Сиёсат

Эрон президентининг вертолёти ҳалокатга учради. Ўзбекистон ТИВ хавотир билдирди

Эрон президенти Иброҳим Раисий бўлган вертолёт Эрон-Озарбайжон чегараси яқинида «қаттиқ қўнди». Қидирув ноқулай об-ҳаво шароити ва қоронғилик туфайли мураккаблашган. Ўзбекистон Ташқи ишлар вазирлиги зарурат бўлса, ёрдам беришга тайёрлигини билдирди.

Шавкат Мирзиёев Эрон президенти вафоти муносабати билан ҳамдардлик билдирди

Шавкат Мирзиёев Эрон президенти Иброҳим Раисийнинг авиаҳалокатда вафот этгани муносабати билан мамлакат олий диний раҳбарига ҳамдардлик билдирди.

Оҳангарон туманида ҳоким алмашди

2023 йил август ойидан бери Тошкент вилояти Оҳангарон туманига ҳокимлик қилиб келган Эркин Муҳитдинов лавозимидан озод этилиб, вилоят ҳокими биринчи ўринбосари этиб тайинланди. Унинг ўрнини вилоят ҳокими ёрдамчиси Дониёр Мадиримов эгаллади.

Сенат Ўзбекистон ва АҚШ Мудофаа вазирликлари ўртасидаги махфий маълумотларни ҳимоя қилиш тўғрисидаги битимни маъқуллади

Сенат Ўзбекистон ва АҚШ Мудофаа вазирликлари ўртасидаги махфий ҳарбий маълумотларни ҳимоя қилиш чора-тадбирлари тўғрисидаги битимни ратификация қилиш ҳақидаги қонунни маъқуллади. Ҳужжат ахборот алмашинуви, ҳарбий-техник ёрдам олиш ва бошқа масалаларни қамраб олади.

Иқтисодиёт

Petronas Ўзбекистонда газни қайта ишлаш бўйича иккита лойиҳани амалга оширади

Малайзиянинг Petronas нефть-газ компанияси Ўзбекистонда газни қайта ишлаш бўйича иккита йирик лойиҳани амалга оширишда иштирок этади, деб маълум қилди инвестициялар вазири Лазиз Кудратов. 10 йил аввал компания Ўзбекистондаги ваколатхонасини ёпган ва барча лойиҳалардан воз кечганди.

Давлат мулкини ижарага бериш тартибини бузганлик учун жавобгарлик белгиланмоқда

Сенат давлат мулкини ижарага бериш тартибини бузганлик учун жавобгарлик белгилашни назарда тутувчи қонунни маъқуллади. Мансабдорлар давлат мулкини шартнома тузмасдан ижарага берган, ижарачининг мулкни қабул қилиб олишига асоссиз тўсқинлик қилган ва бошқа ҳолларда жаримага тортилади.

Сув хўжалиги вазирлиги ягона сув баланси ва давлат сув кадастрини юритади

Президент барча манбалар бўйича ягона сув балансини юритиш ва давлат сув кадастрини ташкил этиш учун Сув хўжалиги вазирлигини масъул этиб белгилади. Вазирлик таркибида Эксплуатация агентлиги ва Сув хўжалиги лойиҳаларини амалга ошириш департаменти ташкил этилмоқда.

Жамият

Наманганда 63-халқаро гуллар фестивали бошланди — фоторепортаж

Наманган шаҳри бўйлаб 63-халқаро гуллар фестивалининг илк кунида гулларга бурканган автокарвон юриб ўтди. Байрам арафасида 45 млн тупдан зиёд гул ва бута экилди. Бу йил анъанавий тадбирда 6 млн киши иштирок этиши кутилмоқда. «Газета.uz» 23 июнгача давом этадиган фестивалдан фоторепортаж тайёрлади.

Пайшанбадан Ўзбекистон бўйлаб ёмғир ёғиши кутилмоқда

Ёмғирли ва салқин ўтган дам олиш кунларидан сўнг Ўзбекистон бўйлаб чоршанбагача қуруқ об-ҳаво ҳукм суради, ҳарорат 24−29 даражагача исийди. Пайшанбадан бошлаб айрим ҳудудларда қисқа муддатли ёмғирлар ёғиб, момақалдироқ бўлади.

Самарқандда 5 ёшли бола ток уриши оқибатида ҳалок бўлди

Нуробод туманида 5 ёшли бола электр токи уриши оқибатида ҳалок бўлди. «Самарқанд вилоят ҳудудий электр тармоқлари» фаолияти юзасидан текширув тайинланди.

Самарқандда 6-синф қизга севишини айтган 9-синф ўқувчиси «самосуд» қилинди

Пастдарғом туманида 15 ёшли бола 6-синф қизга севишини айтгани учун қизнинг акаси томонидан «самосуд» қилинди. Йигит боланинг сочи ва қошини қайчи билан қирққан ва тан жароҳати етказган. Самарқанд вилояти ИИБ ҳолат юзасидан жиноят иши қўзғатилганини билдирди.

«Долзарб 40 кунлик» рейдлари доирасида ушланган яна икки шахсга ҳукм ўқилди

Суд 2023 йил охирида Тошкентда ўтказилган «Долзарб 40 кунлик» рейдлари доирасида ушланган яна икки шахсга нисбатан ҳукм ўқиди. Алибек Файзиев 12 йилга ва Олимжон Амонов 4 йилга озодликдан маҳрум этилди. Улар гиёҳванд моддалар билан боғлиқ жиноятларда айбдор деб топилди.

Олий судга янги судьялар сайланди

Сенатнинг тегишли қарори билан 7 нафар судья Олий суд судьяси этиб сайланди.

Сурхондарёда туман суди раиси ЙТҲга учраб жароҳат олгани, унинг шериги вафот этгани маълум бўлди

Сурхондарёда Денов туман суди раиси ЙТҲга учрагани маълум бўлди. Оқибатда у жароҳат олиб, машинадаги шериги вафот этган. Хизмат текширувида суд раиси Судьялар одоби кодекси талабларини бузган деб топилган ва ваколати муддатидан аввал тугатилган. Бунинг терговга дахли йўқлиги айтилмоқда.

Фарғонада автомашинадан ноқонуний олиб кирилган 270 дона смартфон аниқланди

Фарғона туманида Cobalt автомашинасидан қиймати 367 млн сўм бўлган 270 дона Хитойнинг Tecno Spark смартфони топилди.

4 ойда сувга ноқонуний уланиш бўйича 2600 га яқин ҳолат аниқланди

Ўзбекистонда январь-апрель ойларида ичимлик ва оқова сув тизимларига 2600 га яқин ноқонуний уланиш ҳолати аниқланди. Энг юқори кўрсаткич пойтахт, Жиззах ва Самарқанд вилоятларида қайд этилди. «Ўзсувтаъминот»га кўра, оқибатда жамият манфаатларига 51 млрд сўмдан ортиқ зарар етказилган.

Тошкент вилоятида мамлакатга тўппонча ва ҳарбий анжомлар олиб киришга уринган шахс тўхтатилди

Божхоначилар Тошкент вилоятидаги чегара божхона постида транспорт воситаси юкхонасидан 1 дона Макаров пистолети, ҳарбий анжомлар ва тиғли совуқ қуроллар топди.

Тошкентдаги Ғалаба боғи қисқа муддатга ёпилди

Олмазор туманидаги Ғалаба боғи ёдгорлик мажмуаси ва Шон-шараф давлат музейида 20 майдан янги экспозицияларни жойлаштириш ҳамда кичик таъмирлаш ва дезинфекция ишлари олиб борилади. Шу сабабли боққа кириш кириш вақтинчалик тўхтатилди.

Тошкентдаги КҲАЙ ва Қорасарой кўчасининг бир қисми кетма-кет икки кеча ёпилади

Тошкентдаги Кичик ҳалқа автомобиль йўлининг, шунингдек, Қорасарой кўчасининг бир қисми 21−22 май кечаси таъмирлаш ишлари туфайли ёпилади. Харита.

Маданият

Ўрол Тансиқбоев уй-музейидаги қатор суратлар реставрация қилинди

Франция Миллий мерос институти ва Ўзбекистон Маданий мерос агентлигининг қўшма дастури доирасида рассом Ўрол Тансиқбоевнинг 18 та асари реставрация қилинди.

Спорт

Диёра Келдиёрова яна жаҳон чемпионатида кумуш медаль олди. Унинг финалгача бўлган йўли

Дзюдо бўйича Ўзбекистон терма жамоаси аъзоси Диёра Келдиёрова иккинчи марта жаҳон чемпионатида кумуш медалга эга чиқди. У финалда азалий рақиби италиялик Одетт Гюффридага мағлуб бўлди. Диёранинг чемпионатдаги баҳслари ҳақида батафсил танишинг (фото, видео, статистика).

Жаҳон

Эрон президенти вертолёт қулаши оқибатида ҳалок бўлди

Эрон президенти Иброҳим Раисий вертолёт қулаши оқибатида ҳалок бўлди, деб ёзмоқда Mehr агентлиги. Унга кўра, президентдан ташқари, ташқи ишлар вазири ҳамда Эроннинг Шарқий Озарбайжон вилояти губернатори ҳам ҳалок бўлган.

Эрон ҳукумати президент вафотидан сўнг баёнот берди

Эрон ҳукумати президент Иброҳим Раисий вертолёт ҳалокатида вафот этганидан сўнг берган баёнотида мамлакат бошқарувида «ҳеч қандай узилишлар» бўлмаслигига ишонтирди. Президентнинг вазифалари, Эрон конституциясига кўра, биринчи вице-президент Муҳаммад Мохберга ўтади.

Бишкекда маҳаллий аҳоли ва хорижликлар ўртасидаги муштлашув намойишларга сабаб бўлди

Қирғизистон пойтахти Бишкекда маҳаллий аҳоли ва хорижликлар ўртасидаги муштлашув меҳнат мигрантларига қарши тартибсиз намойишлар бошланишига сабаб бўлди. Воқеа оқибатида камида 29 киши жароҳатланди.

Эрон президенти ҳалок бўлган авиафалокат. Тафсилотлар

19 май куни Эрон президенти Иброҳим Раисий бўлган вертолёт ҳалокатга учради. Ноқулай об-ҳаво туфайли қутқарувчилар туни билан воқеа жойини кўздан кечирди. Ҳалокат ортидан мамлакатда 5 кунлик мотам эълон қилинди. Президент вазифасини вақтинча мамлакат биринчи вице-президенти бажариб туради. Батафсил.

Гаага судининг прокурори ҲАМАС етакчилари ва Исроил раҳбариятини ҳибсга олиш учун ордер беришни талаб қилди

Гаагадаги Халқаро жиноий суд прокурори ҲАМАСнинг уч етакчиси, шунингдек, Исроил бош вазири ва мудофаа вазирини ҳарбий ҳамда инсониятга қарши жиноятларда айблаб, ҳибсга олиш учун ордер беришни талаб қилди.

Бизни ўқиётганингиз учун раҳмат!