Siyosat
AQSH Davlat kotibi O‘zbekistonda odam savdosi masalasida amalga oshirilgan choralarni ijobiy baholadi
AQSH Davlat kotibi Maykl Pompeo O‘zbekistonda odam savdosiga qarshi amalga oshirilgan choralarni ijobiy baholadi. Uning ta’kidlashicha, O‘zbekistonning bu boradagi sezilarli sa’y-harakatlari Markaziy Osiyo mintaqasi uchun yangi standartlar yaratmoqda.
Prezident Namanganga jo‘nab ketdi
Shavkat Mirziyoyev joylarda ijtimoiy-iqtisodiy islohotlarning borishi, yirik loyihalar bilan tanishish maqsadida Namangan viloyatiga jo‘nab ketdi.
IIV tomonidan 500ga yaqin video va ovoz yozib oluvchi so‘rov xonalari tashkil etiladi
Barcha IIO hududiy bo‘linmalarida uzluksiz video va ovozni yozib oluvchi jami 497 ta so‘rov xonalari tashkil etilishi belgilandi.
Prezident Toshkentga jo‘nab ketdi
Shavkat Mirziyoyev Moskvada Islom Karimov haykali poyiga gulchambar qo‘yib, uning xotirasiga hurmat bajo keltirdi. Shuningdek, bu yerga yig‘ilgan vatandoshlarni qutladi. Davlat rahbari Rossiyaga amaliy tashrifini yakunlab, Toshkentga jo‘nab ketdi.
O‘zbekiston prezidenti G‘alabaning 75 yilligiga bag‘ishlangan paradda ishtirok etdi — foto
O‘zbekiston prezidenti Shavkat Mirziyoyev Moskvada G‘alabaning 75 yilligiga bag‘ishlangan paradda ishtirok etdi. Mustaqil O‘zbekiston tarixida birinchi marta o‘zbekistonlik harbiylar ham ushbu tadbirda qatnashdi.
O‘zbekiston prezidenti Rossiya konstitutsiyasiga o‘zgartirishlar bo‘yicha fikr bildirdi
«U yerda [o‘zgartirishlarda — tahr.] aytilganlarning hammasini allaqachon qilish kerak edi». Shavkat Mirziyoyev 23 iyun kuni Vladimir Putin bilan bo‘lib o‘tgan muzokaralarda Rossiya konstitutsiyasiga o‘zgartirishlar kiritish bo‘yicha ovoz berish jarayonining muvaffaqiyatli o‘tishini tilab, ularning dolzarbligini ta’kidlab o‘tdi.
Muntazam xorijiy aviaqatnovlar iyulda tiklanishi mumkin
Transport vazirligi iyul-avgust oylarida Turkiya, Janubiy Koreya, Xitoy, BAA, Rossiya va Qozog‘iston davlatlari bilan muntazam parvozlarni tiklash imkoniyatlarini ko‘rib chiqmoqda.
Shavkat Mirziyoyev Vladimir Putin bilan muzokaralar o‘tkazdi
O‘zbekiston prezidenti Shavkat Mirziyoyev Moskvada Rossiya prezidenti Vladimir Putin bilan muzokaralar o‘tkazdi. Uchrashuvda O‘zbekiston-Rossiya munosabatlarining dolzarb masalalari ko‘rib chiqildi.
O‘zbekiston prezidenti Moskvaga keldi
O‘zbekiston prezidenti Shavkat Mirziyoyev Rossiya poytaxti Moskvaga yetib bordi. Davlat rahbarini «Vnukovo» aeroportida Rossiya hukumati rasmiy shaxslari kutib oldi.
Prezident Inson huquqlari bo‘yicha Milliy strategiyani tasdiqladi
Prezident farmoni bilan Inson huquqlari bo‘yicha Milliy strategiyasi tasdiqlandi. Unda O‘zbekistonning inson huquqlari va erkinliklari sohasidagi xalqaro reyting va indekslarda TOP-50 qatoriga kirishini ta’minlash ustuvor vazifalardan etib belgilandi.
Almazbek Atambayev 11 yilga ozodlikdan mahrum etildi — video
Qirg‘izistonning sobiq prezidenti Almazbek Atambayev mamlakatda jinoiy avtoritet hisoblanadigan Aziz Batukayevni noqonuniy ravishda ozod qilganligi uchun korrupsiyada ayblanib, 11 yil va 2 oy qamoq jazosiga hukm qilindi.
