Toshkent viloyati hokimi maktablarda telefondan foydalanilishiga nega qarshi?
Toshkent viloyatida o‘quvchilarga ham, o‘qituvchilarga ham telefondan foydalanishni taqiqlagan maktablarga 300 mln so‘m va’da qilindi. Viloyat hokimi Zoyir Mirzayevning fikricha, telefon bolalarni ham, kattalarni ham buzadi. “Qo‘lda telefon degan balo bor ekan, hamma narsa bo‘lishi mumkin”, — dedi u.
“Toshkentda 500 gektardan oshiq hudud renovatsiyaga tushgan” — poytaxt hokimi v.b.
Toshkentda 500 gektardan ortiq maydondagi uy-joylar renovatsiya dasturiga kiritilgan, deya ma’lum qildi poytaxt hokimi v.b. Shavkat Umurzoqov. Uning so‘zlariga ko‘ra, gap “talabga javob bermaydigan, ko‘p yillar oldin qurilgan ikki qavatli binolar va vaqtincha qurilib ketgan uylar” haqida ketmoqda.
Toshkentda avtobus boshqarishga nomzod ayol haydovchilar amaliyot o‘tamoqda (video)
Ayollarga yo‘lovchilari soni 14 kishidan ortiq avtobuslarni boshqarish huquqi berilgach, Toshkent shahrida haydovchilikka nomzod ayollar uchun amaliyot darslari o‘tilmoqda. Ularga yo‘nalishlarda ustoz haydovchilar hamrohlik qiladi. “Toshshahartransxizmat” jarayon qanday ketayotgani bo‘yicha videolavha e’lon qildi.
Ukraina elchisi — xavfli va xavfsiz mehnat migratsiyasi, gumanitar loyihalar va O‘zbekiston bilan siyosiy muloqotni qayta tiklash haqida
Ukraina elchisi Nikolay Doroshenko O‘zbekiston bilan 2024-yilgi hamkorlik haqida gapirdi. Mamlakatlar iqtisodiy “yo‘l xaritasi"ni shakllantirish niyatida, Toshkentda Ukraina farmatsevtika kompaniyalari loyihalari davom etmoqda, Kiyevda esa ukrainalik rassomlarning O‘zbekiston haqidagi suratlari namoyish etiladi.
Buxoroda sayyohlik markazi loyihasi uchun hokimlik va san’at maktabi binolari buzilmoqda
Buxoroda turistik markaz qurish uchun shahar hokimligi va san’at maktabi binolarini buzishga kirishildi. Maktab-internat o‘quvchilari sharoiti bo‘lmagan sobiq paxta zavodi yotoqxonasiga vaqtincha ko‘chirildi. Motamsaro ona haykalini Kogonga ko‘chirishga qaror qilishdi.
MB valyuta savdosi ma’lumotlarini cheklashni va zaxiralar hisoboti e’lon qilishni kechiktira boshladi
Markaziy bank 2023-yil 11 oyi davomida 11,4 mlrd dollarga yetgan valyutani sotib olish va sotish o‘rtasidagi farq oshib borayotgan bir paytda valyuta bozoridagi savdolar haqidagi ma’lumotlarni qisman yashirishni boshladi. Regulyator oltin-valyuta zaxiralari haqidagi ma’lumotlarni e’lon qilishni ham kechiktirmoqda.
Seshanba kuni elektr energiyasiga maksimal darajada cheklovlar joriy etildi — Energetika vazirligi
27-fevral kuni O‘zbekistonda elektr energiyasini yetkazib berishdagi cheklovlar 700 MVtgacha oshirildi. Bundan avvali kunlari cheklovlar 600 MVtdan oshmagandi. Metan yoqilg‘i quyish shoxobchalari uchun gaz yetkazib berish kamaygan, benzin yetkazib berish esa ko‘paygan.
O‘zbekiston tashabbusi bilan 2027-yil “Xalqaro barqaror va yashovchan turizm yili” deb e’lon qilindi
BMT Bosh Assambleyasi O‘zbekiston tashabbusi bilan 2027-yilni “Xalqaro barqaror va yashovchan turizm yili” deb e’lon qilish bo‘yicha rezolyutsiyani bir ovozdan ma’qulladi.
