«бош прокуратура» тегли мақолалар
Учта ҳудудда ер майдонини ноқонуний тарзда сотишга уринган шахслар ушланди
Ҳуқуқни муҳофаза қилувчи органлар ходимлари Қорақалпоғистонда 0,5 гектар ерни 47 минг долларга, Тошкентда 6 сотих майдонни 14 минг долларга ҳамда Бухорода 4 сотих ерни 9 мингга сотишга уринган шахсларни қўлга олди. Гумондорларга нисбатан жиноят иши қўзғатилди.
Тошкентдаги Меҳрибонлик уйида содир этилган ўғрилик ва ҳуқуқбузарлик юзасидан жиноят иши қўзғатилди
Прокуратура Тошкент шаҳридаги 21-сонли Меҳрибонлик уйи фаолиятини текширгандан сўнг, жиноят иши қўзғатди. Апрель ойида муассаса тарбияланувчилари ходимларнинг биридан норози бўлиб, намойиш уюштирганди. Прокуратура бир қатор қонунбузарликлар, жумладан, маблағларни ўзлаштириш ҳолатларини аниқлади. Меҳрибонлик уйи директори билан тузилган меҳнат шартномаси бекор қилинди.
108 та маданий мерос объектида ноқонуний қурилмалар ўрнатилгани аниқланди
Бош прокуратура Ўзбекистондаги 108 та маданий мерос объектида 146 та ноқонуний қурилма ўрнатилганини аниқлади. 76 та ноқонуний қурилмани буздириш бўйича ёзма кўрсатма берилди, 63 таси бўйича иш судга оширилди. Қолаверса, 26 нафар шахс маъмурий жавобгарликка тортилди.
Бош прокурорга янги ўринбосар тайинланди
Президентнинг тегишли фармонига асосан Шохрух Аминов бош прокурор ўринбосари этиб тайинланди. У бунга қадар Сирдарё ҳамда Навоий вилоятларида прокурор лавозимида фаолият юритган.
«Самир Раҳмоновнинг ўлимида Бош прокуратуранинг айби йўқ» — Светлана Артикова
Пайшанба куни Светлана Артикова Бош прокуратура ишда вафот этган ходими оиласига нафақа ва маънавий зарарни тўлаши масаласига муносабат билдирди. Унинг фикрича, суднинг 971 млн сўмни тўлаш тўғрисидаги қарорида қонун талаблари бузилган. «Миллиард у ёққа, миллиард бу ёққа қилсак, унда шифокорларга, ўқитувчиларга устамаларни, ойликни, нафақани ким тўлайди?.. Керак бўлса, Олий судгача ҳам бош прокурор ўринбосари тарзида такроран кассация келтиришга тайёрман», — деди у.
Тошкентда тақиқда бўлган 2 гектар ерни $800 мингга сотмоқчи бўлган шахс ушланди
Бектемир туманида тақиқда бўлган 2 гектар ерни 800 минг долларга сотмоқчи бўлган шахс олдиндан 80 минг долларни олган вақтида ушланди. Унинг тақиқни тегишли органлар орқали ечиши ва қурилиш учун ҳужжатларни расмийлаштириб беришига ишонтиргани айтилмоқда. Унга нисбатан жиноят иши қўзғатилди.
Талабани зўрлашга уринганликда айбланаётган ТДПУ собиқ декан ўринбосарининг иши судга оширилди
Прокуратура ТДПУ касбий таълим факультетининг собиқ декан ўринбосари Боғабек Юлдашевга нисбатан жиноят ишини судга юборди. Унга талабани зўрлашга уриниш ва баданга оғир шикаст етказиш айби қўйилган.
Бош прокуратура ишда вафот этган ходими учун 951 млн сўм нафақа пули тўлайди
2021 йилда Бош прокуратура ходими Самир Раҳмонов 33 ёшида юрак хуружидан вафот этганидан сўнг унинг отаси боқувчисини йўқотганлик нафақасини олиш мақсадида Бош прокуратурани судга берганди. Марҳумнинг отаси ҳам вафот этгани сабабли суд Самирнинг турмуш ўртоғи фойдасига Бош прокуратурадан 951,2 млн сўм бир йўла тўланадиган нафақа пули ва 20 млн сўм маънавий зарарни ундириш тўғрисида қарор қабул қилди. Шунингдек, жавобгар 76,6 млн сўмлик давлат божини ҳам тўлайди.
Тошкентда ИИБ терговчиси ва профилактика инспектори пора билан қўлга тушди
Пойтахтнинг Чилонзор тумани ИИБ терговчиси жиноят иши бўйича айбланувчига чора кўрмаслик эвазига 5000 доллар талаб қилиб, шундан 1000 долларни олганида ушланди. Миробод тумани ИИБ профилактика инспектори эса ҳуқуқбузарликни расмийлаштирмаслик эвазига 500 долларни олганида қўлга тушгани маълум қилинди. Улар ҳибсга олиниб, жиноят ишлари қўзғатилди.
Бош прокуратура таркибида Ер ресурслари талон-торож қилинишининг олдини олиш бошқармаси ташкил этилди
Президент қарори билан Бош прокуратура таркибида Ер ресурслари талон-торож қилинишининг олдини олиш бошқармаси, ИИВ Тезкор-қидирув департаментида эса Ер ресурслари талон-торож қилинишига қарши курашиш бўлими ташкил этилди. Ер ажратиш тўғрисидаги барча қарорлар хатловдан ўтказилади.
