Тошкент кўчмас мулк бозоридаги пуфак қачон ёрилади?

Тошкентда турар жой нархи йилига 20 фоизга ошмоқда. Аксарият харидорларнинг фикрича, пойтахт кўчмас мулк бозорида пуфак ҳосил бўлган ва у ёрилиш арафасида. Ўзи пуфак қандай ҳосил бўлади? У ҳақиқатан ҳам борми? Уй сотиб олишда нималарга эътибор бериш керак? Таҳлилчи Денис Соколов мақоласи шу ҳақда.

Президент янги Tashkent City Mall савдо марказини бориб кўрди (фото)

Президент ҳукумат, парламент аъзолари ва бошқа расмийлар ҳамроҳлигида янги Tashkent City Mall мажмуасини бориб кўрди. У дўконлар, ўйин майдонлари, фитнес маркази, мамлакатдаги биринчи IMAX кинотеатри ва 31 қаватли меҳмонхонани айланиб чиқди, бошқа шаҳарларда ҳам бундай марказлар зарурлигини айтди.

Тошкент шаҳри ҳокимлиги қошида Йўлларда ҳаракатни ташкиллаштириш маркази очилади

Пойтахт ҳокимлиги қошида Йўлларда ҳаракатни ташкиллаштириш маркази очилади. У қоидабузарликларни қайд этувчи 2 мингдан ортиқ фото ва видео қайд этиш тизимини ўрнатади, транспорт комплекси учун ягона реклама майдони, пуллик тўхташ жойлари ва электромобиллар учун зарядлаш инфратузилмаси яратади.

Ўзбекистондаги мактабларнинг 70 фоизи канализация тизимига уланмаган — МҲТИ

Ўзбекистондаги мактабларнинг бор-йўғи 30 фоизи канализация тизимига уланган, 70,5 фоизида «водопровод» мавжуд, мактабларнинг 4,6 фоизи умуман яроқсиз ҳолатда, умумтаълим тизимига сарфланаётган давлат бюджети харажатлари номутаносиб тақсимланган, дейилади МҲТИ тадқиқоти натижаларида.

Президент 8 март муносабати билан 74 нафар хотин-қизларни мукофотлаш тўғрисида фармон имзолади

Шавкат Мирзиёев 8 март — Халқаро хотин-қизлар куни муносабати билан жамиятда фаоллик кўрсатиб келаётган 74 нафар хотин-қизларни турли унвон, орден ва медаллар билан мукофотлаш бўйича фармон имзолади. (Тўлиқ рўйхат)

Қозоғистон Россия газининг Ўзбекистонга транзитини 11 млрд куб метргача оширишни режалаштирмоқда — «ТАСС»

Қозоғистон Энергетика вазирлиги Россия газининг Ўзбекистонга транзити ҳажмини 2026 йилдан бошлаб аввалроқ режалаштирилган йилига 3 мрлд куб метрдан 11 млрд куб метргача оширишни режалаштирмоқда, деб ёзмоқда «ТАСС».

Гаагадаги Халқаро суд икки россиялик қўмондонни ҳибсга олишга ордер берди

Гаагадаги Халқаро жиноий суди Россиянинг узоқ масофага учувчи авиацияси ва Қора денгиз флоти қўмондонларини ҳарбий жиноятларни содир этганликда гумон қилиб, ҳибсга олишга ордер берди. Суд улар ўтган қишда Украина энергетика инфратузилмасига қилинган ракета ҳужумлари учун жавобгар, деб ҳисоблайди.

Фарғонадаги қабристонда 62 туп дарахт ободонлаштириш ходимлари томонидан кесиб ташлангани аниқланди

Қува туман туманидаги қабристондаги 62 туп арча дарахти туман ободонлаштириш бошқармаси ходимлари томонидан ўзбошимчалик билан остидан кесиб ташлангани аниқланди. Ҳолат бўйича жиноят иши қўзғатилди.

Ўзбекистондаги ўқувчиларининг 33 фоизи иккинчи ва учинчи сменаларда ўқимоқда

Ўзбекистонда 1 та ўқувчи ўрнига 1,2 нафар ўқувчи тўғри келмоқда, оқибатда иккинчи ва учинчи сменадаги ўқувчилар сони 2,1 млндан ортиқни ташкил этмоқда, (жами ўқувчиларнинг 33 фоизи) дейилади МҲТИ тадқиқоти натижаларида.

БМТ принциплари миллий статистика тизимига жорий этилади

Ўзбекистонда БМТнинг расмий статистика сифатини таъминлаш бўйича базавий принциплари миллий статистика тизимига жорий этилилади. Расмий статистикани тайёрловчиларнинг ҳар бирида расмий статистикада сифат ва тарқатиш сиёсатлари ишлаб чиқилади.

Ўзбекистонда қишдаги ҳарорат меъёрдан 2,6 даражагача юқори бўлди — Ўзгидромет

Ўзбекистонда 2023−2024 йилларнинг қишидаги ҳаво ҳарорати 1,5−2,6 даража юқори бўлди. Февраль ўтган қишда энг қорли бўлди, декабрда эса энг паст ҳарорат кузатилди.

Тошкентда автомобилларга ёпиштириладиган «қизил», «сариқ» ва «яшил» ёрлиқлар қандай ишлайди?

Ўзбекистон пойтахтидаги экологик вазиятдан келиб чиқиб, шаҳар ҳудуди экологик ҳудудларга ажратилади. Транспорт воситаларининг ҳавога чиқараётган зарарли моддалари даражасига қараб уларга ёрлиқ ёпиштирилади. Ёрлиқ рангига қараб айрим экологик зоналарга кириш босқичма-босқич чекланади. Видео.

«Муштум» журнали ва унинг тармоқлардаги саҳифалари фаолияти вақтинча тўхтатилди

101 йилдан буён яшаб келаётган «Муштум» журнали ва унинг ижтимоий тармоқлардаги барча саҳифалари фаолияти вақтинча тўхтатилди. Таҳририят бунинг сабабини «иқтисодий қийинчиликлар», дея изоҳлади. Журнал фаолияти маълум вақтга тўхтатилганига оид хабар тармоқларда кенг муҳокамаларга сабаб бўлмоқда.

Фарғона вилояти ҳокими шаҳар марказидаги 2 гектарлик кўлни 24 кунлик ширкатга бериб юборди

Ҳокимларнинг ер ажратиш ваколати тугаганига 2,5 йил бўлди. Бироқ Фарғона вилояти ҳокими Хайрулла Бозоров «Ёшлар кўли»нинг ўрнини «бино ва иншоотларни» берганлик ниқоби остида ажратиб бериб, президент қарорига нотўғри ишора қилди. Ер топширилган компания қарор чиқишидан 24 кун олдин рўйхатдан ўтган.

Ўзбекистон Лихтенштейн билан дипломатик муносабатлар ўрнатди

Лихтенштейн Ўзбекистон билан дипломатик алоқалар ўрнатган 146-давлат бўлди. Бу ҳақдаги ҳужжат Нью-Ёркда имзоланди.

Тошкент вилоятидаги 2 та мактабда «Телефонсиз мактаб» тизими жорий этилди

Ангрен шаҳридаги 2 та мактабда «Телефонсиз мактаб» тизими жорий этилди. Аввалроқ Тошкент вилоят ҳокими Зойир Мирзаев телефондан фойдаланишни тақиқлаган мактабга 300 млн сўм ваъда қилганди. Ҳокимликка кўра, бу орқали «ўқувчиларнинг эътибори билимларни янада чуқурроқ эгаллашга қаратилди».

ЕИ ва БМТ Тараққиёт дастури Балиқчилик илмий-тадқиқот институтига балиқ етиштиришни яхшиловчи ускуналар топширди

Европа Иттифоқининг Ўзбекистондаги делегацияси ва БМТ Тараққиёт дастури Балиқчилик илмий-тадқиқот институтига сув сифати сенсорлари, фильтрлаш ва тозалаш тизимлари, шунингдек, интенсив балиқ етиштириш учун қуёш сув иситгичларини тақдим этди.

Ўзбекистоннинг бешта шаҳрида болалар учун дўстона маҳаллий бошқарув синовдан ўтказилди

Қўқон (Фарғона), Зарафшон (Навоий), Термиз (Сурхондарё), Янгибозор (Хоразм) ва Бўстон (Қорақалпоғистон) шаҳарларида «Болалар ва ёшларга дўстона маҳаллий бошқарув» ташаббуси синовдан ўтказилди. У ҳокимият органларнинг ёшлар манфаатини таъминловчи қарорлар қабул қилишини таъминлашга қаратилган.

Канада ҳосписидаги бемор ўлимидан олдин «Дюна 2» фильмини кўришни истади. Фильм режиссёри премьерадан 1,5 ой олдин унга фильм нусхасини жўнатди

Канададаги ҳоспис асосчиси Facebook`да беморлардан бири вафотидан олдин «Дюна 2» фильмини кўришни истаётгани ҳақида ёзди. Фильм режиссёри Дени Вильнёв премьерадан 1,5 ой олдин унга ассистенти орқали фильм нусхаси ва компьютерини юборди. Бемор фильмни томоша қилганидан бир неча кун ўтгач вафот этди.

Фарғонадаги «Ёшлар кўли» Спорт вазирлигига қайтарилади

Вилоят ҳокими қарори асосида Фарғона шаҳри марказидаги «Ёшлар кўли» 24 кунлик компанияга бериб юборилганди. Давактив агентлиги ўрганишлар натижасида мазкур ҳолатда бир қатор қонун талаблари бузилганини аниқлади. Шу сабабли ер майдони Спорт вазирлиги балансига қайтарилади.

Қирғизистонда жамоат жойларида тамаки чекканлик учун жарима миқдори оширилди

Қирғизистон ҳукумати жамоат жойларида тамаки чекканлик учун жарима миқдорини уч баравар — 33,5 долларгача оширди. Болаларга тамаки маҳсулотлари сотганлик учун жарима миқдори ҳам оширилди.

ХДП Юнус Ражабий маҳалласида жойлашган футбол майдони ўрнидаги қурилишга қарши чиқди

ХДП Юнус Ражабий маҳалласидаги футбол майдони ва яшил ҳудудни бузиб, ўрнида бино қуришга қарши чиққан фуқароларни қўллаб-қувватлади. Аввалроқ «Газета.uz» мазкур вазият ҳақида ёзганди. Партия Тошкент шаҳри ҳокимлигига сўров юбориб, собиқ ҳоким қарорини қайта кўриб чиқишни сўрамоқда.

«Газета.uz»да эълон қилинган махсус материаллар:

Аҳолини рўйхатга олишнинг нима кераги бор ва нега Ўзбекистонда бу иш 34 йилдан бери қилинмаяпти?

Ўзбекистонда аҳолини рўйхатга олиш сўнгги бор 1989 йили ўтказилган. Янгиси 2022 йилга режа қилинган эди, пандемия сабаб 2023 йилга қолдирилди, аммо барибир ўтказилмади. Ўзи унинг нима кераги бор, у қандай фойда келтиради ва уни кечиктириш нимаси билан хатарли — «Газета.uz» шу ҳақда маълумот беради.