O‘zbekistonda mikroqarzning eng yuqori miqdori 50 mln so‘mdan 100 mln so‘mgacha oshirildi
Prezident imzolagan qonun bilan mikroqarzning eng yuqori miqdori 50 million so‘mdan 100 million so‘mgacha oshirildi. Shuningdek, kreditni undirish bo‘yicha sud qarori chiqarilganda foiz va neustoyka hisoblash to‘xtatiladi.
“Hech kim tinchlikni Ukrainachalik xohlayotgani yo‘q. Ammo muammo bizda emas” — Ukrainaning Toshkentdagi elchisi
Ukraina elchisi Nikolay Doroshenko mamlakatning Rossiya bosqiniga ko‘rsatgan 2 yillik qarshiligini sarhisob qildi. U Rossiyada “sun'iy ravishda yaratilgan davlat” haqidagi ritorika faqat uning davlatiga qaratilmaganini ta’kidladi. “Rossiyaning agressiv rejalari Ukrainadan ancha uzoqqa cho‘ziladi”, dedi u.
Velosport bo‘yicha O‘zbekiston terma jamoasi Osiyo chempionatida 6 ta medal oldi
Hindistonda o‘tgan velosportning trek yo‘nalishi bo‘yicha kattalar va yoshlar o‘rtasidagi Osiyo chempionatida O‘zbekiston terma jamoasi 6 ta medal: 4 ta kumush va 2 ta bronzani qo‘lga kiritdi.
Fransiya shaharlaridan biri tengsizlikka qarshi kurashish uchun maktab formasini joriy etdi
Fransiyaning Beze shahrida maktab formasini kiyish bo‘yicha hukumat tajribasi boshlandi. Rasmiylar bu tengsizlikni kamaytirishga yordam beradimi yoki yo‘q, shuni tekshirmoqchi. 1968-yildan beri fransuz maktablarida forma kiyish majburiy emas.
Toshkent shahri va yetti viloyatga havo sifatini monitoring qiluvchi 8 ta stansiya olib kelindi
Gidrometeorologiya xizmati agentligi va “Zamin” fondining qo‘shma loyihasi asosida havo sifatini monitoring qiluvchi 8 ta stansiya olib kelindi. Ular Toshkent shahri hamda Andijon, Namangan, Navoiy, Farg‘ona, Buxoro, Qashqadaryo va Toshkent viloyatlariga o‘rnatiladi.
“Milliy tiklanish”: Toshkentdagi renovatsiya dasturlari uy-joy egalari va jamoatchilik fikri asosida bajarilishi kerak
“Milliy tiklanish” partiyasi poytaxt hokimi v.b. Shavkat Umurzoqovning Toshkentda 500 gektar joy renovatsiyaga tushgani haqidagi xabariga munosabat bildirdi. Partiya dastur mulkdorlar roziligiga asoslanishi, jamoatchilik muhokamalaridan o‘tishi va renovatsiya to‘g‘risida qonun bo‘lishi kerakligini ta’kidladi.
Jamoatchilik ekologiya nazoratchisining huquq va majburiyatlari belgilandi
Jamoatchilik ekologiya nazoratchisi to‘g‘risidagi nizom tasdiqlandi va ularning maqomi, huquq va majburiyatlari belgilab qo‘yildi. Daraxt kesish, qum-shag‘alni noqonuniy qazib olish kabi huquqbuzarliklar bilan bog‘liq aniqlangan holatlar uchun ekologiya nazoratchilari pul mukofotlari bilan taqdirlanadi.
Suv xo‘jaligi vaziriga yangi o‘rinbosarlar tayinlandi
Prezident qarori bilan Timur Butunbayev suv xo‘jaligi vazirining birinchi o‘rinbosari, Xabibulla Quvondiqov esa vazir o‘rinbosari etib tayinlandi.
“Gazeta.uz"da e’lon qilingan maxsus materiallar:
Buzmoq yo ta’mirlamoq — shudir masala. Aholi nega Yangioboddagi musiqa maktabini saqlab qolishni so‘ramoqda?
Chaykovskiy nomidagi musiqa maktabi Yangiobodning diqqatga sazovor joylaridan. O‘tgan asrning 50−90 yillarida bino o‘zining asosiy vazifasini bajargan. 2000-yillardan boshlab u qarovsiz qolib, qo‘ldan qo‘lga o‘tib kelmoqda. “Gazeta.uz” maktabning taqdiri va uni saqlab qolishga urinishlar haqida hikoya qiladi.
