«мактаблар» тегли мақолалар
Ҳар 10 нафар ўсмирдан бири мактаби билан алоқани ҳис қилмайди — тадқиқот
ЮНИСEФ ўсмирларнинг руҳий саломатлигини ўрганиш бўйича Ўзбекистон тарихидаги илк тадқиқот натижаларини тақдим этди. Унга кўра, ўқувчиларнинг катта қисми (15,4%) ўртача ва ўта оғир безовталик ва депрессиядан (9,8%) азият чекмоқда. Тадқиқот хулосаси ва тавсиялари — «Газета.uz» материалида.
Икки вилоятда она тили ва математика бўйича янги дарсликлар жорий этилмоқда
USAID Халқ таълими вазирлигига она тили ва ўқиш саводхонлиги ҳамда 1−4-синфлар бўйича математика ўқитувчилари учун 500 мингга яқин янги дарслик ва қўлланмалар тақдим этди. Улар Наманган ва Сирдарё вилоятларидаги 919 та мактабда синовдан ўтказилиб, сўнг барча мактабларда жорий этилади.
Ўзбекистон мактабларида одоб-ахлоқ қоидалари қайта кўриб чиқилади
Халқ таълими вазирлиги 1 августга қадар мактабларда ички тартиб ва одоб-ахлоқ қоидаларини қайта кўриб чиқади. Унда мактаб ва ота-онанинг таълим ва тарбияда иштироки, масъулияти ҳамда мажбуриятлари акс эттирилади. Қолаверса, 2023−2024 йилларда мактабларда эскирган компьютер синфларини янгилаш учун жами 400 млрд сўм ажратилади, интернет тезлиги 100 Мбит/с гача оширилади.
Давлат мактабларига алоҳида фанлар бўйича дарсликларни танлашга рухсат берилди
Президент 2026 йилгача мактаб таълимини ривожлантириш бўйича Миллий дастурни тасдиқлади. Давлат мактабларига ўқув дастурларига ўзгартиришлар киритиш ва алоҳида фанлар бўйича дарсликларни танлашга рухсат берилди. Қолаверса, Тошкент давлат педагогика университети ва унинг таркибидаги ташкилотлар ХТВга тасарруфига ўтказилди.
Мактабларда маънавий-маърифий ишларни баҳолаш учун рейтинг жорий этилади
Ўзбекистон мактабларида маънавий-маърифий ишларни баҳолаш мақсадида 1 сентябрдан «Намунали мактаб» рейтинги жорий қилинади. Унинг натижалари асосида мактаблар «яшил», «сариқ» ва «қизил» тоифаларга ажратилади. Агар мактаб «қизил» тоифага тушиб қолса, давлат органлари у ерда учрашув, мотивацион суҳбат ва мастер-класслар, «Ватанпарварлик» дарслари ва полигонларда икки кунлик ҳарбий-дала машғулотлари, қолаверса, «Ватанга хизмат — олий фазилат» мавзуларида давра суҳбатларини ўтказади.
ХТВ 9 ва 11-синфлар учун имтиҳон фанларини тасдиқлади
Халқ таълими вазирлиги 9 ва 11-синф битирувчилари учун якуний давлат аттестацияси ўтказиладиган фанлар рўйхатини эълон қилди.
Мактабларда кадр хизмати ходимларига 16 млрд сўм кам ойлик тўлангани аниқланди
Адлия вазирлиги мактаблардаги кадр хизмати ходимининг лавозим разрядларини пасайтириб кўрсатиш оқибатида ойлик маош 16 млрд сўмга камроқ тўлаб берилганини аниқлади. Ҳозирга қадар кўрилган таъсир чоралари натижасида эса фақатгина 3 млрд сўм маош тўланишига эришилган.
Мактаб ва боғчалар олдида тезлик 30 км/соатдан ошмаслиги шарт — Шавкат Мирзиёев
Тошкент шаҳридаги мактаб ва боғчалар олдида автомобиль ҳаракатининг максимал тезлиги 30 км/соатдан ошмайди. Бу ҳақда президент видеоселекторда маълум қилди. Қолаверса, айрим гавжум кўчаларда эса ҳозирги 70 км соатдан 60 кмгача тушириш зарурати борлиги таъкидланди.
Ўқувчилар уй вазифаларини мессенжерлар орқали юбориши мумкин бўлади
Халқ таълими вазирлиги ўқувчиларга масофавий таълим жараёнида бажарилган уй вазифаларини ўқитувчиларга фақатгина Kundalik тизими орқали эмас, балки мессенжер ва ижтимоий тармоқлар орқали ҳам юборишга рухсат берди.
Мактаблар очиқ қолиши керак — ЮНИCЕФ
ЮНИCЕФ мактаблар ёпилишининг узоқ муддатли оқибатлари қайтарилмас бўлиши мумкинлигини маълум қилиб, барча мамлакатларни COVID-19 тарқалишига қарамасдан, мактабларни ёпмасликка чақирди. «Мактаблар таълим беришдан ташқари, заиф болалар фаровонлигини ҳам ҳимоя қилади ва бошқа кўплаб муҳим хизматлардан фойдаланишларини таъминлайди», дейилади жамғарма баёнотида.
Спорт зали йўқ мактабларда жисмоний тарбия дарсларини ўқитиш тикланди
Спорт зали йўқ мактабларда қиш ойларида жисмоний тарбия дарслари ўтган ўқув йилидан бошлаб қисқартирилганди. Мазкур буйруқ бекор қилинди ва эндиликда барча мактабларда ҳафтада икки марта жисмоний тарбия ўқитилади.
