«наманган вилояти» тегли мақолалар
Намангандаги мактабда ўқувчилар ўқитувчига куч ишлатди
Косонсой туманидаги мактабда ўқитувчи ва ўқувчи ўртасида жанжал юзага келди. Видеодан бошқа бир ўқувчи устозининг бошига гултувак отганини ҳам кўриш мумкин. ХТВ жанжал ўзаро келишмовчилик оқибатида юзага келганини маълум қилди. Ўқувчининг онасига маъмурий баённома расмийлаштирилди.
Чортоқ тиббиёт бирлашмаси бошлиғи туғруқхонада жой етишмовчилиги сабаб ишдан олинди
Тармоқларда Наманганнинг Чортоқ туманидаги туғруқхоналардан бирида 10 дан ортиқ аёл бир бўлимда (аслида 3 нафардан кўп бўлиши мумкин эмас) чақалоғи билан ётгани акс этган видео тарқалди. Натижада ССВ мазкур ҳолатга ўз вақтида чора кўрмаган тиббиёт бирлашмаси раҳбарини ишдан бўшатди.
Наманганда тракторга урилган Cobalt ичидаги икки киши ҳалок бўлди, уч киши жароҳат олди
Наманган вилоятида Cobalt автомашинаси ва пахта ташувчи тракторнинг тўқнашуви оқибатида икки киши ҳалок бўлди, уч киши касалхонага ётқизилди. Трактор ҳайдовчилари ўртасида тунги вақтда ёритиш чироқлари ва нур қайтаргичлар соз ҳолда ҳаракатланиш бўйича суҳбатлар ўтказилмоқда, дейилган ЙҲХБ хабарида.
Наманганда эр-хотин тарвуздан заҳарланиш оқибатида вафот этди
Норин туманида катта ёшли эр-хотин тахминан тарвуздан заҳарланиш оқибатида оламдан ўтди. Уларнинг икки қизи ва икки набираси шифохонага ётқизилди.
Наманганлик эркак онлайн қиморда ютқазгани учун ўзини осиб қўйгани айтилмоқда
Норин туманида яшовчи 33 ёшли фуқаро ўз уйида осилган ҳолда топилди. Унинг онлайн қимор ўйинларидаги ютқазавериши оиласида келишмовчиликларни келтириб чиқаргани ва шу сабабли ўз жонига қасд қилган бўлиши мумкинлиги айтилмоқда.
Намангандаги «Ертикон» сув омбори остидан сув сизиб чиқаётганлиги аниқланди
ФВВ Намангандаги «Ертикон» сув омбори остидан сув сизиб чиқаётганини тасдиқлади. Таъкидланишича, 13 июндан бери дамбанинг иккита жойидан сониясига 5−10 литр сув оқиб чиқмоқда. Шунга қарамасдан аҳоли ва тўғонга хавф йўқлиги айтилмоқда. Омбор олдида тун-у кун кузатув пости ташкил этилди.
Наманганда ақидапарастлик ғояларини тарғиб қилган шахс 4 йилга қамалди
Наманганлик 22 ёшли фуқаро Telegram тармоғи орқали ақидапарастлик ғояларини тарғиб қилишда гумонланади ва ҳуқуқ-тартибот идоралари унинг телефонини текшириш учун олиб қўяди. Бундан хавфсираган айбланувчи Фарғона орқали Қирғизистонга қочиб кетишга уринганида ушланди. У воқеа қандай бўлгани ва кимдан маслаҳат олиб турганини сўзлаб берди. Суд унга 4 йил муддатга озодликдан маҳрум қилиш жазосини тайинлади.
Наманганда томорқасида кўкнори етиштираётган фуқаро аниқланди
Наманган вилоятининг Норин туманида ўз томорқасида 57 туп кўкнори етиштираётган фуқаро аниқланди.
Чуст тумани ҳокими ёрдамчиси ер ажратиб бериш эвазига $15 минг талаб қилганлиги айтилмоқда
Наманган вилояти Чуст тумани ҳокимининг чегара масалалари бўйича ёрдамчиси ва яна бир қанча шахслар фуқарога 5,3 гектар ерни ажратиб бериш эвазига 15 минг доллар талаб қилганликда гумонланмоқда. Улар ушбу пулдан 1500 доллар ва 5,6 млн сўмини олганида қўлга тушган.
Шуҳрат Ғаниевнинг ёпиқ баённомаси кластер ва фермерларда саволларни туғдирмоқда
Наманган вилоятининг Норин туманида маҳаллий ҳокимият Iftihor Kiyim Sanoat кластерини бошқа бир кластер — Uztex Uchkurgan билан уч йилдан буён ишлаб келаётган фермер хўжаликларига бириктирмоқчи бўлмоқда. Кластерларни ўзгартириш бош вазир ўринбосари Шуҳрат Ғаниев томонидан имзоланган йиғилиш ёпиқ баённомасида кўзда тутилган. Uztex 2022 йил учун фермерлар билан тузилган шартномаларнинг бир қисмини молиялаштиргани, бироқ вилоят ҳокими ён беришни истамаганини маълум қилди. Фермерларнинг айтишича, улар жорий кластердан мамнун. Iftihor Kiyim Sanoat эса «бу ерларни сўрамаганликларини» билдирди.