Шаҳрихондаги газ портлаши бўйича жиноят иши қўзғатилди
Бош прокуратура Андижон вилояти Шаҳрихон туманидаги тиббиёт марказида юз берган портлаш ҳолати юзасидан жиноят иши қўзғатилганини маълум қилди. Айни вақтда ҳодиса оқибатида жабрланганлар сони 11 нафарни ташкил этмоқда.
Андижонда ўқитувчилар узр сўрашга мажбурланган ҳолатни Бош прокуратура кўриб чиқади
Андижон вилояти Марҳамат туманида ўқитувчилар ота-оналар олдида узр сўрашга мажбур қилинган ҳолат юзасидан Халқ таълими вазирлиги ўрганиш ишларини якунлади. Натижада туман ҳокимлиги ташаббусига асосан ташкил этилган мазкур тадбирга қонуний баҳо бериш учун ҳужжатлар Бош прокуратурага юборилди.
Самарқандда фермер 1 гектар ерни 20 минг долларга сотишга урингани айтилмоқда
Самарқанд туманида фермер ўзига қарашли хўжаликнинг суғориладиган еридан 1 гектарини фуқарога иссиқхона қуриш учун сотиш ва ҳужжатларни тайёрлаб беришни келишиб олгани айтилмоқда. Бунинг эвазига у 20 минг доллар олган вақтида ушланган. Унга нисбатан жиноят иши очилди.
Ишни судга қадар юритишда ягона тергов ахборот тизими жорий этилади
Президент қарори билан 1 майдан суриштирув ва дастлабки тергов органлари фаолиятини рақамлаштириш ва ишни судга қадар юритиш бўйича «Электрон суриштирув ва дастлабки тергов» ахборот тизими жорий этилади. Тизимдаги жисмоний ва юридик шахсларга оид маълумотлар суриштирув ва тергов органларининг сўровига кўра тақдим этилади.
Дарахт кесилиши бўйича Андижон шаҳар ободонлаштириш бошқармаси бошлиғига жиноят иши қўзғатилди
Андижон перинатал маркази ҳудудидаги 12 туп қимматбаҳо дарахт кесилгани юзасидан шаҳар ободонлаштириш бошқармаси бошлиғига жиноят иши қўзғатилди. Дарахтларнинг қонунга хилоф равишда кесиб юборилганлиги оқибатида табиатга 115,5 млн сўм миқдорида зарар етказилган.
Тошкентда қарийб 5 минг евролик сохта тангалар муомалага киритилгани аниқланди
Пойтахтнинг Миробод туманида 4940 евро миқдоридаги 2470 дона 2 евролик танга банк орқали алмаштирилгани, банк ходимлари эса уларни текширмасдан қабул қилиб олгани аниқланди. Қашқадарёда эса 2 бош қўй эвазига берилган пулларнинг 20 донаси сохта 100 минглик купюра эканлиги маълум бўлди.
5 йилда 14 мингдан ортиқ мансабдор коррупциявий жиноятни содир этган — Русланбек Давлетов
Пойтахтда ўтган конференцияда адлия вазири Русланбек Давлетов сўнгги 5 йилда 14 мингдан ортиқ мансабдор шахс коррупциявий жиноятни содир этганини маълум қилди. Шундан энг кўпи туман миқёсидаги амалдорлар ҳисобланади. Вазир шунингдек, бир идорада ҳам текширувчи, ҳам текширилувчи бўлса, ўзаро манфаатлар тўқнашуви ортидан қонун бузилишини айтиб ўтди.
Сирдарёда фуқаро 20 гектар ерни 70 минг долларга сотмоқчи бўлди
Сирдарёда отасининг фермер хўжалиги еридан 5 гектарни ва унинг атрофидаги ҳужжатсиз ердан яна 15 гектарни 70 минг долларга сотмоқчи бўлган фуқаро ушланди. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Андижон университетида зинадан йиқилиб тушган аёл вафот этди
Андижон давлат университети биносининг тўртинчи қаватидан йиқилиб тушган 28 ёшли аёл, воқеа содир бўлганидан 5 кун ўтиб, шифохонада вафот этди.
Бош прокуратуранинг яна бир бошқарма бошлиғи ўринбосари пора олганликда гумон қилинмоқда
Бош прокуратуранинг яна бир бошқарма бошлиғининг ўринбосари фуқаронинг жиноий ишини тугатиб беришни ваъда қилиб, ундан 3 минг доллар пора олгани айтилмоқда. Унга нисбатан фирибгарлик ва пора бериш моддалари билан жиноят иши қўзғатилди. Бундан аввал ҳам бошқа бир бошқарма бошлиғи ўринбосари пора олгани айтилганди.
Энг кўп ўқилган хабарлар | Сўнгги янгиликлар
- «Камолон ош» маркази асосчиси Саъдулло Саидов вафот этди
- Автомашинани қайта рўйхатдан ўтказиш йиғими аввалги миқдор — БҲМнинг 10 фоизига қайтарилди
- Аёлларни ҳимоя қилиши керак бўлган қонун уларни жазолаш учун ҳам хизмат қилмоқда
- UzAuto Motors Gentra, Damas ва Labo учун контрактацияни очади
- Россия ҳукумати истеъфога чиқди
Қўшимча имкониятларга эга булиш учун сайтда рўйхатдан ўтинг