Россия ташқи ишлар вазири Сергей Лавров Ўзбекистон ташқи ишлар вазири Абдулазиз Комилов билан учрашди, дея хабар берди РИА Новости.
Сергей Лавров «Спутник V» вакцинасини ишлаб чиқаришни Ўзбекистонда ҳам йўлга қўйиш масаласи ўрганилаётганлигини айтди.
Лавровнинг айтишича, вакцина Ўзбекистонда тезлаштирилган тартибда рўйхатдан ўтказилган.
Лекин, Фармацевтика агентлигининг «Газета.uz»га маълум қилишича, «Спутник V» вакцинаси фақат сертификациядан ўтган. Сертификация қилиш жараёни ҳар бир олиб кириладиган партия учун амалга оширилади.
Вакцинани оммавий қўллаш жараёнига 17 февраль куни рухсат берилган эди.
Фармацевтика агентлиги 1 март куни Ўзбекистонда коронавирусга қарши илк вакцина сифатида хитой-ўзбек вакцинаси рўйхатдан ўтказилганлиги ҳақида хабар берган эди.