Dehqonlarning yerga umrbod egalik huquqini bekor qilish taklif etilmoqda
Dehqon xo‘jaligi to‘g‘risidagi qonunga o‘zgartish kiritish haqidagi qonun loyihasi jamoatchilik muhokamasi uchun e’lon qilindi. Unda dehqon xo‘jaligi uchun yer uchastkalarini meros qoldiriladigan umrbod egalik huquqi bilan ajratish tartibini bekor qilish taklif etilmoqda.
Prezident Moskvaga jo‘nab ketdi
O‘zbekiston prezidenti Shavkat Mirziyoyev ikki tomonlama muzokaralar o‘tkazish hamda G‘alabaning 75 yilligiga bag‘ishlangan tantanali tadbirlarda ishtirok etish uchun Moskvaga jo‘nab ketdi.
Shavkat Mirziyoyev G‘alaba paradida ishtirok etish uchun Rossiyaga tashrif buyuradi
O‘zbekiston prezidenti Shavkat Mirziyoyev 23−24 iyun kunlari amaliy tashrif bilan Rossiyada bo‘ladi. Davlat rahbari Buyuk G‘alabaning 75 yilligi munosabati bilan tantanali tadbirlarda ishtirok etishi ma’lum bo‘ldi.
Toshkentning Yangihayot kichik tumani tarkibiga qaysi mahallalarning kirishi ma’lum bo‘ldi
Toshkentning Sergeli tumani hududida tashkil etilayotgan Yangihayot tumani tarkibiga 13 ta mahalla to‘liq, 6 ta mahalla qisman o‘tkazilishi mo‘ljallanmoqda. Sergeli hokimining bu haqdagi qarori loyihasi muhokama uchun e’lon qilindi.
Feruza Mahmudova O‘zbekistonning Isroildagi elchisi etib tayinlandi
Feruza Maxmudova O‘zbekistonning Isroildagi favqulodda va muxtor elchisi etib tayinlandi. U oldinroq TIVning ikki tomonlama hamkorlik bosh boshqarmasiga rahbarlik qilgan.
Tanzila Narbayeva senatorlarning «jim» turishini tanqid qildi
«Bunday muammolarni hamma muhokama qiladi, munosabat bildiradi, xulosalarini aytadi. Lekin o‘sha joydagi senatorlar jim, ulardan aks-sado chiqmaydi». Oliy Majlis Senati raisi Tanzila Narboyeva joylardagi senatorlarning muammolarga munosabat bildirmasligini tanqid qilib, ularni aniqlashda ijtimoiy tarmoqlarning o‘rni kattaligini ta’kidladi.
Senat “Fuqarolarning jamoat tartibini saqlashda ishtirok etishi to‘g‘risida"gi qonunni rad etdi
Oliy Majlis Senati “Fuqarolarning jamoat tartibini saqlashda ishtirok etishi to‘g‘risida” gi qonunni byurokratik tartib-taomillarni kuchaytirishi, qonunlarni chetlab o‘tishga qaratilgan ko‘plab qarorlar qabul qilinishiga sabab bo‘lishi mumkinligi sababli qabul qilmadi.
«O‘zbekistonda 300 mingga yaqin ehtiyojmand xonadon mavjud» — Tanzila Narbayeva
O‘zbekistondagi 7 milliondan ortiq xonadonning 300 mingga yaqini (4,1 foizi) ehtiyojmand hisoblanadi. Ularni kambag‘alikdan chiqarish choralari ko‘rilmoqda. 8 milliondan ortiq fuqaroga qariyb 30 trillion so‘mlik imtiyoz va preferensiyalar berildi.
Shavkat Mirziyoyev Nursulton Nazarboyevga maktub yo‘llab, qisqa fursatlarda virusni yengib o‘tishiga ishonch bildirdi
Shavkat Mirziyoyev Nursulton Nazarboyevga yo‘llagan maktubida uning koronavirus kasalligiga chalingani to‘g‘risidagi xabarni katta xavotir bilan qabul qilganini ta’kidladi. O‘zbekiston prezidenti Elboshi virusni qisqa fursatlarda yengib o‘tishiga ishonch bildirdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting