Президент Шавкат Мирзиёев инаугурацияга бағишланган маросимда Конституцияни такомиллаштириш масаласини кўриб чиқишга эътибор қаратди. «Туб бурилиш даврида кўпгина давлатларда конституциявий ислоҳотлар амалга оширилганини кўрамиз», — деди у.
Октябрда президентликка қайта сайланган Шавкат Мирзиёев Ўзбекистон президенти сифатида қасамёд қилди ва яна давлат раҳбари лавозимини бажаришга киришди.
Президент фарзанд асраб олиш тартибларини соддалаштиришга қаратилган қонунни имзолади. Унга кўра, ҳаётга, соғлиққа қарши, гиёҳвандлик ва бошқа жиноятларни қасддан содир этганлар бола асраб олиши мумкин эмас деб белгиланмоқда. Унча оғир бўлмаган жиноятни содир этган ва жазо муддатини ўтаганларга эса фарзанд асраб олишга рухсат берилади. Қолаверса, фарзандликка олувчи ва олинувчи ёшидаги фарқ 15 ёшдан кам бўлмаслиги шарт.
Депутат ёрдамчиси институтини жорий этишга оид қонун қабул қилинди. Ёрдамчи депутатнинг вакили сифатида сайлов округида доимий фаолият юритади ва судланмаган бўлиши лозим. У депутат ва сайловчи ўртасидаги мунтазам алоқани яхшилашга кўмаклашади.
Солиқ кодексига қўшимча ва ўзгартишлар киритишга оид қонун президент томонидан имзоланди. Унга мувофиқ, энди тадбиркорлар айланмадан олинадиган солиқни бўлиб-бўлиб тўлаши мумкин. Қолаверса, ОТМлар қаторида касб-ҳунар мактаблари, коллежлар, техникумларда таълим олиш учун йўналтирилган даромадлар солиққа тортилмайди.
Президент Шавкат Мирзиёев пойтахтда амалга оширилаётган қурилиш лойиҳалари билан танишди. Республика онкология ва радиология тиббиёт марказининг 10 қаватли, 650 стационар ва 100 амбулатор ўринга эга бино лойиҳаси тақдим этилди. Шунингдек, «Янги Ўзбекистон» университетининг ўқув кампуси ва Алишер Навоий номидаги Ўзбекистон Миллий боғи ҳудудидаги янги кутубхона лойиҳаси кўриб чиқилди.
Бугун президент ҳузурида қатор объектлар қурилишига бағишланган тақдимот бўлиб ўтади. Эртага Шавкат Мирзиёев видеоалоқа орқали БМТ Бош Ассамблеясининг 76-сессияси тантанали очилишида иштирок этади ва нутқ сўзлайди.
Шавкат Мирзиёев ўз сайловолди дастурида дарахтларни кесишга муддатсиз мораторий жорий қилиниши ҳақида маълум қилди. ЎзЛиДеП номзоди парклар ва яшил зоналар ҳудудини бошқа мақсадлар учун ишлатиш қатъиян тақиқланашини қайд этди. Ҳар йили камида 200 млн туп дарахт кўчатлари экилиши таъкидланди.
Шавкат Мирзиёев келгуси беш йилда аҳоли жон бошига ялпи ички маҳсулотни 1,6 баробар ошириш вазифаси олдинда турганлигини таъкидлади. Шунингдек, президент 2023 йил охиригача инфляция даражаси 5 фоизга туширилишини айтиб ўтди.
Президент Шавкат Мирзиёев сайловолди дастурида 2026 йил охиригача камбағалликни 2 баробар қисқартиришини таъкидлади. ЎзЛиДеП номзоди 2023 йилдан ҚҚС 12 фоизга, мол-мулк солиғи ставкаси 1,5%га туширилишини ҳам қайд этди. Тадбиркорларни қўллаб-қувватлаш учун яна қатор режалар эълон қилинди.
Шавкат Мирзиёев 2026 йилга бориб Ўзбекистон аҳолиси сони 38 млн дан ошиши кутилаётганини маълум қилди. Президент бундай демографик ўсиш мамлакат учун ҳам имконият, ҳам жуда катта масъулият эканлигини таъкидлади.
2016 йил 8 сентябрь куни Ўзбекистон парламенти палаталарининг қўшма мажлисида мамлакатнинг ўша вақтдаги бош вазири Шавкат Мирзиёевга Ўзбекистон президенти вазифа ва ваколатлари вақтинча юклатилди. Мажлисда ўша вақтдаги Сенат раиси Ниғматилла Йўлдошев раҳбарлик лавозимларида етарли тажрибага эга эмаслиги сабабли президентликни бажаришни унга юкламасликларини сўраган эди. Собиқ молия вазири эса Шавкат Мирзиёевни Ислом Каримовнинг «содиқ шогирди ва сиёсий фарзанди» дея таърифлаган эди.
Яқин 5 йилда Ўзбекистон иқтисодий ўсишни 1,5 баробарга оширишни ва ЯИМни камида 100 млрд долларга етказишни режалаштирмоқда, деди президент. Шу муносабат билан, электр таъминоти учун 6,5 млрд долларлик 19 та лойиҳа бўйича қўшимча қувватлар жорий этиладиган минглаб саноат корхоналарини ишга тушириш режалаштирилган.
Президент Шавкат Мирзиёев Навоий вилоятига жўнаб кетди. Давлат раҳбари у ерда қуёш фотоэлектр станцияси ва кимё саноати корхоналарининг ишга тушириш тадбирларида иштирок этиб, аҳоли билан мулоқот қилади.
Ўзбекистон президенти Шавкат Мирзиёев Покистон ташқи ишлар вазири Маҳмуд Қурайшийни қабул қилди. Учрашувда Афғонистондаги вазият ривожига алоҳида эътибор қаратилди.
Шавкат Мирзиёев 20 август куни тадбиркорлар билан очиқ мулоқот ўтказди. Унда кредитлар энди фақат сўмда берилиши, микромолия ташкилотлари учун енгилликлар, бизнес учун солиқ юкини камайтириш, ер сотиш ва хусусийлаштириш, инфратузилма яратиш, экспортёрларни қўллаб-қувватлаш, транспорт-логистика тизимини ривожлантириш ва тадбиркорликка оид тартибларни соддалаштириш йўналишларида қатор янгиликлар эълон қилинди. «Газета.uz» ушбу учрашувда таъкидланган барча муҳим ўзгаришларни тақдим этади.
Шавкат Мирзиёев тадбиркорлар билан учрашувни ҳар йили ўтказиш кераклигини таъкидлаб, 20 августни мамлакатда «Тадбиркорлар куни» деб эълон қилишни таклиф қилди.
Президент Шавкат Мирзиёев мамлакатда янги иш ўринларини яратиш, экспорт салоҳиятини ошириш ва бюджет барқарорлигини таъминлаш йўлида ҳисса қўшаётган 100 нафар тадбиркорга миннатдорчилик билдирди.
Президент Шавкат Мирзиёев кўплаб одамларнинг бандлиги ва даромади тадбиркорликнинг қандай қўллаб-қувватланишига боғлиқ эканлигини таъкидлади. «Агар биз тадбиркорларни қўллаб-қувватламасак, уларга шароит яратиб бермасак, шаҳар ва туманларнинг маҳаллий бюджети ночор аҳволда қолаверади», — деди у.
Президент имзолаган янги таҳрирдаги «Судлар тўғрисида» ги қонун билан судьялик лавозимига номзодларга қўйиладиган талаблар кучайтирилмоқда. Ҳужжатда шунингдек, судьяларнинг интизомий жавобгарлиги ва уларнинг ижтимоий ҳимояси батафсил акс эттирилган.
Қўшимча имкониятларга эга булиш учун сайтда рўйхатдан ўтинг