Ўзбекистонда антирадар аниқлай олмайдиган «ақлли» қурилмалардан фойдаланиш бошланди
Наманган вилоятида антирадарлар аниқлай олмайдиган лазер тизимига эга «ақлли» қурилмалар ўрнатилмоқда. Туркия компанияси вилоятда «ақлли радар системаларини» ишлаб чиқариш учун 10 млн долларлик инвестиция киритди.
Наманган вилоятига янги прокурор тайинланди
Бухоро вилояти прокурорининг биринчи ўринбосари Бектош Сайипов Наманган вилояти прокурори этиб тайинланди.
Шавкат Раҳмонов Наманган вилояти ИИБга бошлиқ этиб тайинланди
Самарқанд вилояти ИИБ бошлиғи лавозимида хизмат қилган Шавкат Раҳмонов Наманган вилояти ИИБ бошлиғи этиб тайинланди. У мазкур лавозимда Адил Атаходжаевнинг ўрнини эгаллади.
Наманганда собиқ участкавойга 7 та модда бўйича айблов эълон қилинди
Наманганда суд ИИБ раҳбариятининг ноқонуний хатти-ҳаракатлари ҳақида маълум қилган собиқ профилактика инспектори Сардорбек Отабоевга нисбатан жиноят ишини кўриб чиқишни бошлади. У Жиноят кодексининг 7 моддаси, жумладан, фирибгарлик, мансаб ваколатини суиистеъмол қилиш ва бошқалар бўйича айбланмоқда. Судланувчи айбловларни рад этмоқда.
Наманганда одамлар тўплангани акс этган видео Янги йил байрамида олинган — ИИБ
Наманган вилояти ИИБ йўл бўйлаб ўнлаб одамларнинг югуриб кетаётгани акс этган видео Янги йил оқшомида тасвирга олингани, йўлни ҳеч ким тўсиб қўймагани, намойишлар бўлмаганини маълум қилди.
Туманли об-ҳаво Ўзбекистондаги иккита аэропорт фаолиятини чеклади
Наманган ва Андижон аэропортлари қуюқ туман тушиши туфайли рейсларни қабул қилмаяпти, кўриш масофаси 50 метрга яқинни ташкил этмоқда. Рейслар эса энг яқин захира аэродромларга йўналтирилмоқда.
Буюк Британия компанияси Наманганда 90 млн долларга канализация тизимини қуради
Буюк Британиянинг Metito Utilities Limited компанияси Наманган шаҳрида оқова сувларни тозалаш иншоотларини қуриш бўйича тендерда ғолиб чиқди. Лойиҳа қиймати 90 млн долларга баҳоланмоқда. Объектдан эркин фойдаланиш учун давлат йилига 9 млн доллар тўлайди.
Қибрайда қарийб 14 гектар ерни $3,4 млнга сотишга уринган шахслар қўлга олинди
Қибрай туманида қишлоқ хўжалиги маҳсулотларини етиштиришга мўлжалланган 13,7 гектар ер майдонини 3,4 млн долларга сотмоқчи бўлган шахслар ушланди. Ноқонуний равишда ер сотишга уринишлар Сирдарё, Наманган ва Самарқанд вилоятларида ҳам қайд этилди.
20 декабрь куни Ўзбекистонда содир бўлган энг муҳим хабарлар дайжести
Янги йил муносабати билан 5 кун дам оладиган ўзбекистонликлар, ижтимоий тармоқлар ҳақида фикр билдирган Жаҳонгир Ортиқхўжаев ва Русланбек Давлетов, 4 та автомобилга ариза қабул қилишни февралгача тўхтатган UzAuto Motors, кўчаларини сув босган Наманган, ҳокимга савол бермаслик ҳақида огоҳлантирилган жиззахлик депутатлар, PayPal тизими жорий этилишига умид билдирган Шерзод Шерматов ва бошқа хабарлар — «Газета.uz» нинг 20 декабрдаги энг муҳим хабарлари дайжестида.
Наманганда кучли ёғингарчилик оқибатида кўчаларни сув босди
Ижтимоий тармоқларда 20 декабрь куни Наманган кўчалари, хусусан «Лола» бозори ва НамДУ олдини сув босгани акс этган видеолар тарқалди.
Энг кўп ўқилган хабарлар | Сўнгги янгиликлар
- Тошкентда юқори тезликдаги Kia уриб юборган пиёда вафот этди
- Олмалиқда яшаш хонадонига кириб қолган эчкиэмар табиатга қўйиб юборилди (+видео)
- «Тайёр эмасмиз, бунга вақт керак». Олий таълим вазири — ректорларни сайлаш ҳақида
- Фото: Тошкентда илк бор мудофаа соҳасидаги инновацион технологиялар фестивали бўлиб ўтди
- Тошкентда 4 та автобуснинг ҳаракат йўналиши ўзгарди
Қўшимча имкониятларга эга булиш учун сайтда рўйхатдан ўтинг