«суд» тегли мақолалар
Фарғонада 11 ёшли қиз зўрлаб, ўлдириб кетилгани юзасидан уч ўсмирга ҳукм ўқилди
Фарғона шаҳрида 11 ёшли қизнинг мурдаси зўрлаш аломатлари билан топилганди. Суд иш бўйича уч нафар гумонланувчига нисбатан ҳукм чиқарди. Уларнинг иккиси 13 ва 14 йилга озодликдан маҳрум қилинди. Бирига нисбатан эса 2 йилга озодликни чеклаш жазоси тайинланди.
Telegram`да аёлларнинг интим суратларини тарқатган бир гуруҳ шахсларга нисбатан ҳукм ўқилди
Суд Telegram`даги пулли каналларда аёлларнинг интим суратларини тарқатган бир гуруҳ шахсларни 3 йилдан 7 йилгача қамоқ жазосига ҳукм қилди. Суд иши бўйича 62 киши, жумладан, 55 нафар аёл жабрланувчи ва даъвогар бўлган.
«Док-1 Макс» иши бўйича суд: Сардор Кариев терговда унга руҳий ва жисмоний тазйиқ ўтказилганини айтди
Фармацевтика агентлиги собиқ раҳбари Сардор Кариев «Док-1 Макс» иши бўйича терговда унга тазйиқ ўтказилганини билдирди.
Судьялар олий кенгаши 31 та тайинловни амалга оширди
Судьялар олий кенгашининг 2024 йилдаги биринчи йиғилишида 31 нафар судя лавозимга тайинланди.
«Док-1 Макс» иши: Вафот этган болалар сони 69 нафарга етди
Тошкент шаҳри судида бир ойлик танаффусдан сўнг «Док-1 Макс» иши бўйича суд қайта бошланди. Унда Ҳиндистоннинг Marion Biotech компанияси дорилари истеъмоли оқибатида 18 бола ногиронлик орттириб олгани, заҳарланиш сабаб яна 3 бола вафот этгани маълум қилинди. Судланувчилар икки нафарга кўпайди.
Суд ҳужжатлари асосида ижро ҳужжатларини электрон шаклда бериш тартиби жорий этилади
Президент фармони билан 1 майдан суд ҳужжатлари асосида ижро ҳужжатларини электрон шаклда бериш (юбориш, тақдим этиш) тартиби жорий этилади. Шунингдек, фуқаролардан қарздорликлари учун ундирув қаратилиши мумкин бўлмаган энг кам кафолатланган даромад белгиланади.
Исроил Олий суди суд ислоҳоти ҳақидаги қонунни бекор қилди
Исроил Олий суди уни парламент ва бош вазирнинг қарорлари «оқилоналик тамойилига» зид бўлса, уларни бекор қилиш ҳуқуқидан маҳрум қилувчи қонунни бекор қилди. Ўзгартириш Беньямин Нетаньяху ҳукумати томонидан амалга оширилган ва мамлакатда оммавий норозиликларга сабаб бўлган.
«Док-1 Макс» иши бўйича 2023 йилдаги сўнгги суд мажлислари тафсилотлари
«Док-1 Макс» иши бўйича 22 ноябрдаги судда Фарагентликнинг судланаётган собиқ раҳбари Сардор Кариевнинг адвокатлари яна айрим шахсларга нисбатан айблов эълон қилинишини илтимос қилганди. Иш бўйича 2023 йилдаги сўнгги — 1 декабрда бўлган судда бу илтимослар қаноатлантирилди. «Газета.uz» репортажи.
Блогер Олимжон Ҳайдаровга чиқарилган ҳукм ўзгаришсиз қолдирилди
Фарғона вилоят суди Олимжон Ҳайдаровга нисбатан чиқарилган ҳукм устидан берилган апелляция шикоятини қаноатлантирмади. 1 декабрда блогерни 8 йилга озодликдан маҳрум қилиш тўғрисидаги ҳукм ўзгаришсиз қолди.
«Илтимос, гапиринг — бу ерда инсон тақдири ҳал бўляпти». «Док-1 Макс» иши бўйича 20 ноябрдаги суд тафсилотлари
«Докс-1 Макс» иши бўйича 20 ноябрь куни бўлиб ўтган суд мажлисида жиноят иши қўзғатилганидан сўнг дори экспертизаси жараёнларида қатнашган икки эксперт кўрсатма берди. «Газета.uz» жараён тафсилотларини баён қилади.
Суд қарорларини кассация тартибида кўриб чиқиш ваколати вилоят ва унга тенглаштирилган судларга ўтказилди
Фуқаролик процессуал кодексига киритилган ўзгартиришга кўра ишларни вилоят судларида ва уларга тенглаштирилган судларда тафтиш тартибида (кассация) кўриш босқичи жорий этилди. Шунингдек, ҳар бир суд инстанциясининг зиммасига иш бўйича якуний қарор чиқариш мажбурияти юклатилди.
