгани, Германияда миллатчилик сабаб бўлган жиноятлар даражасининг ошиб бораётгани ва бошқа янгиликлар — «Газета.uz»нинг жаҳон янгиликлари дайжестида.
Коронавирусга қарши эмлаш ҳар йили ўтказилиши мумкин
Коронавирусга қарши вакцинадан инфекцияга қарши антитаначалар узоқ муддат сақланмаса, бу эмлаш ҳам худди грипп вирусига қарши эмлаш каби ҳар йили ўтказилиши мумкин.
Ўзбекистонда деярли 14 мингдан ортиқ фуқаро вакцинанинг иккинчи дозаси билан эмланган
1 майдан бошлаб вакцинанинг биринчи босқичини олган фуқароларни унинг иккинчи дозаси билан ҳам эмлаш бошланган бўлиб, ҳозирги кунгача Ўзбекистонда коронавирус инфекциясига қарши эмланган фуқароларнинг 14 285 нафари иккинчи босқичда эмланган.
Санэпидхизмат раҳбари коронавирусга қарши эмланди
Соғлиқни сақлаш вазири ўринбосари, Санитария-эпидемиологик осойишталик ва жамоат саломатлиги хизмати бошлиғи Баҳодир Юсупалиев коронавирусга қарши ZF-UZ-VAC2001 вакцинаси билан эмланди.
Тошкентда 35 та ОТМ, 132 та мактаб ва 22 та болалар боғчаси карантинга ёпилди
2 май ҳолатига кўра Тошкентда 35 та ОТМ, 132 та мактаб ва 22 та болалар боғчаси, шунингдек, бир қатор таълим ва тиббиёт муассасалари, хизмат кўрсатиш объектлари икки ҳафтага карантинга ёпилди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг