«мактаб» тегли мақолалар
Мактаб таълими қандай бўлиши ёки бўлмаслиги керак?
Жамият ва давлат тараққиёти, эртасининг қандай бўлиши сифатли таълимга боғлиқ. Ўттиз йилдан ошди — нега ҳамон ўзимиз истаган таълим тизимини ярата олмаймиз? Қачон ва қай тариқа мақсадга эришиш мумкин? «Газета.uz» жавобни таълим эксперти, масъул ходим ва ўқитувчидан эшитишга қарор қилди.
«Бола ўзини ўқита олади, унинг йўлини фақат сиз ва чекловларингиз тўсади». Дунё болалари муаллими Мария Монтессори ҳақида
Мария хонимни жамият ва педагогикадаги стереотипларни парчалаган аёл деб билишади. Унинг мактаби алоҳида мавзу. Габриэл Маркес, Билл Гейтс, Жефф Безос каби машҳурлар ҳам шундай даргоҳ таълимини олганлардан. Италиядаги илк дипломли шифокор аёлнинг ҳаёти ўзи ёзганидек — «ўта сокин, аммо шиддатли».
Тошкентдаги мактаблар ва уларнинг атрофи ички ишлар ходимлари томонидан қўриқланади
Тошкентдаги барча мактабларга ички ишлар ходимлари бириктирилади. Улар кун давомида муассаса ҳудуди ва унинг атрофидаги кўчаларда патруллик қилади. Пойтахт ИИББнинг қайд этишича, бу ота-оналарнинг бола ўғирлаш ҳақидаги миш-мишлар бўйича хавотирларига жавобан профилактик чора ҳисобланади.
Қорақалпоғистонда комиссия учун ходимлардан 20 минг сўмдан пул йиққан мактаб директори ишдан бўшатилди
Хўжайлидаги 21-мактаб директори ходимлардан комиссия учун 20 минг сўмдан йиққани сабабли ишдан бўшатилди. Маблағ баннерларни янгилаш мақсадида йиғилгани айтилмоқда, аммо ходимлар пул комиссияни овқатлантириш учун сарфланишини билдирди.
Мактабларда 100 мингта тўгарак ташкил этиш учун 79,5 млрд сўм ажратилади
Президент фармони билан мактабларда 100 мингта бепул тўгарак ташкил этилади. Бу учун давлат бюджетидан 79,5 млрд сўм ажратилган бўлиб, тўгараклар йўналишини аниқлаш бўйича ўқувчилар ва ота-оналар ўртасида сўровномалар ўтказилади.
Чирчиқ шаҳрида мактаб биносининг ташқи девори ёрилгани сабаб пойдевор чўкди
Тошкент вилоятининг Чирчиқ шаҳрида мактаб биносининг ташқи девори ёрилиб, ёмғир сувлари бино пойдеворининг бироз чўкишига сабаб бўлди. Қурилиш вазирлигининг маълум қилишича, ёриқлар таъмирланган. Пудратчига баҳорги таътилда бинони қайта тўлиқ таъмирлаш бўйича кўрсатма берилди.
Қишки таътил тугади: Қалин кийиниб — мактабга
Ўзбекистондаги 9 мингдан ортиқ мактабда энди ростдан таътил тугаб, дарслар бошланди. Болалар қалин кийиниб, мактабга йўл олишди. Кўплаб мактаблар яхши иситилган бўлса, айримлари совуқлигича қолмоқда. «Газета.uz» пойтахтдаги мактабларга бориб, синфхоналар ҳарорати ва ўқувчилар кайфиятини ўрганди.
Душанба куни Ўзбекистондаги ҳамма мактаблар ҳам очилмайди
Ўзбекистонда 23 январдан ваниҳоят мактабларда учинчи чорак бошланади. Бироқ иситиш билан боғлиқ муаммолар бўлган мактаблар ҳозирча дарсларни онлайн шаклда давом эттиради. Хусусан, Тошкент шаҳрида 57 та, Намангандаги 17 та мактабда ўқувчилар дарсларни масофадан бошлайди (рўйхат).
Синф хоналарида ҳарорат 16−21 даража илиқ бўлиши керак — СЭС
Таълим муассасаларининг ўқув хоналарида машғулотлар ўтказишда меҳнатни муҳофаза қилиш талабларига мувофиқ ҳаво ҳарорати енгил жисмоний ишда +21 даража, ўртача оғир ишда 17 ва оғир ишда 16 градусдан паст бўлмаслиги керак.
«Фарзандим синф бўйича дарсга борган ягона ўқувчи бўлибди». Тармоқдагилар мактаблар очилиши ҳақида нималар демоқда?
11 январь куни Ўзбекистондаги кўп мактабларда устозлар ўқувчилар келмагани туфайли, бўш синф хоналарига дарс ўтди. Бунга бир кун аввал ярим тунда чиққан мактабларда ўқиш бошланиши ҳақидаги хабарлар сабаб бўлди. «Газета.uz» тармоқдагилар бу ҳолатга билдирган муносабатларни бир материалга жамлади.