Тошкентда пиёдани уриб кетиб, унинг ўлимига сабабчи бўлган автобус ҳайдовчиси 5 йилга қамалди
Яккасарой туманида 2023 йил 19 июлда 51 ёшли пиёдани уриб кетган автобус ҳайдовчисига нисбатан суд ҳукми ўқилди. Унга кўра, айбдор 2 йил муддатга транспорт воситаларини бошқариш ҳуқуқидан маҳрум этилган ҳолда 5 йилга озодликдан маҳрум қилинди.
Тошкент вилоятида терговдаги фуқаронинг ўлимига сабабчи бўлган ИИБ ходимлари 6 йилдан 8,5 йилгача қамалди
Суд Тошкент вилояти Бўка тумани ИИБ жиноят қидирув бўлимининг собиқ бошлиғи, икки нафар терговчи ва профилактика инспекторини 6 йилдан 8,5 йилгача муддатга озодликдан маҳрум қилди. Ходимлар касалхонада вафот этган гумонланувчини қийноққа солишда айбдор деб топилди, бироқ улар буни рад этди.
«Бахти Ташкентский» нима сабаб ҳибсга олинди?
Ҳуқуқ-тартибот идоралари ходимлари дастлаб Бахтиёр Қудратуллаев («Бахти Ташкентский»)ни маъмурий жавобгарлик учун ҳибсга олган, бу ҳақда суд қарорида қайд этилган. У 15 суткага ҳибсга олинган, шундан сўнг пойтахт ИИББ жиноий иш қўзғатилганини маълум қилди.
8 йилга қамалган блогер Олимжон Ҳайдаров суд қарори устидан апелляция беради
8 йилга қамалган блогер Олимжон Ҳайдаров биринчи инстанция судининг қарори устидан апелляция беради, деб маълум қилди унинг укаси. У ўзига қўйилган айбловларни бутунлай рад этади.
«Док-1 Макс» иши бўйича суд жараёни 1 ойга тўхтатилди
Жиноят ишига алоқадор янги шахслар айбланаётгани ва бошқа асосларга кўра «Док-1 Макс» ишини кўриш 1 декабрдан 1 ойлик муддатга тўхтатилди.
«Боласидан айрилган 66 оиланинг бари барбод бўлди». «Док-1 Макс» иши бўйича 17 ноябрдаги суд тафсилотлари
«Док-1 Макс» иши бўйича 17 ноябрдаги судда жабрланувчилар тиббиёт ходимларининг нопрофессионаллигидан, касалхоналарда катетер каби буюмлар бўлмаганидан шикоят қилди. «Шу нарса қандай қилиб танқис бўлиши мумкин?», — деди 1 яшар қизидан айрилган ота. Адвокатлар эса экспертларни саволларга кўмди.
«Бир йилдан бери ҳар лаҳза болам билан қўшилиб ўлгандек бўламан». «Док-1 Макс» иши бўйича 15 ноябрдаги суд тафсилотлари
«Док-1 Макс» иши бўйича 15 ноябрда бўлган судда Фармагентликнинг судланаётган собиқ раҳбари Сардор Кариев ўзининг собиқ ўринбосарига: «Сен ифлосни деб шу ерда ўтирибман!», деди. Қизи вафот этган жабрланувчилардан бири эса ҳеч кимга даъвоси йўқлигини ва уни ортиқ безовта қилмасликларини сўради.
«Нега менинг болам тажриба қуёни қилинди?» — «Док-1 Макс» иши бўйича жабрланувчиларнинг 13 ноябрдаги кўрсатмалари
«Док-1 Макс» иши бўйича 13 ноябрда бўлган судда фарзандидан айрилган тўққиз жабрланувчи кўрсатма берди. Улардан бири Фармагентлик собиқ раҳбари Сардор Кариев билан мунозарага киришди. Судда тиббиёт ходимлари ва Соғлиқни сақлаш вазирлигининг масъулиятсизлигига эътибор қаратиш чақириқлари янгради.
«Қанча пул берса, менинг болам қайтиб келади?» — «Док-1 Макс» иши бўйича навбатдаги жабрланувчилар кўрсатмаси
«Док-1 Макс» иши бўйича суд давом этмоқда. 10 ноябрь куни бўлиб ўтган мажлисда фарзанди дори истеъмолидан сўнг вафот этган беш жабрланувчи кўрсатма берди. Уларнинг баъзилари бир неча млрд сўмлик моддий компенсация талаб қилди, аксарияти айбланувчиларга нисбатан энг оғир жазо тайинланишини сўради.
Энг кўп ўқилган хабарлар | Сўнгги янгиликлар
- «Тақиқлар амалда ишламаяпти». Ўзбекистонда букмекерлик фаолиятини қонунийлаштиришдан мақсад нима? (1)
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
- Бош прокуратура Ниғматилла Йўлдошев ва қидирувдаги тадбиркор ўртасидаги суҳбат видеосига изоҳ берди
- Ўзбекистон футболчилари U-23 Осиё кубоги ярим финалига чиқди (+ видео)
- Яккасарой тумани ҳокимияти ҳуқуқшуноси мактаб бассейнида чўмилган вақти вафот этди
Қўшимча имкониятларга эга булиш учун сайтда рўйхатдан ўтинг