«farmon» tegli maqolalar


10 dekabr 2021, 16:11

Qonunchilik palatasi majlisining jonli efiri 50 daqiqadan kamroq davom etdi

Qonunchilik palatasi majlisining Uzreport TV telekanali orqali uzatilgan jonli efiri 48 daqiqa o‘tib to‘xtatildi. Palata buni kanalda boks bo‘yicha O‘zbekiston chempionati boshlanishi bilan izohladi. Prezident farmoniga asosan 1 dekabrdan quyi palata majlislari MTRK telekanallari va internet orqali jonli efirga uzatilishi kerak.

24 noyabr 2021, 11:35

Qoraqalpog‘iston va Xorazm tadbirkorlariga qator imtiyozlar berildi

Prezident qarori bilan Qoraqalpog‘istonning ayrim tumanlari va Xorazm viloyati tadbirkorlariga qator imtiyoz va preferensiyalar berildi. Mazkur hududlarda 85 ta yangi kichik sanoat zonasi tashkil etish rejalashtirilgan.

25 oktabr 2021, 10:28

Prezident bir qator ichki ishlar organi xodimlarini mukofotladi

Prezident Shavkat Mirziyoyev farmoniga asosan Ichki ishlar vazirligining o‘ttiz yilligi munosabati bilan bir qator IIO xodimlari orden va medallar bilan mukofotlandi.

13 oktabr 2021, 02:47

Prezident «Zakovat» musobaqasi g‘oliblarini mukofotladi

Shavkat Mirziyoyev «Zakovat» intellektual o‘yini grand finali g‘oliblari — Xorazm jamoasini mukofotladi. Klub rahbari Abdurasul Abdullayevga faxriy unvon berildi. Prezident tadbirga Buxoro viloyatiga safari chog‘ida tashrif buyurdi.

16 sentabr 2021, 09:19

Prezident ma’muriy va soliq yukini kamaytirish bo‘yicha farmonni imzoladi

Qat’iy belgilangan miqdordagi JSHODS to‘lovchisi bo‘lgan yakka tadbirkorlar soliq hisobotini topshirmaydi. YATTlar uchun ijtimoiy soliq stavkasi 2 martaga qisqaradi. 2022 yildan Tadbirkorlik faoliyati erkinligi indeksi joriy etiladi.

8 sentabr 2021, 12:06

Eksportyor korxonalarga $5 mlngacha moliyaviy resurslar taqdim etiladi

1 oktabrdan boshlab eksport hajmi $20 mlndan oshgan korxonalarga eksport savdo operatsiyalari uchun $5 mlngacha bo‘lgan bir martalik moliyaviy resurslar taqdim etiladi. 12 oy davomida 1 mln AQSh dollaridan ko‘p to‘qimachilik mahsulotlarini eksport qilgan korxonalar bojxona to‘lovlarini to‘lash bo‘yicha foiz hisoblanmagan hamda ularning to‘lanishini ta’minlash talab etilmagan holda 120 kunga kechiktirishi mumkin.

12 avgust 2021, 11:19

Endilikda bolalar ombudsmani Inson huquqlari bo‘yicha vakili o‘rinbosari bo‘lmaydi

Prezident farmoni bilan bola huquqlari bo‘yicha vakili (bolalar ombudsmani) instituti ta’sis etildi va Inson huquqlari bo‘yicha vakili o‘rinbosari lavozimi tugatildi.

23 iyul 2021, 10:42

Strategik rivojlanish agentligi tashkil etildi

Prezident farmoni bilan tarmoqlar va hududlar kesimida investitsiyalarni jalb etish hamda loyihalarni amalga oshirish masalalarini o‘rganuvchi Strategik rivojlanish agentligi tashkil etildi. Hujjatga asosan, davlat organlari va tashkilotlari Agentlikning so‘roviga ko‘ra birlamchi statistik ma’lumotlarni o‘rnatilgan tartibda taqdim etadi va ma’lumotlar bazalaridan foydalanishga ruxsat beradi.

