«миграция» тегли мақолалар
«Ойлик 1,5 мингдан 3 минг долларгача». Бандлик вазири — ривожланган мамлакатларда ишчи кучига бўлган талаб ҳақида
Бандлик вазири Беҳзод Мусаев энг кам иш ҳақи 1500−3000 долларни ташкил этувчи ривожланган мамлакатларда меҳнат ресурсларига талаб юқори экани ҳақида гапирди. Унинг сўзларига кўра, ташқи меҳнат миграцияси Ўзбекистон фуқароларига янги касб ва стандартларни ўрганиш имкониятини беради.
АҚШ элчихонаси Америкага ноқонуний равишда борганларни депортация қилиш давом этишини билдирди
АҚШнинг Тошкентдаги элчихонаси Ўзбекистон фуқароларини Қўшма Штатларга хавфсиз ва қонуний йўллар орқали сафар қилишга чақирди. Элчихона Қўшма Штатларда қолиш учун қонуний асосга эга бўлмаганларни депортация қилиш ишлари давом эттирилишини билдирган.
Ўзбекистон аҳолиси 1 январь ҳолатига кўра 36,8 млн кишини ташкил этди
Ўзбекистоннинг доимий аҳолиси сони 2024 йил 1 январь ҳолатига 36 799 800 кишини ташкил этди. Статистика агентлиги 2023 йилги демографик кўрсаткичларни эълон қилди.
Кореяда ўқиётган 22 нафар ўзбекистонлик талаба мамлакатдан чиқариб юборилди
Кореянинг Ҳаншин университети тил курсида ўқиётган 22 нафар ўзбекистонлик талаба мамлакатдан алдов йўли билан чиқариб юборилгани ҳақида хабар тарқалди. Ўзбекистоннинг Кореядаги элчихонасига кўра, улар олийгоҳ талабларига бўйсунмаган, шунингдек, ноқонуний меҳнат билан шуғулланган. Ҳолат ўрганилмоқда.
Россия ташкилий тарзда юбориладиган ўзбекистонлик меҳнат муҳожирлари сонига қўйилган чекловни олиб ташлади
Россия Ўзбекистондан қурилиш, қишлоқ хўжалиги ва енгил саноатга ташкилий тарзда ёллаш орқали жалб қилинган меҳнат муҳожирлари сонига чеклов, шунингдек, мажбурий эмлаш талабини олиб ташлади.
Йил бошидан буён 395 минг россиялик, уларнинг ярмидан кўпроғи сўнгги уч ойда, Ўзбекистонга келди
Жорий йилнинг 9 ойида 395 мингдан ортиқ Россия фуқароси Ўзбекистонга келди, уларнинг 80,5 фоизи ички ишлар органларида рўйхатга олинган. Айни пайтда, россияликларнинг ярмидан кўпи сўнгги уч ой ичида кириб келган.
Россиядан Ўзбекистонга келганлар сони икки баробарга кўпайди
Жорий йилнинг январь-июнь ойларида Россиядан Ўзбекистонга келганлар сони 420 мингга яқинни ташкил қилди. Бу 2021 йилнинг шу даврига нисбатан 2,07 баравар кўп. Миграция туфайли Россиянинг доимий аҳоли сони 96 737 кишига камайган.
Хорижда ишга жойлаштиришни ваъда қилаётган аксарият агентликларнинг фаолияти ноқонуний — Меҳнат вазирлиги
Хорижда ишга жойлаштиришни ваъда қилаётган хусусий бандлик агентликларининг аксарияти фуқароларни алдайди, дея хабар берди Меҳнат вазирлиги. Ўзбекистонда атиги 6 та хусусий агентлик хорижда ишга жойлаштириш учун лицензияга эга, яна 3 тасининг фаолияти тўхтатилган.
Россияда пилот лойиҳа доирасида ишга жойлаштириладиган ўзбекистонлик мигрантлар сонига чекловни олиб ташлаш режалаштирилмоқда
Россия Меҳнат вазирлиги хорижликларни ишга жойлаштириш бўйича пилот лойиҳаси доирасида Ўзбекистондан Россияга келиши мумкин бўлган мигрантлар сонига чекловни олиб ташлашни таклиф қилмоқда. Ҳозирда ушбу чекловга кўра, пилот лойиҳа доирасида 10 минг нафар ўзбекистонлик Россияга ишлаш учун бора олади.
Ўзбекистонлик меҳнат муҳожирлари учун янги йўналишлар номлари маълум қилинди
Прогнозлаштириш ва макроиқтисодий тадқиқотлар институти Россиядан пул ўтказмалари қисқариши фонида ўзбекистонлик меҳнат муҳожирлари учун янги йўналишларни баҳолади. Польша, Болгария, Литва, Чехия ҳамда бошқа Европа ва Осиё давлатлари миграцияни ривожлантириш учун жозибадор йўналишлар деб номланди.
Мигрантларнинг қарамоғидаги айрим фуқароларга 540 минг сўмдан бир марталик ёрдам берилади
Президент қарори билан боқувчиси хорижга ишлашга кетган ва «Ижтимоий ҳимоя ягона реестри» рўйхатида турган фуқароларга 540 минг сўмдан бир марталик ёрдам берилади. Уларнинг ногиронлиги бўлган оила аъзоларига дори-дармон, ногиронлик араваси, эшитиш аппарати ва ортопедик маҳсулотлар харид қилиш учун 1,3 млн сўмдан ёрдам ҳам кўрсатилади. Қолаверса, дафтарлардан бирига киритилган ва ташкиллаштирилган меҳнат миграцияси билан ишлашга кетганларга 10 млн сўмгача микроқарз тақдим этилади.
