Ўзбекистоннинг давлат байроғидан фойдаланишдаги чекловларни юмшатувчи қонун президент томонидан имзоланди. Ҳужжат билан байроқдан фойдаланиш имкониятлари кенгайтирилган ва ҳурматсизлик деб баҳоланувчи ҳолатлар аниқ белгиланди.
Бир гуруҳ тошкентликлар 8 та уй қураётган Aziya Invest Favorit устидан президентга мурожаат йўллади. Унга кўра, компания кредит олиш мақсадида сотилган квартираларни гаровга қўйган, банклар эса кредит тўланмангани учун уй-жойларни олиб қўйган. 1000 киши кўрган зарар 300 млрд сўмдан ошиши мумкин.
Димланган майин товуқ филеси, темари-суши, классик лазаня, картошкадан пишлоқли тоблатма, мексиканча буррито ва бошқалар — Zira.uz тўйимли ва мазали қуюқ таомлар рўйхатини тақдим этади.
Май ойида олтин сотиш бўйича дунёда 2-ўринни эгаллаган Ўзбекистон, Чилонзорда режалаштирилган лойиҳалар, диний материалларни тарқатгани учун озодлиги 4 йилга чекланган тошкентлик йигит, автомобилда халқаро ташув учун рухсатнома бериш тартиби ва бошқалар — «Газета.uz»нинг кун дайжестида.
Эндиликда Click-аккаунтни фирибгарлардан ҳимоялаш учун селфи қилишнинг ўзи етарли бўлади.
Бухоро вилоятининг Қоракўл туманида IT кластер ташкил этиш режалаштирилмоқда. Унда университет, масофавий IT хизматларини экспорт қилиш маркази, тадқиқот марказлари ва ахборот технологиялари билан боғлиқ бошқа объектлар очилади.
Литванинг Start Group компанияси Ўзбекистон ИИВ ходимлари учун 7000 та планшет етказиш бўйича тендерда ғолиб чиқди ва лот учун 3,61 млн евро таклиф қилди. Бир планшет нархи тахминан 6,38 млн сўм. Қурилма профилактика инспекторлари, ППХ ходимлари ва бошқа хизматлар ишини яхшилашга ёрдам бериши керак.
Ташқи меҳнат миграцияси агентлиги Германия, Литва ва Люксембургнинг олтита иш берувчи компанияси билан ҳамкорлик тўғрисидаги меморандумларни имзолади. Жумладан, Германияда автомобилсозлик, электроника, ҳамширалик иши ва парвариши (кексаларга қараш) мутахассислари вақтинчалик иш билан таъминланади.
9−10 июль кунлари Ўзбекистонга Эрондан иссиқ ҳаво кириб келади, унинг чўққиси 11−13 июль кунлари кузатилади: +43…+45 даража. Кейинроқ Кавказдан салқинроқ ҳаво кириб келиши ҳисобига ҳарорат 3−5 даражага пасаяди. Июль ойида аномал иссиқ кутилмайди.
Дам олиш кунлари Ўзбекистонда ҳаво бироз булутли бўлиб, ёғингарчилик кутилмайди. Ҳарорат бироз кўтарилади, аммо аксарият ҳудудларда +33…+38 даража кузатилади. Бу июль ойи учун мақбул қийматлар саналади.
Зафаробод туманида 3 туп игнабаргли дарахтларни ноқонуний кесган шахсга 1 650 000 сўм миқдорида жарима тайинланди. Шунингдек, ҳуқуқбузар ўсимлик дунёсига етказилган 25 миллион 740 минг сўм зарарни ҳам тўлайди.
Янгиҳаёт туманидаги заводда ноқонуний муомаладан олиб қўйилган 228 минг 144 қути тамаки маҳсулотлари ёқиб юборилди. 3,3 млрд сўмга баҳоланган ушбу тамакиларнинг барчаси битта хонадондан топилган.
Президент Тошкент шаҳрининг Чилонзор туманида 320 гектар майдонда кичик саноат зонаси ташкил этиш, «Бўрижар» канали қирғоқларини ободонлаштириш ва у бўйлаб гастрономик кўча ