Бош прокуратура ҳузуридаги Департаментнинг Наманган вилоят бошқармаси томонидан ўтказилган тезкор тадбирда фуқарога ер ажратиб беришга уринган Чуст тумани ҳокимининг ёрдамчиси ва унинг шериклари ушланди.
Маълум қилинишича, мазкур жиноятни Чуст тумани ҳокимининг чегара масалалари бўйича ёрдамчиси Ф.А., «R.N.» фермер хўжалиги раҳбари Р.А. ва бошқалар содир этганликда гумонланмоқда.
Улар хўжаликнинг «Какликқўрғон» МФЙ ҳудудидаги 5,3 гектар ер майдонини 15 000 АҚШ доллари эвазига фуқаро Н.га боғдорчилик ташкил этиш учун ажратиб беришни ваъда қилгани айтилмоқда.
«Олдиндан 1500 АҚШ доллари ва 5,6 млн сўмни фуқаролар И.И. ва К.Р. орқали олган вақтида ашёвий далиллар билан ушланган», — дейилади хабарда.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилди.
Ҳозирда тергов ҳаракатлари ўтказилмоқда.