Депутатлар меҳнат мигрантларига имтиёзлар беришни назарда тутувчи қонунни маъқуллади
Қонунчилик палатаси томонидан мигрантларга оид янги қонун маъқулланди. Унда ташқи меҳнат миграцияси соҳасидаги давлат сиёсатининг асосий йўналишлари белгиланган. Қонунда шунингдек, меҳнат мигрантларини ижтимоий қўллаб-қувватлаш, уларнинг ҳуқуқ ва манфаатларини ҳимоя қилиш ҳамда хориждан қайтганларнинг реинтеграцияси кўзда тутилган.
Россияда жиноят олами рамзи туширилган бош кийим кийган ўзбекистонлик огоҳлантирилди
Россияда А. У. Е. (маҳбус бандитлар бирлиги) рамзи туширилган бош кийимдаги Ўзбекистон фуқароси сўроқ қилинди. Унинг жиноятчилик оламига алоқаси йўқлиги ҳамда русчани ва РФ қонунларини яхши билмаслиги маълум бўлди.
Ўзбекистондан 20 йил ичида 1,1 миллиондан ортиқ киши кўчиб кетган
2000−2020 йилларда Ўзбекистондан 1,1 миллиондан ортиқ киши бошқа мамлакатларга доимий яшаш учун кўчиб кетган. Худди шу даврда мамлакатга хорижликлар 11 баравар камроқ кўчиб келган.
Марказий Осиёда қарийб 2,5 млн киши иқлим мигрантларига айланиши мумкин — ЖБ
Иқлим ўзгаришлари 250 млн кишини ўз мамлакатлари ичида кўчишга мажбур қилиши мумкинлигини кўрсатмоқда Жаҳон банки ҳисоб-китоблари. Марказий Осиёда яшаётган қарийб 2,5 млн киши иқлим мигрантларига айланади. Фарғона водийси, Тошкент атрофи, Тожикистон жануби ва Қозоғистон шимоли — оқим манзиллари.
Доимий яшаш учун хорижга кўчиб кетганлар сони кескин ошди
2021 йилнинг биринчи ярмида доимий яшаш учун хорижга кўчиб кетганлар сони 10 минг нафардан ошди. Бу 2020 йилнинг январь-июнь ойларига нисбатан 4,5 баробарга, 2019 йилнинг дастлабки олти ойига нисбатан 2,2 баробарга кўп демакдир.
Томскда Миграция хизмати ходими Ўзбекистон фуқаросини калтаклади
Россиянинг Томск шаҳрида Миграция хизмати ходими Ўзбекистон фуқаросини калтаклади. Ҳолат юзасидан Ўзбекистон Ташқи меҳнат миграцияси агентлиги Россиянинг тегишли идораларига сўров юборди.
2021 йил бошидан бери Ўзбекистондан 4 минг киши кўчиб кетди
Январь-март ойларида Ўзбекистондан жами 4094 киши бошқа мамлакатларга доимий яшаш учун жўнаб кетган ва 578 киши Ўзбекистонга кўчиб келган. Кўчиб кетганларнинг энг катта қисми Қозоғистонга тўғри келади.
9 ой давомида Ўзбекистондан 1,6 млн фуқаро чет элга кетган
Январь-сентябрь ойларида Ўзбекистонга туристик мақсадларда келган чет эл фуқаролари сони 1,4 млн кишини, чет элга кетган Ўзбекистон фуқаролари сони эса 1,6 млн кишини ташкил этди. Ушбу даврда чет элга кетганларнинг 87,2 фоизи ўз қариндошларини йўқлаш мақсадида бўлган.
«Миграция, бу — экспорт, ишчи кучи экспорти» — Меҳнат вазирлиги
Меҳнат вазирлиги нима учун Ўзбекистонда фуқароларни хорижга ишлашга жўнатишдан аввал мажбурий ўқитишга қарор қилингани, шунингдек, қонуний ва ноқонуний мигрантлар ўртасидаги фарқларни тушунтириб берди. Тақдим этилган статистикага кўра, ҳозирда Россияда 600 минг ўзбекистонлик ҳужжатларсиз ишламоқда, 421 минг киши эса депортация қилиниб, РФга киришга тақиқ олган.
Энг кўп ўқилган хабарлар | Сўнгги янгиликлар
- Тўлдирилди: Давлат идоралари ўз автопаркини электромобиллар билан янгиламоқда
- Сурхондарёда Damas`нинг «тормози» ишламай қолиши оқибатида 6 киши ҳалок бўлди
- Paynet`нинг таъсисчиси ўзгарди. Тўлов хизматининг янги эгаси ким?
- Абдулла Қодирий боғи 49 йилга инвесторга берилмоқда. Реконструкция қандай бўлади?
- «Бизга тинч ва сокин парк керак». Тошкентликлар Дўстлик парки реконструкциясига қарши
Қўшимча имкониятларга эга булиш учун сайтда рўйхатдан ўтинг