«elektromobillar» tegli maqolalar
O‘zbekiston avtomobil bozorida iyun oyida keskin pasayish kuzatildi
Iyun oyida O‘zbekiston avtomobil bozorida 123 ming dona avtomobil sotildi, bu may oyiga nisbatan 21 foizga kam. Sotuvlar birlamchi bozorda ham, ikkilamchi bozorda ham pasaydi. Shu bilan birga, xorij avtomobillari va elektromobillarga talab ortdi.
O‘zbekiston 5 oy ichida 3811 ta elektromobil xarid qildi
O‘zbekiston yildan yilga elektromobillar importini oshirmoqda. 2023-yil yanvar-may oylarining o‘zidayoq 3811 ta elektromobil olib kelindi. Ko‘rsatkich 2022-yil davomida 2180 tani, 2021-yilda esa 809 tani tashkil etgandi. Eng ko‘p yetkazib beruvchi Xitoy bo‘lib turibdi.
O‘zbekistonda o‘tgan yili qariyb 70 mln dollarlik elektromobil import qilingan
O‘zbekistonga 2022 yilda xorijdan 69,8 million AQSh dollari evaziga 2180 dona elektromobil olib kelingan. Import 2021 yilgiga nisbatan 1371 taga oshgan.
O‘zbekistonda elektromobillar ishlab chiqarish davlat tomonidan qo‘llab-quvvatlanadi
O‘zbekiston prezidenti elektromobillar ishlab chiqarishni davlat tomonidan qo‘llab-quvvatlash to‘g‘risidagi qarorni imzoladi. Xaridorlarga mahalliy elektromobillarni xarid qilishda kredit foizlarining bir qismi qoplanadi. Shuningdek, davlat idoralari va hokimliklar uchun elektromobillar xarid qilinadi.
Imtiyozlar, kredit kompensatsiyalari, davlat yordami. Elektromobil sanoati qanday rivojlanadi?
O‘zbekistonda mahalliy elektromobillarni utilizatsiya yig‘imi, butlovchi, ehtiyot qismlar, asbob-uskunalar va xomashyoni esa bojxona to‘lovlaridan ozod qilish rejalashtirilmoqda. Shuningdek, investorlarga ma’lum miqdordagi elektromobillarni imtiyozli shartlar asosida olib kirishga ruxsat berilishi mumkin.
Xitoyning Exeed kompaniyasi O‘zbekiston bozoriga kirishni rejalashtirmoqda
Xitoyning Exeed avtomobil brendi O‘zbekiston bozoriga kirishni rejalashtirmoqda. Kompaniya 2023 yil boshida mashinalar ishlab chiqarishni yo‘lga qo‘ymoqchi.
Mahalliy elektromobil xaridi uchun olingan kredit foizining bir qismi qoplab beriladi
Prezident sohada tajribaga ega xorijiy kompaniya bilan qo‘shma korxona tashkil qilib, ommabop elektromobillar ishlab chiqarishni yo‘lga qo‘yishni topshirdi. Elektromobillarning narxi arzon bo‘lishi kerakligi, mahalliy elektromobil xaridi uchun olingan kredit foizining bir qismi qoplab berilishi ham belgilandi.
Elektromobillarni yuqori tezlikda zaryadlovchi qurilma yaratildi
Qayta tiklanuvchi energiya manbalari milliy ilmiy-tadqiqot institutida quyosh energiyasidan foydalangan holda elektromobillarni yuqori tezlikda zaryadlovchi qurilma yaratildi. Tizim yiliga 32 ming kVt soat elektr energiyasi ishlab chiqarib, 950 ta elektromobilni quvvatlash imkonini beradi.
O‘zbekiston 2 oyda 228 ta elektromobil import qildi
O‘zbekiston yanvar-fevral oylarida qiymati 5,9 mln dollarlik 228 ta elektromobil import qildi. Ularning 95 foizga yaqini Xitoydan keltirilgan. 2021 yilning mos davriga nisbatan 150 taga ko‘proq elektromobil olib kelingan.
25 mart kuni O‘zbekistonda sodir bo‘lgan eng muhim xabarlar dayjesti
O‘zbekistonga ko‘chib o‘tmoqchi bo‘lgan IT-kompaniyalar uchun yaratilgan sharoitlar, sotuvga qo‘yilgan MOBIUZ va Tashkent City, 1 apreldan to‘liq ishga tushadigan Samarqand aeroporti, tugayotgan yomg‘ir mavsumi, Toshkent va Olmaota o‘rtasida yo‘lga qo‘yilgan poyezd qatnovi, 2030 yilgacha vazirlik va idoralar xizmat mashinalarini elektromobilga almashtirish taklifi va boshqalar — «Gazeta.uz» ning 24 martdagi eng muhim xabarlari dayjestida.
