Yanvar-sentyabr oylarida davlat byudjeti daromadlari 94,5 trln so‘mni tashkil etdi. Davlat byudjeti daromadlarining asosiy qismi soliq va bojxona tushumlariga to‘g‘ri keladi.
O‘zbekistonda 1 mln so‘mgacha ish haqi oluvchilar soni 42,8 foizni, 5,5 mln so‘m va undan yuqori oluvchilar soni 6 foizni tashkil etadi.
Farg‘ona viloyatida «Yevro 4» va «Yevro 5» dizel yonilg‘isini ishlab chiqarish boshlandi. Investitsiyaviy loyihaning umumiy qiymati 300 mln dollarni tashkil etadi.
O‘zbekiston 9 oy davomida 7,8 mln tonna sement ishlab chiqarib, Afg‘oniston, Singapur, Rossiya, Xitoy, Turkiya kabi davlatlarga 24,2 mln dollarlik mahsulot sotdi.
O‘zbekiston bosh vaziri Qozog‘iston hukumati vakillarini qabul qildi. Uchrashuvda Qozog‘iston O‘zbekistonga bir qator takliflarni ilgari surdi.
AQSH Savdo vakolatxonasi O‘zbekistondagi ishchilar huquqlarini ta’minlash bo‘yicha tekshiruvlarni yakunladi va mamlakatning AQSHga umumiy imtiyozlar tizimi bo‘yicha bojsiz mahsulot jo‘natish huquqini saqlab qoldi.
Markaziy bank 2 noyabrdan tijorat banklari orqali 999,9 soflikdagi oltin quymalarni maxsus himoya qadoqlarida sotuvga chiqara boshladi. Ularni xorijga olib chiqish ham mumkin.
Dollarning rasmiy kursi deyarli 7 so‘mga ko‘tarildi va jami 10 366 so‘m etib belgilandi. Yevro va rubl kurslari esa arzonladi.
Oktabr oyida inflyatsiya 1,4 foizni tashkil etdi. Oziq-ovqat mahsulotlari 2,3 foizga, nooziq-ovqat mahsulotlari 0,8 foizga, xizmatlar 0,7 foizga qimmatlashdi.
Ayrim transport vositalariga 2022 yil oxiriga qadar utilizatsiya yig‘imining nol stavkasi qo‘llaniladi.
O‘zbekiston iyul-sentyabr oylarida 35 tonna oltin sotib, bu borada dunyoda yetakchiga aylandi. Ushbu ko‘rsatkich bo‘yicha ikkinchi o‘rinni Turkiya egallab turibdi.
O‘zbekistonda yetakchi investitsiya kompaniyalari bilan hamkorlikda 2021 yilda 2 ta, 2025 yilda 10 ta venchur jamg‘armalari tashkil qilinadi. Ilmiy tashkilotlar rahbarlari lavozimiga ustuvor ravishda ilm-fan tizimini boshqarish ko‘nikmasiga va iqtisodiy bilimga ega bo‘lgan yosh mutaxassislar tayinlanadi.
Moliya vazirligi 2021 yilgi davlat byudjeti to‘g‘risidagi qonun loyihasini muhokamaga qo‘ydi. Hujjatga ko‘ra, YAIM 5,1 foizga o‘sadi, inflyatsiya 10 foiz atrofida bo‘lishi kutilmoqda. Konsolidatsiyalangan byudjet xarajatlari 203,8 trln co‘mni tashkil qilishi kerak, bu joriy yilda prognoz qilingan xarajatlardan 25,5 foizga va belgilangan ko‘rsatkichlardan 5,6 foizga ko‘p.
Bir kun oldin imzolangan yashirin iqtisodiyotni qisqartirish to‘g‘risidagi prezident farmonida jismoniy shaxslarga o‘zini o‘zi band qilgan shaxslar sifatida yo‘lovchilarga taksi xizmatini ko‘rsatish huquqini beruvchi qoidalar mavjud emas. Hujjat loyihasida esa shunday band mavjud edi. Moliya vazirligi buning uchun alohida mexanizm ishlab chiqilayotgani haqida xabar berdi.
Shavkat Mirziyoyev Shimoliy iqtisodiy hamkorlik xalqaro forumida ishtirok etadi va u yerda mintaqaviy siyosatning eng dolzarb masalalari bo‘yicha so‘zga chiqadi.
Markaziy bankning xabar berishicha, PayPal O‘zbekistondagi faoliyatiga cheklovni mustaqil ravishda o‘rnatgan va bu biror davlat organi yoki boshqa tashkilot bilan kelishilmagan. Yechim sifatida internet orqali onlayn to‘lovlarni amalga oshirishda Visa, Mastercard, Unionpay xalqaro to‘lov tizimlari, shuningdek, muqobil elektron hamyonlar — WebMoney, QIWI, Yandeks.Dengi xizmatlaridan foydalanish maslahat berildi.
Prezident farmoni bilan yashirin iqtisodiyotga qarshi kurashish Maxsus komissiyasi va uning hududiy komissiyalari tashkil etilmoqda. Davlat idora va tashkilotlarida komplayens-nazorat tizimi joriy etiladi. Jarayonlar OAVda keng yoritiladi.
Yanvar-sentyabr oylarida qishloq, o‘rmon va baliqchilik xo‘jaligi mahsulot (xizmat)larining umumiy hajmi 180,1 trln so‘mni tashkil qilib, YAIM tarkibida ushbu sohaning ulushi 25,7 foizga yetdi. Respublika bo‘yicha eng ko‘p dehqon xo‘jaligi mahsulotlari Samarqand viloyatida yetishtirilgan.
Mobiuz va Perfectum uyali aloqa operatorlari xususiylashtirishga tayyorgarlik ko‘rish doirasida investitsion sharoitlarini oshiradi va Ucell operatsion samaradorligini oshirishi bilan o‘zgaradi.
274 ta korxona, 109 ta gazeta va nashriyotlar, 26 ta axborot texnologiyalari korxonasi, 27 ta tibbiyot muassasalari, 12 ta yog‘-moy sanoati korxonasi va 31 ta vinochilik korxonasi to‘liqligicha ommaviy savdolar orqali xususiy sektorga sotiladi.
Qo‘shimcha imkoniyatlarga ega bulish uchun saytda ro‘yxatdan o‘ting