Э — эътибор. К — кетма-кетлик
Янги кун бошланишига 2 соатгина вақт қолганида Тошкент расмийлари аномал совуқ тушиши сабаб узайтирилган қишки таътил тугагани ва мактабларда ўқишлар бошланиши ҳақида хабар бера бошлади. Бош муҳаррир муносабати.
Ўзбекистоннинг 14 та ҳудудида янги дарсликлар тажриба асосида ўқитилади
Бошланғич синфлар учун ишлаб чиқилган янги дарсликлар 1 январдан 14 та ҳудудда тажриба асосида ўқитилади. «Кейинги босқичда 5−11-синфлар учун ҳам дарсликлар ишлаб чиқамиз. Ёшларга креатив соҳаларда дарс беришимиз керак. Фанларни ҳам, дарс соатларини ҳам кўриб чиқишимиз керак», — деди президент.
Тошкентда мактаб ўқувчиларининг оммавий муштлашгани юзасидан жиноят иши қўзғатилди
Тармоқларда мактаб ўқувчиларининг оммавий муштлашуви акс этган видео тарқалди. Тошкент шаҳар ИИББ ҳодиса Миробод туманидаги 125-мактабда содир бўлганини маълум қилди. Ҳолат юзасидан безорилик бўйича жиноий иш қўзғатилди.
Андижондаги мактаб стадиони ўрнида бино қурилиши тўхтатилди
Қурилиш вазирлиги Андижондаги 50-мактаб стадиони ўрнида бино қурилиши лойиҳага ўзбошимчалик билан ўзгартириш киритилгани учун тўхтатилганини маълум қилди. Вазирлик қурилиш бўйича барча зарур хулосалар олинганини қайд этди. Аввалроқ прокуратура ҳоким қарори қалбаки эканини маълум қилганди.
Андижондаги мактаб стадиони ўрнида қалбаки ҳужжат асосида бино қурилмоқда
Андижон шаҳридаги 50-мактаб стадиони ўрнида кўп қаватли турар-жой биноси қурилмоқда. Ёзда ҳибсга олинган шаҳар ҳокимининг ер ажратиш ҳақидаги тегишли қарори сохта бўлиб чиқди.
Андижонда ўқувчиларга вилоят ҳокими саволларига «шукроналик ҳисси билан жавоб бериш» буюрилди
Жалақудуқ туманидаги мактабда «Ҳоким ва ёшлар» учрашувида устозлардан ўқувчилари ҳоким саволларига «шукроналик ҳисси билан жавоб бериши» сўралган хабар тарқалди. ХТВ матбуот котиби ўқитувчилардан бундай нарсаларни талаб қилмасликни сўради. Туман ҳокимлиги эса бундай топшириқ берилмаганини айтди.
Қашқадарёдаги 48 та мактабда Финляндия таълим тизими жорий этилади
Қашқадарёдаги айрим мактабларда 2023−2024 ўқув йилидан бошлаб Финляндия таълим тизими жорий этилади. Президент бунинг учун бир ой муддатда 48 та мактабни танлаб олиш бўйича топшириқ берди.
Наманганда синф раҳбари 5 синф ўқувчисини хатти-ҳаракатлари сабаб калтаклади
Давлатобод туманидаги 58-мактабда «География» фани ўқитувчиси ўзи раҳбарлик қилаётган 5-«в» синфдаги ўқувчини хатти-ҳаракатларидан норози бўлиб, калтаклади. Ҳолат бўйича суд тиббий экспертизаси тайинланди. ХТВ матбуот котиби ўқитувчилардан ҳар қандай ҳолатда оғир ва вазминлик сақлашни сўради.
Нукус шаҳри ва бир қатор туманларда мактаб ўқувчиларини бепул овқат билан таъминлаш бошланди
11 октябрдан бошлаб Қорақалпоғистоннинг Тахиатош, Хўжайли, Қонликўл ва Амударё туманлари ҳамда Нукус шаҳридаги жами 98 та умумтаълим мактабларида бошланғич синф ўқувчиларини бюджет ҳисобидан бепул овқат билан таъминлаш ишлари бошланди.
Намангандаги мактабда ўқувчилар ўқитувчига куч ишлатди
Косонсой туманидаги мактабда ўқитувчи ва ўқувчи ўртасида жанжал юзага келди. Видеодан бошқа бир ўқувчи устозининг бошига гултувак отганини ҳам кўриш мумкин. ХТВ жанжал ўзаро келишмовчилик оқибатида юзага келганини маълум қилди. Ўқувчининг онасига маъмурий баённома расмийлаштирилди.
ЭНГ КЎП ЎҚИЛГАН ХАБАРЛАР
Қўшимча имкониятларга эга булиш учун сайтда рўйхатдан ўтинг