«русланбек давлетов» тегли мақолалар
«Агрессив кадр сиёсатини юритиш керак» — Русланбек Давлетов коррупцияга қарши курашиш ҳақида
Адлия вазири Русланбек Давлетов коррупцияни кескин камайтиришда бирёқлама ёндашув, жумладан, фақат ўлим жазосини жорий қилиш ёки фақат диний таълимни кучайтириш билан иш битмаслигини таъкидлади. Вазирнинг фикрича, муаммони ҳал этиш учун комплекс ёндашиш, «агрессив кадр сиёсатини юритиш керак».
«Судга бериш керак». Русланбек Давлетов — электр энергиядаги узилишлар сабаб тадбиркорлар зарар кўраётгани ҳақида
Адлия вазири газ ва электр таъминотидаги узилишлар сабаб тадбиркорлар зарар кўраётгани борасида фикр билдирар экан, шартнома шартини бажармагани учун таъминотчи корхоналар устидан судга мурожаат қилиш кераклигини айтди. «Шу йўл билан ҳаммасини тартибга солса бўлади. Масъулияти албатта ошади, тўлаб кўрсин зарарни кейин билади қанақа ҳал қилишини», — деди Русланбек Давлетов.
«Ҳукумат ихчам бўлиши керак» — Русланбек Давлетов
Адлия вазири сешанба кунги анжуманда Ўзбекистонга жуда катта давлат аппарати тўғри келмаслиги, унга кетадиган харажатлар жуда кўплигини таъкидлади. «Ҳукумат ихчам бўлиши керак», — деди Русланбек Давлетов. У шунингдек, фуқаролар бирор ташкилот хулосаси учун вилоятдан Тошкентга қатнашига тўғри келишини ҳам танқид остига олди.
Жамият очиқлик орқали мансабдорларни тарбиялайди — Адлия вазири
Русланбек Давлетов жамият очиқлик сиёсати орқали мансабдорларни тарбиялашини таъкидлади. «Агар амалдорнинг битта қадами бировга ёқмайдиган қадам бўлса, албатта яширишга ҳаракат қилади, кўп ҳолатларда шунақа», — деди у. Вазирнинг фикрича, очиқлик «қайсидир вазирлик учун қийин бўлиши мумкин, лекин жамият учун яхши».
«Кўп ҳолатларда хусусий сектор давлатга қараганда яхши ишлайди» — Русланбек Давлетов
Адлия вазири сешанба куни ўтказилган анжуманда давлатнинг айрим функцияларини хусусий секторга беришнинг аҳамиятига тўхталиб ўтди. «Кўп ҳолатларда хусусий сектор давлатга қараганда яхши ишлайди», — деди Русланбек Давлетов. Унинг фикрича, бунинг учун тартибга солиш механизмлари ва қонунлар бўлиши керак. Шунингдек, вазир Ўзбекистондаги қамоқхоналар хусусий секторга ўтказилмаслигини таъкидлади.
«Ҳаракатлар стратегиясини рўёбга чиқариш учун 311 та қонун қабул қилинди» — Русланбек Давлетов
Адлия вазири Русланбек Давлетов Ҳаракатлар стратегиясини амалга ошириш учун 5 йилда 114 трлн сўм ва қарийб 31 млрд АҚШ доллари йўналтирилганини маълум қилди. «Ҳаракатлар стратегиясини рўёбга чиқариш учун 311 та қонун, 2000 га яқин Ўзбекистон президентининг фармон ва қарорлари қабул қилинди» — деди у.
Русланбек Давлетов — ҳукуматга ишонч ва вакцинация даражаси ўртасидаги боғлиқлик ҳақида
Адлия вазири Русланбек Давлетов жамиятнинг ҳукуматга бўлган ишончи ва вакцинация даражаси ўртасидаги боғлиқликка тўхталди. «Қаерда, қайси мамлакатда давлатга халқнинг ишончи юқори бўлса, вакцинация даражаси шунча юқори бўляпти», — деди вазир. У «снос» масаласи халқнинг давлат органларига ишончига таъсир кўрсатганини эсга олди.