2025 йилда барча мактаблар тўлиқ миллий ўқув дастурига ўтади
Республика таълим маркази мутахассислари янги миллий ўқув дастури учун дарсликлар тайёрлаш жараёни қандай кетаётгани ҳақида сўзлаб беришди. Cambridge`нинг АКТ бўйича дарсликлари маҳаллийлаштирилди, Франция ва Германиянинг француз ва немис тиллари дарсликларини маҳаллийлаштириш режа қилинган. Миллий муаллифларнинг янги дарсликларида танқидий ва ижодий фикрлашни ривожлантиришга эътибор қаратилмоқда, бироқ, муаллифлар мактаби ҳали шаклланмаган.
Тошкентда мактабларда жой етишмаслигини биноларни ижарага бериш орқали ҳал қилиш режалаштирилмоқда
Прогнозларга кўра, 2025 йилда Тошкент мактабларида 550 минг ўқувчи таҳсил олади. Беш йил ичида шаҳарда 30 та мактаб қуриш режалаштирилмоқда, бироқ бу синфларда жой етишмаслиги муаммосини ҳал учун етарли эмас. Ҳоким Жаҳонгир Ортиқхўжаев давлат ҳар йили 20−30 тадан мактаб қура оладиган даражага етгунича вақтинчалик ечим сифатида бўш биноларни ишбилармонлардан ижарага олиш кўриб чиқилаётганини маълум қилди.
Таълим сифати билан боғлиқ аҳвол қониқарли эмас — халқ таълими вазири
Халқ таълими вазири Бахтиёр Саидов учта вилоятга ташрифдан сўнг, мактаблардаги аҳволни қониқарли эмас деб атади. «Афсуски, ҳатто ўз фани бўйича оддий саволга ҳам жавобни билмайдиган ўқитувчилар бор экан», — деди у. У ўқитувчилар қўлида инсон тақдири ётганини айтиб, «жонкуярлик бўлмаса нима қилади бу касбни танлаб?» деган саволни ўртага ташлади. Вазир таълим сифатини яхшилаш учун катта ва кўп ишлар қилиш кераклигини маълум қилди.
2022 йилда 40 та мактаб қуриш режалаштирилган. Бу жуда ҳам кам
2022 йилда давлат томонидан 410 млрд сўмлик 40 та мактаб қуриш режалаштирилган. Бу ўтган йилгидан деярли икки баравар кўп, аммо мактабларда жой етишмаслиги муаммосини ҳал қилиш учун ҳали ҳам ҳалокатли даражада етарли эмас.
ХМК мактаблар қуриш учун инвестиция жалб қилишга ёрдам беради
Халқаро молия корпорацияси Ўзбекистон ҳукуматига мамлакат вилоятларида замонавий ва энергия жиҳатидан тежамкор 15 тагача мактабларни молиялаштириш, лойиҳалаштириш, қуриш ва хизмат кўрсатиш учун хусусий операторни танлашда тендер ўтказишга ёрдам беради.
Хорижий тилларни ўқитиш бўйича энг яхши мактаблар Президент соврини билан мукофотланади
Ҳар йили инглиз, немис, француз тиллари (хорижий тиллар) ўқитиладиган мактаблар ўртасида хорижий тилларни ўқитиш бўйича энг яхши мактаб танлови ўтказилади. Республика босқичида биринчи ўринни эгаллаган мактабга 500 млн сўм мукофот берилади.
«Қишлоқлардаги мактаблар аҳволи қандай эканини биламан». Шавкат Мирзиёев таълимда амалга ошириладиган ислоҳотлар ҳақида
Шавкат Мирзиёев ўзининг сайловолди дастури доирасида келгуси беш йилда амалга ошириладиган ишларга тўхталиб ўтди. Жумладан, 7 мингдан зиёд янги боғча қуриш орқали мактабгача таълимдаги қамровни 80 фоизга етказиш, мактабларни ривожлантириш давлат дастурини ишлаб чиқиш, 1,2 млн ўқувчи ўрнини яратиш, қолаверса, олий таълим қамровини 50 фоизга, хусусий олийгоҳлар сонини эса 50 тага етказиш, 100 минг ўринли талабалар ётоқхоналарини барпо этиш режалари маълум қилинди.
Мактабларда янги ўқув йили тўлиқ анъанавий шаклда бошланади
Ўзбекистон мактабларида янги ўқув йили тўлиқ анъанавий шаклда бошланади. Вақтинча ёпилган мактаблар учун теледарслар йўлга қўйилади. Ўқувчининг ўзи ёки оила аъзолари коронавирусга чалинган бўлса ёки мактаб ўқитувчилари орасида инфекция аниқланган бўлсагина, масофавий (онлайн) тарзда ўқув жараёнлари олиб борилади.
Янги ўқув йилида мактабларда дарслар гибрид шаклда давом эттирилади
Халқ таълими вазирлиги янги 2021−2022 ўқув йилида мактабларда дарс жараёни гибрид шаклда давом эттирилишига тайёргарлик кўраётганини маълум қилди. Бунда мактабда юзага келадиган вазиятга қараб айрим мактаблар карантинга ёпилиб масофавий тизимга ўтказилиши мумкин.
Энг кўп ўқилган хабарлар | Сўнгги янгиликлар
- Абдулла Қодирий 1926 йилда нега судланганди ва судда нима деганди?
- Наманганлик фуқаро Ўзбекистон президентини ҳақоратлагани учун қамалди
- 1 майдан пенсия ва нафақанинг энг кам миқдорлари оширилади
- «Одамлар меҳрибон бўлишини хоҳлайман». Тошкент ҳайвонот боғидаги Наврўз лақабли йўлбарс ҳикояси (1)
- Фото: Троллейбус ўрнига электробус
Қўшимча имкониятларга эга булиш учун сайтда рўйхатдан ўтинг