Бухоро вилоятидаги 11 та умумтаълим мактаби масофавий таълимга ўтказилди. Вилоят халқ таълими тизими ходимларининг 6 нафарида, мактаб ўқувчиларининг эса 26 нафарида коронавирус инфекцияси аниқланган.
Бухоро шаҳар ҳокими вазифасини бажарувчи сифатида ишлаб келаётган Ўткир Жумаев Бухоро шаҳри ҳокими этиб тасдиқланди.
«Газлинефтқазибчиқариш» бошқармаси капитал қурилиш ва таъмирлаш бўлими бошлиғи лавозимида фаолият юритиб келаётган Анвар Ражабов Бухоро тумани ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари этиб тайинланди.
Бухоро шаҳрида портлаган уйнинг 7−8 қаватли этиб қурилиши учун тасдиқланган консепция лойиҳаси бузилиб, ўзбошимчалик билан қаватлар сони оширилганлиги маълум бўлди. Шаҳарсозлик ҳужжатларини тўлиқ расмийлаштирмасдан қурилиш ишларини олиб бораётганлиги учун инспекция ходимлари томонидан огоҳлантириш ҳам берилганлиги айтилмоқда.
Бухородаги кўп қаватли уйнинг 3-қаватида юз берган газ портлаши оқибатида жароҳатланганлар сони 12 кишига етди. Ҳолат юзасидан жиноят иши қўзғатилди.
Бухорода қурилиши тугалланмаган 8 қаватли бинода портлаш юз берди. Ҳодиса натижасида 3 киши жароҳатланди.
Шавкат Мирзиёев Бухородаги ташрифи доирасида вилоятнинг ижтимоий-иқтисодий соҳаларини ривожлантириш бўйича топшириқлар берди. «Бухоронинг бугунги ривожи маъқулми, деган саволга менинг жавобим: йўқ. Коррупция, порахўрлик барҳам топмаяпти», — деди давлат раҳбари. Президент муаммоларни бартараф этишда маҳалланинг роли оширилишига тўхталди.
Президент Шавкат Мирзиёев Бухоро туманидаги «Бухоро Варнет» корхонаси фаолияти билан танишди. Корхонада ўтган йили қарийб 20 млрд сўмлик маҳсулот етиштирилиб, 1 млн долларлик экспорт қилинган.
Президент Шавкат Мирзиёев ҳудудлар ривожи, аҳоли ҳаёти билан яқиндан танишиш мақсадида Бухоро вилоятига жўнаб кетди.
Бош прокурорни бир нечта ҳуқуқбузарликлард айблаган Бухоро шаҳар прокурори Ж.Фозиловнинг важларини «ҳар томонлама ва холисона текшириш» мақсадида Республика идоралараро комиссияси тузилди.
Бухоро вилояти аҳолиси газ таъминоти билан боғлиқ муаммолар туфайли йўлни тўсиб қўйди. Вилоят ҳокимлиги вазиятни ўрганаётганини маълум қилди. Ўтган йили ҳам турли ҳудудлар аҳолиси газ ва электр энергияси тақчиллиги сабабли йўлларни ёпиб қўйишган эди.
Ўғлининг тўйида 53 киши қатнашган Бухоро вилоят Санитария-эпидемиология хизмати раҳбари 4,4 млн сўм миқдорида жаримага тортилди.
Бухоро вилоятининг Пешкў туманида Cobalt автомобили ва юк машинасининг тўқнашуви оқибатида уч киши воқеа жойида вафот этган.
Бухоро вилоятда аҳоли орасида коронавирус инфекцияси кўпайиб бораётгани сабабли Бухорода 1 июлдан номаълум муддатга қадар жамоат транспортлари сони ва ҳаракатланиш вақти вақтинча чекланади ҳамда буюм бозорлари фаолияти тўхтатилади.
Қўшимча имкониятларга эга булиш учун сайтда рўйхатдан ўтинг