2030-yilgacha vazirlik va idoralar xizmat mashinalarini elektromobilga almashtirish taklif etildi
Jamoatchilik muhokamasiga qo‘yilgan prezident qarori loyihasiga ko‘ra, vazirlik, idora va barcha budjet tashkilotlari xizmat mashinalarining 2025-yilgacha kamida 10 foizi, 2030-yilgacha 100 foizi elektromobillarga almashtiriladi. Qolaversa, “tez yordam” mashinalari ham 2023−2026-yillarda elektrda harakatlanuvchi transportga o‘zgartiriladi.
«Elektromobillar kelajagi sari birinchi qadam». «O‘zavtosanoat» va BYD memorandum imzoladi
«O‘zavtosanoat» va Xitoyning yirik elektromobil ishlab chiqaruvchisi BYD Auto Industry o‘rtasida O‘zbekistonda elektromobil va elektrobuslar ishlab chiqarish bo‘yicha hamkorlik memorandumi imzolandi. UzAuto rahbari o‘rinbosari Azizbek Shukurov buni «elektromobillar kelajagi sari birinchi qadam» deb atadi.
Prezident elektromobillar tarmog‘ini rivojlantirish strategiyasini ishlab chiqishga ko‘rsatma berdi
Uch oy ichida O‘zbekistonda elektromobil tarmog‘ini rivojlantirish strategiyasi ishlab chiqilishi kutilmoqda. Prezident elektromobillar uchun butlovchi qismlar va materiallar ishlab chiqarishni mahalliylashtirish, ularga texnik talab va standartlarni ishlab chiqish bo‘yicha ko‘rsatmalar berdi.
Elektromobillar uchun yangi namunadagi davlat raqami belgilari ishlab chiqarildi
O‘zbekistonda elektromobillar uchun alohida — yangi namunadagi davlat raqami belgilari ishlab chiqarildi. 1 noyabrga qadar elektromobillar uchun rasmiylashtirilgan davlat raqami belgilari bepul almashtirib beriladi.
Buxoroda elektromobillar ishlab chiqarish rejalashtirilmoqda
Buxoro viloyatida elektromobillarni ishlab chiqarishni yo‘lga qo‘yish rejalashtirilmoqda. Loyiha Koreyaning Songuo Mobility Innovation kompaniyasi bilan hamkorlikda amalga oshiriladi. Loyiha qiymati 1 mlrd 210 mln dollarga teng.
O‘zbekistonda 9 oyda elektromobil importi qariyb 7 baravarga oshdi
Yanvar-sentabr oylarida O‘zbekistonga 558 ta elektromobil import qilinib, import hajmi qariyb 7 baravarga oshdi. Ular asosan Xitoydan olib kelinmoqda.
Elektromobillar avtotransport yig‘imidan ozod etildi
O‘zbekistonda elektromobillarni sotib olishda va vaqtincha olib kirishda avtotransport yig‘imi bekor qilindi. Soliq kodeksining 459-moddasi ushbu yangi tartibni ko‘zda tutgan 9-band bilan to‘ldirilmoqda.
Toshkent shahar YHXBga elektromobillar topshirildi
Poytaxt YHXBga ORA IQ rusumli elektromobillar foydalanishga topshirildi. Tajribaning maqsadi ushbu transport vositasining ichki ishlar idoralarida ishlatiladigan avtoulovlarga nisbatan ustunligi yoki kamchiliklarni o‘rganishdan iborat, deya qayd etdi boshqarma.
Andijonda elektromobil ishlab chiqarish yo‘lga qo‘yiladi
Andijon viloyatidagi Asaka zavodida elektromobillar ishlab chiqarish yo‘lga qo‘yilishi ma’lum qilindi. 2021−2023 yillarda 80 mln dollar investitsiya evaziga, 8 ta loyihani amalga oshirish ko‘zda tutilmoqda. 2020 yilning dekabr oyida «O‘zavtosanoat» kompaniyasi faqat elektromobillar ishlab chiqarishga o‘tkazilishi rejalashtirayotgan edi.
4 oyda O‘zbekistonga 156 ta elektromobil olib kirildi. Bu 2020 yilgi jami ko‘rsatkichdan ham ko‘p
Yanvar-aprel oylarida O‘zbekistonga 156 ta elektromobil import qilindi — bu 2020 yilgi jami ko‘rsatkichdan ham ko‘proq va 2019 yilga qaraganda to‘rt baravarga ortgan. Ularning ko‘p qismi Xitoydan keltirilgan.
Eng ko‘p o‘qilgan xabarlar | So‘nggi yangiliklar
- 1-maydan pensiya va nafaqaning eng kam miqdorlari oshiriladi
- Bolalar nafaqasi va moddiy yordam tayinlashga onlayn ariza berish mumkin bo‘ldi
- 2-may kuni e’lon qilingan eng muhim yangiliklar dayjesti
- Aktyor Mashrab Kimsanov vafot etdi
- UzAuto Motors`ning foydasi birinchi chorakda qariyb 5 barobar oshdi
Qo‘shimcha imkoniyatlarga ega bulish uchun saytda ro‘yxatdan o‘ting