Сиёсат
Президент Тошкентда Ботир Зокиров ҳайкали очилиш маросимида қатнашади
Шавкат Мирзиёев 16 май куни Тошкентда Ўзбекистон халқ артисти Ботир Зокиров ҳайкали очилиш маросимида иштирок этади. Шунингдек, маданият ва санъат соҳасидаги янги объект ва лойиҳалар билан танишилади.
Португалиянинг Ўзбекистондаги янги элчисидан ишонч ёрлиқлари қабул қилинди
Ўзбекистон ТИВ раҳбари Бахтиёр Саидов Португалиянинг янги элчиси Мадалена Фишердан ишонч ёрлиқларини қабул қилиб олди.
Дания ва Литва Ўзбекистонга янги элчилар тайинлади
Ўзбекистон ташқи ишлар вазири Дания элчиси Якоб Хеннингсен ва Литва элчиси Эгидиюс Навикасдан ишонч ёрлиқларини қабул қилди.
Иқтисодиёт
«Шунақаси ҳам бўлган». Энергетика вазири — нефть ва газ саноатида инвесторлар билан шартномаларни қайта кўриб чиқиш ҳақида
Энергетика вазири Жўрабек Мирзамаҳмудов нефть-газ соҳасида инвесторлар билан тузилган шартномаларни қайта кўриб чиқишга оид саволларга жавоб берди. Унинг айтишича, айрим ҳолларда инвесторларга қўшимча мажбуриятлар юкланган, бироқ улар инвестиция муҳитининг ёмонлашуви хавфи туфайли ошкор этилмаган.
Тошкентда ижара нархлари пасайишда давом этмоқда — МҲТИ
Апрель ойида Тошкентда ўртача таъмирланган хонадонлар учун ижара нархлари мартга нисбатан ўртача 0,9 фоизга, тўлиқ таъмирланган хонадонлар учун эса ўртача 1,12 фоизга пасайди. Ўртача таъмирланган уй-жой учун нисбатан арзон ижара нархлари Сергели ва Олмазор туманларида бўлиб турибди.
Ўзбекистон Афғонистондан 1 млн тоннадан ортиқ кўмир импорт қилишни режалаштирмоқда
Ўзбекистон Афғонистондан 1 млн тоннадан ортиқ кўмир импорт қилиш, шунингдек, Мозори Шарифдаги Имом Ал-Бухорий мадрасасида қурилиш ишларини бошлаш, Трансафғон темирйўли лойиҳасининг техник-иқтисодий асосларини ишлаб чиқиш лойиҳаларини амалга ошириш ниятида, деб хабар берди Афғонистон ТИВ.
«Ўзбекнефтгаз» ва «Газпром нефть» Бурғилаш ишларини бошқариш марказини ишга туширди. Лойиҳа нима беради?
«Ўзбекнефтгаз» Россиянинг «Газпром нефть» компанияси кўмагида қудуқларни бурғулаш муддатини 45 фоизга, уларни қуриш таннархини эса 35 фоизга қисқартириш имконини берувчи Бурғилаш ишларини бошқариш марказини очди. Компания етказиб берувчи билан 4,45 млн ва 243,3 минг долларлик иккита шартнома тузди.
Жамият
Кўчмас мулк харидида нималарга эътибор бериш керак? Мутахассислар тавсияси
Фуқаролар кўчмас мулк хариди учун шартнома тузаётганда ноқулай шароитга тушиши ёки фирибгарга алданиб қолиши мумкин. «CaEX Бизнинг уйлар 2024» кўргазмасида экспертлар шартномада нимага эътибор бериш кераклиги, бошқа давлатларда харидор ва давлат бюджети қандай суғурта қилинишини тушунтирди.
Қисқа ёмғирдан сўнг Тошкент кўчаларини сув босди (видео)
Куннинг биринчи ярмида Тошкент шаҳрида ёғиб ўтган қисқа ва шиддатли ёмғир кўчаларни сувга тўлдирди. Тарқалган видеоларда маҳаллалар, автомобиль йўллари ва бозорларни сув босганини кўриш мумкин. Видео.
Тошкентда иккита автобус тўқнашди
Тошкент шаҳри Яшнобод туманида MAN ва Yutong автобуслари тўқнашди. ЙТҲда жароҳат олганлар йўқ, суриштирув ишлари олиб борилмоқда.
Самарқандда уй қулаб тушгани бўйича жиноят иши қўзғатилди
Пастдарғом туманида қулаб тушган уй эгаси ИИБга мурожаат қилиб, унга 300 минг доллар миқдорида моддий зарар етказилганини билдирди. Ҳолат юзасидан жиноят иши қўзғатилди. Қурилиш вазирлиги унинг қўшниси лойиҳа ҳужжатларига амал қилмасдан ер қазиш ишларини олиб борганини маълум қилди.
«Аёллар кўпроқ руҳий зўравонликка учрамоқда, 86−87 фоиз зўравонлик оилаларда кузатиляпти» — ИИВ вакили
Хотин-қизлар кўпроқ руҳий, шунингдек, жисмоний ва иқтисодий зўравонликка учрамоқда, деди ИИВ Ҳуқуқбузарликлар профилактикаси хизмати бошлиғи ўринбосари Умида Абдуллаева. Унинг айтишича, 86−87 фоиз зўравонлик оилаларда кузатиляпти. 2024 йилнинг уч ойида аёлларга 10 мингдан зиёд ҳимоя ордери берилган.
Реҳина Мария Кастижио ЮНИСЕФнинг Ўзбекистондаги ваколатхонаси раҳбари бўлди
Реҳина Мария Кастижио БМТ Болалар жамғармаси (ЮНИСEФ)нинг Ўзбекистондаги ваколатхонаси раҳбари бўлди. Бунгача у фонднинг Хорватия ва Парагвайдаги ваколатхоналарини бошқарган.
Ўзбекистонда Ҳаж мавсуми 23 майдан бошланади
Ўзбекистонда 2024 йилги Ҳаж мавсуми 23 майдан бошланади. Саудия Арабистонининг Мадина шаҳрига Ўзбекистоннинг 10 та шаҳридан 7 июнга қадар ҳар куни авиақатновлар амалга оширилади.
Андижонда Lacetti пиёдалар ўтиш жойида ўтаётган фуқарони уриб юборди
Пахтаобод туманида 21 ёшли Lacetti ҳайдовчиси светофорнинг яшил чироғида пиёдалар ўтиш жойидан ўтаётган фуқарони уриб юборди. ЙТҲ оқибатида 41 ёшли пиёда оёқ синиши билан боғлиқ жароҳат олди.
Тошкент шаҳридаги Бобур кўчасининг айрим қисмларида йўл бир томонлама ёпилди
Яккасарой туманидаги Бобур кўчасининг айрим қисмларида йўл бир томонлама номаълум муддатга ёпилди. У ерда 15 май куни соат 22:00 дан бошлаб таъмирлаш ишлари бошланди. Ҳайдовчилардан ёндош кўчалардан ҳаракатланиш сўралган.
Антикоррупция агентлиги 8,1 млрд сўмлик ноқонуний давлат харидлари олди олинганини маълум қилди
Коррупцияга қарши курашиш агентлиги 19 та ҳолатда 8,1 млрд сўмлик давлат харидларининг қонунчиликка зид амалга оширилиши олди олинганини маълум қилди. Энг кўп қонун бузилиши ҳолатлари таълим ва соғлиқни сақлаш соҳаларида аниқланган.
Тошкентда бир қатор кўча ва чорраҳалар таъмирланади — рўйхат
Майдан сентябрь ойига қадар Тошкентнинг қатор чорраҳа ва кўчаларида реконструкция ишлари олиб борилади. Жараён соат 22:00 дан 06:00 гача бажарилиши режа қилинмоқда. Ҳокимлик «иш жараёнида ноқулайликлар туғилиши муқаррар экани», бироқ барча имкониятларни ишга солишини билдирди.
Dubai Unlocked суриштируви: Ўзбекистон собиқ бош прокурори ўғлининг Дубайда 8 млн долларлик кўчмас мулки бор
Халқаро журналистлар Дубайдаги мулк эгалари ҳақида маълумот берувчи Dubai Unlocked суриштирувини эълон қилди. Унда Ўзбекистон собиқ бош прокурори Рашитжон Қодировнинг ўғли — қидирувга берилган Алишербек Қодировнинг умумий қиймати деярли 8 млн доллар бўлган 4 та офисга эгалик қилиши айтилган.
Фарғона ва Сурхондарёда бола ўғрилари пайдо бўлгани ҳақидаги хабарлар ёлғон экани айтилди
Telegram каналларида Фарғона ва Сурхондарё вилоятларида бола ўғрилари пайдо бўлгани билан изоҳланган видеолар тарқалди. Икки вилоят ИИБлари ушбу хабарлар асоссиз экани, видеоларда эса бошқа ҳолатлар тасвирланганини маълум қилди.
Тошкентда фуқарони 2 млн сўм эвазига ишга жойлаб қўймоқчи бўлган метрополитен ходимаси ушланди
Тошкент метрополитени ходимаси фирибгарликда гумонланиб ушланди. У фуқарони 2 млн сўм эвазига ишга жойлаб қўйишни ваъда қилгани айтилмоқда.
Маданият
Тошкентда Ботир Зокиров ҳайкали очилди (фото)
Тошкентда Ўзбекистон халқ артисти Ботир Зокиров ҳайкали очилди. Маросимда Шавкат Мирзиёев ва Фаррух Зокиров иштирок этди. Президент хонанданинг мемориал музейи, эстрада санъати халқаро танлови ва унинг номидаги стипендия ташкил этилишини маълум қилди.
Жаҳон
«Чоршанба кунлари бўш экансан». Байден Трампни теледебатга чақирди ва унинг судлардан бўшамаётганига шаъма қилди
АҚШ президенти Жо Байден бўлажак сайловлардаги рақиби Дональд Трампни теледебатга чақирди ва унинг судлардан бўшамаётганига, фақат чоршанба кунлари вақти бўлишига шаъма қилди. Трамп дебат бўйича чорловни қабул қилди. Байден жамоаси дебатлар олдиндан овоз бериш бошланишидан аввал ўтишини истамоқда.
Словакия бош вазири суиқасддан сўнг барқарор, аммо оғир аҳволда — Reuters
Суиқасд уюштирилган Словакия бош вазири Роберт Фицо операциядан кейин барқарор, аммо оғир аҳволда қолмоқда. Ҳужумда 71 ёшли ёзувчи гумонланмоқда, у қотилликка уринишда айбланмоқда.
Бизни ўқиётганингиз учун раҳмат!