Иш берувчи эмлашдан бош тортганни ишдан четлаштириши мумкин, ишдан бўшатиши эмас — адлия вазири
«Агарда фуқаро вакцина олишни рад қиладиган бўлса, ҳеч ким унинг қўл-оёғини боғлаб, тиббий муассасага олиб бориб вакцина қилмайди», — деди адлия вазири Русланбек Давлетов. Унинг таъкидлашича, фуқаро рад қилса, ҳуқуқий оқибатлари бўйича масъулиятни ўз зиммасига олиши керак бўлади. У иш берувчи эса эмланишни хоҳламаган ходимини маълум муддат ишдан четлаштириш ва ўша давр учун иш ҳақи тўламаслиги мумкинлигини айтиб ўтди.
Адлия вазири жамоат жойларида «ибодат либоси» тақиқи бекор қилинганига изоҳ берди
«Бир неча йил олдин ишчи гуруҳ «ибодат либоси» тушунчасини аниқлашга уринди, аммо гуруҳ бу борада «боши берк кўчага кириб қолди», деди Адлия вазири Русланбек Давлетов. Унинг сўзларига кўра, ушбу концепциянинг таърифи билан боғлиқ муаммолар туфайли, ҳатто оддий вазиятларда ҳам одамлар жавобгарликка тортилган, аммо «энди бу амалиёт тўхтатилди».
Давлат хизматчисининг хорижда кўчмас мулки бўлса, январгача уни йўқотиши керак — адлия вазири
Адлия вазири Русланбек Давлетов давлат хизматчиларининг хорижда мол-мулкка эга бўлиши 1 январдан тақиқланишини эслатиб, бунда ушбу давргача давлат хизматида бўлган пайтда орттирилган мулк ҳам инобатга олинишини таъкидлади. «Агар бўлса, январгача йўқотиш керак унақа мулкини. Мерос бўлиб қоладиган бўлса ҳам, у меросни сотиб ёки хадя бўладиган бўлса, уни ҳам ўзидан бегоналаштириши керак», — деди у.
Адлия вазирлиги Тадбиркорлик кодексини ишлаб чиқмоқда
Адлия вазирлиги тадбиркорлар учун ягона ҳуқуқий манба — Тадбиркорлик кодексини ишлаб чиқмоқда. Адлия вазири Русланбек Давлетовнинг сўзларига кўра, ҳужжатнинг қабул қилиниши қонун ҳужжатларини меъёрлаштириш ва давлатнинг тадбиркорлик соҳасига аралашувини қисқартиришга хизмат қилади.
«Қоидабузарликни тўхтатиш учун виждонимни сотишга ҳам тайёрман». Адлия вазири — ЙТҲларни суратга олиш ҳақида
Адлия вазири йўл ҳаракати қоидаларини бузаётганларни суратга олганларни рағбатлантириш тизими ҳақида: «Агар жамоат жойида одам ноқонуний хатти-ҳаракат билан шуғулланаётган бўлса, [қоидабузарликни тўхтатиш учун] керак бўлса, виждонимни сотишга ҳам тайёрман», — дея тушунтирди. У ҳуқуқбузарликлар ҳақида хабар бераётганларни ҳароқат қилмасликка чақирди ва ҳозиргидек тинч замонда йилига минглаб одамлар йўлларда ўлиб кетаётганини эслатиб ўтди.
«Мурод Назаровнинг билдирган фикрлари хақиқий ҳолатга тўғри келмайди» — Tashkent city дирекцияси
Мурод Назаровнинг «Tashkent city» ишбилармонлик марказидаги қурилишлар тасдиқдан ўтмагани, ҳаттоки Hilton меҳмонхонаси ҳужжатлари ҳам энди тайёрланаётганини айтган эди. Бунга «Tashkent city» дирекцияси муносабат билдириб, «Мурод Назаровнинг фикрлари хақиқий ҳолатга тўғри келмаслиги ва асоссиз"лигини айтди. Мазкур ҳолатга Адлия вазири Русланбек Давлетов ҳам изоҳ берди.