9 iyul 2021, 17:58

Davlat xizmatchisining xorijda ko‘chmas mulki bo‘lsa, yanvargacha uni yo‘qotishi kerak — adliya vaziri

Adliya vaziri Ruslanbek Davletov davlat xizmatchilarining xorijda mol-mulkka ega bo‘lishi 1 yanvardan taqiqlanishini eslatib, bunda ushbu davrgacha davlat xizmatida bo‘lgan paytda orttirilgan mulk ham inobatga olinishini ta’kidladi. «Agar bo‘lsa, yanvargacha yo‘qotish kerak unaqa mulkini. Meros bo‘lib qoladigan bo‘lsa ham, u merosni sotib yoki xadya bo‘ladigan bo‘lsa, uni ham o‘zidan begonalashtirishi kerak», — dedi u.

22 aprel 2021, 14:25 2

Yoshlar uchun yangi subsidiya va imtiyozlar — prezident yangi farmonni imzoladi

1 maydan “yoshlar daftari"ga kiritilganlarga tadbirkorlik faoliyatini boshlashlari uchun subsidiyalar beriladi. 25 yoshgacha bo‘lgan ish beruvchilarga 2023 yilgacha ijtimoiy soliq qaytarib beriladi. Toshkentda ijarada yashayotgan talabalarga ijara to‘lovining BHMning 1, viloyatdagilarga esa 0,5 baravar miqdoridagi qismi qoplab beriladi.

21 aprel 2021, 14:28

Talabalarga ijara to‘lovining 50 foizi — BHMning 1 baravaridan oshmagan taqdirda qoplanadi

Talabalarga ijara to‘lovining 50 foizini davlat tomonidan qoplab berish tartibiga oid prezident farmoni qabul qilindi. Unga ko‘ra, ijara to‘lovining qoplab beriladigan qismi Toshkent shahrida — BHMning 1 baravaridan, boshqa hududlarda 0,5 baravaridan oshmasligi kerak.

18 yanvar 2021, 22:13

Prezident hujjatlari ijrosining 4 bosqichli tizimi joriy etiladi

Loyihadan tortib nazoratgacha — prezident hujjatlari ijrosining yangi to‘rt bosqichli tizimi joriy etiladi. «Ijro tizimidagi eng katta muammo — dunyoqarash o‘zgarmayotgani, bilimsizlik va mas’uliyatsizlik», — deya ta’kidladi davlat rahbari.

28 oktabr 2020, 21:31

Yashirin iqtisodiyotga qarshi kurashish bo‘yicha Maxsus komissiya tashkil etiladi

Prezident farmoni bilan yashirin iqtisodiyotga qarshi kurashish Maxsus komissiyasi va uning hududiy komissiyalari tashkil etilmoqda. Davlat idora va tashkilotlarida komplayens-nazorat tizimi joriy etiladi. Jarayonlar OAVda keng yoritiladi.

28 oktabr 2020, 20:35

Prezident farmoni: Qurilish sohasida ishchilarni shartnomasiz yollashga ruxsat beriladi

Prezidentning yashirin iqtisodiyotni qisqartirishga oid qarori bilan qurilish sohasida ishchilarni shartnoma tuzmasdan yollashga ruxsat etilmoqda. Bundan tashqari, rieltorlarning aylanma soliq stavkasi 25 foizdan 13 foizgacha tushiriladi. Ovqatlanish shoxobchalarining plastik kartadan tushgan daromadi esa umumiy daromadga kiritilmaydi.

4 avgust 2020, 14:02

Statistikani rivojlantirish strategiyasi qabul qilindi

Prezident 2025 yilgacha mo‘ljallangan statistikani rivojlantirish milliy strategiyasini tasdiqladi. Davlat statistika qo‘mitasining barcha davlat idoralaridan mustaqilligi ta’minlanadi. Qo‘mita qoshidagi jamoat kengashiga nodavlat-notijorat tashkilotlar, biznes va ommaviy axborot vositalari vakillari jalb qilinadi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting