«президент» тегли мақолалар
Ўзбекистон ва Жанубий Корея президентлари онлайн-саммит ўтказди
Ўзбекистон ва Корея Республикаси президентлари онлайн-саммит якунлари бўйича рақамлаштириш соҳасидаги ҳамкорлик тўғрисида меморандум, EDCF билан ҳамкорлик бўйича 1 млрд долларлик дастурни амалга ошириш бўйича битим ва бошқа ҳужжатларни имзоладилар.
Президент туманларга коррупция бўйича «ташхис қўйишни» буюрди
Шавкат Мирзиёев бош прокурор Ниғматилла Йўлдошевга туманлар бўйлаб коррупция сабабларини ўрганишни буюрди. «Сувга, светга шунча қарз олинди. Ҳамма жойда ўғирлик. Мактаб, коллежлар қурилишида ҳам. Ҳамма жойда коррупция», — таъкидлади давлат раҳбари.
«Кераксиз мажлис ўтказадиганлар ишдан ҳайдалади» — президент
«Кераксиз мажлисларни ўтказишни тугатиш керак» — деди президент видеоселектор йиғилишида. Давлат раҳбари 40 дақиқадан кўпроқ йиғилиш ўтказадиган давлат органлари раҳбарлари ишдан кетишини айтди.
Ёшлар орасида расмий ишсизлик 17 фоиз — президент
Президент Шавкат Мирзиёев 18 миллион кишидан ортиқ бўлган 18−30 ёшлилар орасида расмий ишсизлик 17 фоиз ёки 844 минг нафарни ташкил этишини маълум қилди. Ёшлар муаммоларини ҳал этиш учун ҳудудларда сектор раҳбарлари масъул бўлади. 2021 йилда 500 минг нафар ёшлар касб-ҳунар ва тадбиркорликка ўқитилади.
Президент ўз ихтиёрига кўра маҳкумни ёки жазони ўтаб бўлган шахсни афв этиши мумкин бўлади
26 январь куни имзоланган фармон билан президентга ўз ташаббуси билан исталган маҳкумни ёки жазони ўтаб бўлган шахсни афв этиш ҳуқуқи берилди. Бунда афв этилаётган шахснинг илтимосномаси бўлиши талаб этилмайди.
«Бухоро бошқа вилоятлардан 10 йил орқада қоляпти» — президент
Шавкат Мирзиёев Бухородаги ташрифи доирасида вилоятнинг ижтимоий-иқтисодий соҳаларини ривожлантириш бўйича топшириқлар берди. «Бухоронинг бугунги ривожи маъқулми, деган саволга менинг жавобим: йўқ. Коррупция, порахўрлик барҳам топмаяпти», — деди давлат раҳбари. Президент муаммоларни бартараф этишда маҳалланинг роли оширилишига тўхталди.
Президент маданий фаолиятга оид қонунни имзолади
Давлат раҳбари маданий фаолият ва маданият ташкилотларига оид қонунга имзо чекди. Ушбу ҳужжат 29 йил деганда биринчи маротаба қабул қилинмоқда. Қонун билан маданият муассаса ва ташкилотларига «Миллий» ёки «Академик» мақоми Ҳукумат тақдимномасига биноан президент томонидан берилиши белгиланмоқда.
Шавкат Мирзиёев АҚШ президенти Жо Байденни табриклади
Президент Шавкат Мирзиёев АҚШнинг янги президенти Жо Байденни давлат раҳбари лавозимига киришгани билан табриклади.
Президентга ажрашишни чеклаш ва телецензура таклиф этилди. У бу билан муаммо ечилмаслигини айтди
Юнусобод туманидаги маҳалла раисининг биринчи ўринбосари президент билан учрашувда никоҳдан кейин 2−3 йил муддатга ажрашишларни тақиқлашни ва телевидениега цензура қўйишни таклиф этди. У «ўзбек менталитетига умуман тўғри келмайдиган» деб ҳисоблайдиган Yor-Yor дастурини мисол қилиб келтирди. Шавкат Мирзиёев чеклаш ва тақиқ қўйиш билан муаммо ҳал бўлмаслигини айтди.
Хорижий давлатларда ўқиб келган ёшлар у ердаги тажрибани тез ва шошилинч амалга оширмоқчи бўлади — президент
Шавкат Мирзиёев хорижда таълим олган ёшларни катта лавозимларга тайинлаганда уларда шошиб қолиш ҳолатлари кузатилаётганини таъқидлади. Давлат раҳбари бундай ёшларга миллий тарих ва қадриятларнинг ўрни ҳақида айтиб ўтди.
Мен Абдуқодир Тошқуловни синаб кўрдим — президент янги олий таълим вазири ҳақида
Президент яқинда тайинланган олий таълим вазири Абдуқодир Тошқуловга кўп вазифалар берганлигини таъкидлади. «Агар унга қандайдир ректор ёқмаса, у ректор кетади. Мен унга катта вазифалар юкладим. У ухламай ишлайди», — деди давлат раҳбари. Шавкат Мирзиёев ректорлар дарс бермаслигини танқид қилиб, дарс бермаган тақдирда тарбия ва маданият масалалари билан шуғулланиш лозимлигини таъкидлади.
Президент Жаҳонгир Ортиқхўжаевга «бошқаларга адвокатлик қилмасликни» буюрди
Шавкат Мирзиёев Тошкентнинг Чилонзор тумани ҳокими Сарвар Махаметовни лавозимидан озод этиш нияти бўлганлигини маълум қилди, аммо у «уч ой ичида топшириқни бажара олишини» айтган. Президент, шунингдек, пойтахт ҳокими Жаҳонгир Ортиқхўжаевга «бошқаларга адвокатлик қилмасликни» буюрди.
«Юнусободга янги куч келади» — президент янги ҳоким ҳақида
Шавкат Мирзиёев ҳоким Жаҳонгир Иброҳимовнинг Юнусобод туманига «янги куч» сифатида келганини айтди. «Ҳоким „раскладушка“ билан келди районга. У ҳокимиятда ётмайди, балки сектор маҳалласида бориб ётади», — деди президент. У бир ой ичида прокурор, Давлат солиқ инспекцияси ва Ички ишлар бошқармаси раҳбарларининг тақдири ҳал бўлишини маълум қилди.
Шавкат Мирзиёев Жиззах вилоятидаги ҳарбий қисмга ташриф буюрди
Президент Шавкат Мирзиёев Жиззах вилоятига ташрифини Марказий ҳарбий округнинг артиллерия бригадасини бориб кўриш билан бошлади. Давлат раҳбари мутасаддиларга бугун дунёда кузатилаётган хавф-хатарлардан келиб чиқиб, жанговар тайёргарликни янги поғонага кўтариш, хориж тажрибасини ўрганиш, энг илғор ахборот технологияларини ўзлаштириш бўйича кўрсатмалар берди.
Президент қисқа муддатли таътилга чиқди
Ўзбекистон президенти Шавкат Мирзиёев 4 январдан қисқа муддатли меҳнат таътилига чиқди.
Президентнинг расмий веб-сайти янги форматда ишга туширилди
Ўзбекистон президентининг расмий веб-сайти янги форматда ишга туширилди. Унда президент администрациясининг раҳбарияти таркиби билан танишиш мумкин.
Шавкат Мирзиёев ёшлар билан учрашди
Президент Шавкат Мирзиёев биринчи марта ўтказилаётган Ўзбекистон ёшлари форумига ташриф буюриб, нутқ сўзлади. Давлат раҳбари ўз нутқида Учинчи Ренессанс, ёш волонтёрлар фаолияти, ёшлар билан ишлаш бўйича Тошкент тажрибаси, «Ёшлар: 1+1» дастури, Ёшлар кичик саноат зоналари, «Ёшлар мурожаати» электрон платформаси, тадбиркорликка ўқиган ёшларга 4 фоизлик кредитлар, ёш оилаларни уй-жой билан таъминлаш ва бошқа мавзуларга тўхталди.
Президент байрам олдидан нархлар қимматлашувининг олдини олишни буюрди
Президент Шавкат Мирзиёев байрамдан олдин гўшт, шакар, гуруч, ўсимлик ёғи нархини оширишга йўл қўймасликни буюрди. Бош вазирга ушбу маҳсулотлар захирасини тўлдириш топшириғи берилди.
Президент газ экспортини қисқартириб, аҳоли эҳтиёжларини қондиришга йўналтиришни буюрди
Бугунги кунда газ таъминотида суткасига 20 миллион метр куб танқислик мавжуд, дея таъкидлади президент. Шавкат Мирзиёев газ экспортини қисқартириш бўйича топшириқ бериб, бунинг ҳисобига, кунига 7−8 миллион метр куб газ қўшимча равишда аҳоли эҳтиёжи учун йўналтирилишини айтди.
«Президент бир йилда бир келиб, кўриб кетгани билан натижа бўлиб қолмайди» — Шавкат Мирзиёев
Президент Урганч шаҳридаги йиғилишда ҳар бир ҳоким, иқтисодий комплекс раҳбарлари ҳудуддаги муаммолар бўйича тизимли ишлаши кераклигини таъкидлади. «Президент бир йилда бир келиб, кўриб кетгани билан натижа бўлиб қолмайди», деди у. Шавкат Мирзиёев «маҳалла раиси — ислоҳотчи» тамойили асосида ижтимоий муаммоларни ҳал қилиш бўйича янги тизим жорий этилишини таъкидлади.
Энг кўп ўқилган хабарлар | Сўнгги янгиликлар
- Қозоғистонда Россия қонунчилигини бузган Ўзбекистон фуқароларини ҳибсга олиш бошланди
- Дам олиш кунлари Тошкентда қаерларга бориш мумкин? (18−19 май)
- Малайзия бош вазири Ўзбекистонга келди (фото)
- Фарғонада қўрқитиб қўйиш учун ёш болани машина юкхонасига қамаб қўйган шахсга жиноят иши қўзғатилди
- Украина Россиянинг Харьков вилоятидаги ҳужумини барқарорлаштиришга муваффақ бўлди
Қўшимча имкониятларга эга булиш учун сайтда рўйхатдан ўтинг