Ҳар хил ўйин бўлиб кетмаслиги учун ер бўйича фармон жамоатчилик муҳокамасига қўйилмади — адлия вазири
Адлия вазири Русланбек Давлетов ер муносабатларини тартибга солишга оид президент фармони нима сабабдан жамоатчилик муҳокамасига қўйилмаганини изоҳлади. «Ҳар хил ўйин бўлиб кетмаслиги, бутун давлат миқёсида ерлар талон-торож қилинмаслиги учун мана шунақа ёндошув қилинди», — деди у. Вазирнинг сўзларига кўра, энди ҳокимлар ер ажратиш бўйича қарор қабул қила олмайди. Фақат вилоят ҳокимларида қишлоқ хўжалиги ерларини ажратишга оид ваколат қолган.
«Нимага ер берилмаслиги керак?». Русланбек Давлетов инвесторларга ер майдонлари ижарага берилиши ҳақида
Президентнинг ер муносабатларини тартибга солишга оид фармонига кўра хорижий инвесторларга ер майдонлари ижарага берилиши ҳақидаги муҳокамаларга адлия вазири Русланбек Давлетов муносабат билдирди. «Нимага ер берилмаслиги керак?», — деди у. Қолаверса, вазир чет элликларга фақат ноқишлоқ майдонлардан ер берилиши кўзда тутилганини қайд этди. Бироқ, у айтган тартиб фармонда мавжуд эмас.
Қонун ишлаб чиқишда парламентга ресурс етишмайди — адлия вазири
Адлия вазири Русланбек Давлетов қонун лойиҳасини ишлаб чиқиш жараёнида ижро ҳокимиятининг фаоллиги тизимнинг ресурларига боғлиқлигини таъкидлади. Вазирнинг айтишича, депутатларда бундай ресурс йўқлиги учун улар қийналади. «Депутатларда ҳар доим ҳам соҳа бўйича таҳлил бўлмайди. Депутатнинг ёрдамчиси ҳам йўқ», — дейди у.
«Янги йил бўлса ҳамма совға ташишни бошлайди. Қашқадарёдан тандир, Хоразмдан гуруч келади» — адлия вазири
«Янги йил бўлса ҳамма совға ташишни бошлайди. Қашқадарёдан тандир келади, Хоразмдан гуруч келади», — деди адлия вазири Русланбек Давлетов. Унинг фикрича, бунинг олдини олиш учун «ҳукумат ўз амалдорларини тўғри тарбиялай олиши керак».
Ўзбекистонда митинглар ўтказиш СССР қонунлари билан тартибга солинмайди — адлия вазири
Адлия вазири Русланбек Давлетов Ўзбекистонда йиғилишлар, митинглар, кўча юришлари ва намойишларни ташкил этиш СССР Олий Кенгаши Президиуми фармони билан тартибга солиниши ҳақидаги маълумотларни рад этди. Шунга қарамасдан у бу борада қонунбузарлик учун маъмурий ва жиноий жавобгарлик мавжуд бўлса-да, митингларни ташкил этиш тартиби белгиланмаганини тан олди.
«Машинани ишончнома орқали бошқариш келажакда тарихга айланиши керак» — Адлия вазири
Адлия вазири Русланбек Давлетов онлайн мулоқот ўтказиб, фуқароларнинг саволларига жавоб берди. Онлайн мулоқотда адлия вазири ишончнома орқали автомобиль бошқариш каби муаммолар тўғрисида гапираётиб, «ишончнома каби ҳужжатлар, ўйлаймизки, келажакда тарихга айланади» дея айтиб ўтди. Илк бора ташкил этилган ушбу мулоқотга фуқаролардан 1500 га яқин савол келиб тушган.
Энг кўп ўқилган хабарлар | Сўнгги янгиликлар
- Самарқандда 15 ёшли қиз она бўлгани юзасидан жиноят иши қўзғатилди
- Ўзбекистон вилоятларида кучли ёмғир ёғиб, тошқинлар юз берди — видео
- Ўзбекча YouTube — 2024 йил апрелида: «Активист» тугади, «Субъектив» кетди, «Лолазор» қайтди ва кимдир «Соққа» қилишни бошлади
- 3 йилдан бери ошмаганди — Мактабгача таълим агентлиги боғча тўлови ошгани ҳақида
- Россия Харьков вилоятига янги ҳужум бошлади. Нималар маълум?
Қўшимча имкониятларга эга булиш учун сайтда рўйхатдан ўтинг