2000 йилдан 2020 йилгача Ўзбекистондан 1 107 854 нафар фуқаро хорижий давлатларга доимий яшаш учун чиқиб кетган. 20 йил ичида мамлакатга кўчиб келган хорижликлар сони 11 баравар кам — 99 341 кишини ташкил этди. Бу ҳақда Давлат статистика қўмитаси «Газета.uz» сўрови асосида маълум қилди.
Ўзбекистондан доимий яшаш учун бошқа давлатларга кетганлар сони.
Ўзбекистондан энг кўп кўчиб кетганлар сони 2005 йилда — 104,9 минг киши, энг ками — 2019 йилда (13229 нафар) рўйхатга олинган. Пандемия шароитида 2020 йилда 13 648 киши мамлакатдан кўчиб кетган.
Ўзбекистонга кўчиб келган хорижликлар сони.
Ўзбекистонга жойлашиш учун энг кўп хорижликлар 2002 йилда — 7155 нафар, энг ками — 2020 йилда (1105 нафар) келган.
Давлат статистика қўмитаси фақатгина 2018−2020 йиллар кесимида иммиграция ва эмиграция ҳақидаги маълумотларни мамлакатлар бўйича тақдим эта олди.
Ўзбекистондан кўчиб кетганлар сони
| Давлат /йиллар | 2018 | 2019 | 2020 | 2018−2020 |
| Жами | 17 579 | 13 229 | 13 648 | 44 456 |
| Қозоғистон | 8 848 | 7 645 | 5 843 | 22 336 |
| Россия | 7 627 | 4 903 | 6 503 | 19 033 |
| АҚШ | 233 | 112 | 16 | 361 |
| Исроил | 147 | 100 | 49 | 296 |
| Қирғизистон | 100 | 59 | 36 | 195 |
| Германия | 95 | 65 | 28 | 188 |
| Тожикистон | 88 | 70 | 23 | 181 |
| Украина | 60 | 49 | 17 | 126 |
| Бошқа хорижий давлатлар | 381 | 226 | 1 133 | 1 740 |
Уч йил давомида Ўзбекистон фуқароларининг аксарияти Қозоғистонга кўчиб кетган — 22336 киши. Россия иккинчи оммавий йўналиш бўлди — 19033 киши. Шунингдек, ўзбеклар АҚШ — 361, Исроил — 296, Қирғизистон — 195, Германия — 188, Тожикистон — 181, Украина — 126 ва бошқа мамлакатларга 1740 киши яшаш учун кетган.
Ўзбекистонга кўчиб келганлар сони
| Давлат /йиллар | 2018 | 2019 | 2020 | 2018−2020 |
| Жами | 2850 | 2543 | 1105 | 6498 |
| Қозоғистон | 793 | 854 | 413 | 2060 |
| Тожикистон | 797 | 545 | 230 | 1572 |
| Россия | 676 | 583 | 236 | 1495 |
| Қирғизистон | 281 | 306 | 96 | 683 |
| Туркманистон | 90 | 50 | 16 | 156 |
| Украина | 33 | 31 | 15 | 79 |
| САҚШША | 30 | 22 | 12 | 64 |
| Исроил | 31 | 14 | 12 | 57 |
| Туркия | 12 | 21 | 14 | 47 |
| Бошқа хорижий давлатлардан | 107 | 117 | 61 | 285 |
Ўзбекистонга қўним топиш мақсадида яна Қозоғистондан кўпчилик — 20160 киши келган. Иммигрантлар сони бўйича Тожикистон иккинчи ўринни эгаллади — 1572 киши, ундан кейин Россия — 1495 киши, Қирғизистон — 683, Туркманистон — 156, Украина — 79, АҚШ — 64, Исроил — 57, Туркия — 47 ва бошқа давлатлар — 285.
