Qonun hujjatlarini tartibga solish ta’sirini baholash tizimi joriy etiladi
Prezident o‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash to‘g‘risidagi farmonni imzoladi. Unga ko‘ra, O‘zbekistonda qonun hujjatlarini tartibga solish ta’sirini baholash tizimi joriy etiladi. Adliya vazirligida Tartibga solish ta’sirini baholash boshqarmasi tashkil etildi.
Tadbirkorlarga berilayotgan imtiyozlarni tabaqalashtirish rejalashtirilmoqda
Prezident tadbirkorlik sub’ektlariga berilayotgan imtiyozlarni tabaqalashtirish kerakligini ta’kidladi. Yig‘ilishda o‘rta biznes toifasiga kirishi mumkin bo‘lgan korxonani aniqlab, Tadbirkorlikni qo‘llab-quvvatlash jamg‘armasidan maqsadli mablag‘lar ajratish, mahsulotini sertifikatlash, ilm va innovatsiya xarajatlarini qisman qoplab berish kabi choralar orqali ularga ko‘maklashish muhimligi aytildi.
Rostovdagi chodirli lagerda vafot etgan fuqaro yuzasidan ma’lumot berildi
Rossiya ommaviy axborot vositalari Kamensk-Shaxtinskdagi migrantlar uchun mo‘ljallangan chodirli lagerda 33 yoshli o‘zbekistonlikning vafot etgani haqida ma’lum qildi. Unga bir tomonlama pnevmoniya tashxisi qo‘yilgan. Tashqi ishlar vazirligi o‘limni tasdiqladi, ammo fuqaroning lagerda yashaganini rad etdi.
«Hokimlarni xalq saylashi kerak. Shu kunlarga baribir kelamiz» — prezident
«Qoniqarsiz» hamda «o‘rta» deb baholangan tuman va shaharlarda inqirozga qarshi boshqaruv tizimi joriy etiladi. Bunda ularga rahbarlik qilish istagini bildirgan har qanday talabgor hududni rivojlantirish dasturini mahalliy kengashlarda himoya qilishi mumkin. Xalq vakillarini ishontira olgan salohiyatli kishilar butun jamoasi bilan tumanga rahbar etib tayinlanadi. «Hokimlarni xalq saylashi kerak. Shu kunlarga baribir kelamiz», — deya ta’kidladi prezident.
Jahon yangiliklari dayjesti
Yana bir arab davlatining Isroil bilan munosabatlarni yaxshilashi, koronavirusning odam miyasiga salbiy ta’siri, Donald Trampning hokimiyatni topshirish to‘g‘risidagi fikri va boshqa yangiliklar — «Gazeta.uz»ning jahon yangiliklari dayjestida.
Minsk: inauguratsiya va norozilik namoyishlari
Slovakiya, Litva va Germaniya Aleksandr Lukashenkoning inauguratsiyasini tan olmasliklarini e’lon qilgan birinchi Yevropa davlatlari bo‘ldi. Inauguratsiya yakunlangach, Minskda va bir qator shaharlarda darhol norozilik namoyishlari boshlandi.
Xorijliklar uchun Rossiyada qolish muddati yana uzaytirildi
Pandemiya sababli horijliklar va Rossiya fuqaroligiga ega bo‘lmagan shaxslar uchun mamlakatda qolish muddati 15 dekabrgacha uzaytirildi. O‘zbekiston elchixonasi RFda noqonuniy yashab kelayotgan fuqarolarni mamlakatda bo‘lib turishlarini qonuniylashtirishga va ishlash uchun ruxsatnomalarni rasmiylashtirishga chaqirdi.
IIV mashinalar jarima maydonchasida noqonuniy ushlab turganini yashirmoqchi — deputatlar
Deputat Doniyor G‘aniyev Ichki ishlar vazirligi epidemiyaga qarshi kurashish qoidalari buzilgan taqdirda avtomobillarni vaqtincha ushlab turishga ruxsat berish taklifi ilgari surilgan qonun loyihasini taqdim etganini ma’lum qildi. Parlament a’zosi IIV bu orqali karantin paytida avtomobillarni jarima maydonchalariga joylashtirish noqonuniy ekanligini tan olganini taxmin qildi. YHXBB ma’lumotlariga ko‘ra, karantin qoidalari buzilgani uchun eng kamida 155,8 mingta avtomobil jarima maydonchalariga joylashtirilgan.
«Ta’lim to‘g‘risida"gi qonun prezident tomonidan imzolandi
Prezident «Ta’lim to‘g‘risida"gi qonunga imzo chekdi. Mazkur qonun bilan 1997 yilda qabul qilingan «Ta’lim to‘g‘risida"gi hamda «Kadrlar tayyorlash milliy dasturi to‘g‘risida"gi qonunlar o‘z kuchini yo‘qotdi.
Qozog‘istonning to‘rtta hududida parranda grippi tarqaldi
Qozog‘istonning to‘rtta hududida parranda grippi tarqalayotgani rasman tasdiqlandi. Infeksiya umumiy suv havzalari orqali tarqalgan bo‘lib, fabrikalarda va shaxsiy tomorqalarda hammasi bo‘lib 54 ming parranda nobud bo‘lgan.
IMEI-kodlarni ro‘yxatdan o‘tkazish o‘zbekistonliklarga 13 mln dollarga tushdi
Mobil qurilmalarning IMEI-kodlarini pulli ro‘yxatga olishdan, hisob-kitoblarga ko‘ra, 135,5 mlrd so‘m to‘plandi. Jami bo‘lib 47 milliondan ziyod kod ro‘yxatga olingan. AKT vazirligi mobil qurilmalarning rasmiy importi hajmi bir necha barobarga o‘sganini ma’lum qildi.
Qashqadaryo viloyati UJKXKB boshlig‘i koronavirusdan vafot etdi
Qashqadaryo viloyati hokimining sobiq o‘rinbosari, uy-joy kommunal xizmat ko‘rsatish boshqarmasi boshlig‘i Sirojiddin Azizov 45 yoshida koronavirusdan vafot etdi.
O‘zbekiston viloyatlarida qancha avtomobil ro‘yxatdan o‘tkazilgan
O‘zbekistonda jismoniy shaxslarga tegishli bo‘lgan 2,5 mlndan ortiq avtotransport vositalari mavjud, shulardan 93% yengil avtomobillar. Eng ko‘p avtotransport vositalari Toshkent shahriga, eng kami esa Sirdaryo viloyatiga to‘g‘ri kelmoqda.
17 ta metro bekatida bittadan chiqish joylari vaqtincha yopiladi
Toshkent metrosining 17 ta bekatida bittadan chiqish vestibyullari «ishlab chiqarish ehtiyojlari sababli» vaqtincha yopiladi. Bu qancha vaqtgacha davom etishi haqida aniq ma’lumot berilmagan.
Qozog‘istonda o‘lim jazosi bekor qilindi
Qozog‘iston o‘lim jazosini bekor qilish bo‘yicha xalqaro protokolga qo‘shildi. Mamlakatda ushbu jazoni qo‘llash 2003 yildan beri to‘xtatib qo‘yilgan edi.
Kun davomida 590 kishida koronavirus tasdiqlandi, 608 kishi sog‘aydi
Sog‘liqni saqlash vazirligi kun davomida 590 ta yangi koronavirus holati qayd etilganini ma’lum qildi. Umumiy ko‘rsatkich 53,4 mingdan oshdi.
Rossiyadan O‘zbekiston fuqarolarni olib kelish uchun avtobus karvoni yo‘lga chiqdi
Rossiyaning Qozog‘iston bilan chegara oldi hududi Samara viloyatida to‘planib qolgan fuqarolarni vatanga olib kelish maqsadida maxsus avtobus qatnovi tashkil etildi. 15 ta avtobusdan iborat ilk karvon Samara viloyatiga yo‘lga chiqdi.
Bir qator tovarlarga import bojini kamaytirish masalasi muhokama qilindi
ITSV huzuridagi Tarif va notarif tartibga solish kengashi to‘qimachilik sanoati texnologik uskunalari va butlovchi qismlari, shuningdek, yuk avtomobillari, quyultirilgan sut va boshqalar uchun bojxona to‘lovlari stavkalarini kamaytirish masalasini muhokama qildi.
Jahon yangiliklari dayjesti
Aleksandr Lukashenkoning e’lon qilinmagan inauguratsiyasi, 2020 yilning eng obro‘li shaxslari (Time), “Yandeks"ning yirik xaridi va boshqa yangiliklar — “Gazeta.uz"ning jahon yangiliklari dayjestida.
Shavkat Mirziyoyev BMT Bosh Assambleyasida o‘zbek tilida nutq so‘zladi
Shavkat Mirziyoyev Birlashgan Millatlar Tashkiloti Bosh assambleyasining 75-sessiyasida o‘zbek tilida nutq so‘zladi. O‘zbekiston prezidenti Pandemiyalar davrida davlatlarning ixtiyoriy majburiyatlari to‘g‘risidagi xalqaro kodeksni ishlab chiqishni taklif etdi. Shavkat Mirziyoyev mintaqadagi muammolarga e’tibor qaratish kerakligini ta’kidlab, mamlakat Afg‘onistonni Markaziy Osiyoning ajralmas qismi sifatida qabul qilishini ta’kidladi.
Qo‘shimcha imkoniyatlarga ega bulish uchun saytda ro‘yxatdan o‘ting