Шавкат Мирзиёев БМТ сессиясида нутқ сўзлайди. Бу ҳақда президент матбуот котиби Шерзод Асадов хабар берди.
Қайд этилишича, бугун президент ҳузурида қатор объектлар қурилишига бағишланган тақдимот бўлиб ўтади. Янги онкология маркази, Миллий кутубхона ва «Янги Ўзбекистон» университети бинолари лойиҳалари шулар жумласидан.
Эртага Шавкат Мирзиёев видеоалоқа орқали БМТ Бош Ассамблеясининг 76-сессияси тантанали очилишида иштирок этади. Президент сессиянинг биринчи кунида умумсиёсий мунозараларда нутқ сўзлайди.
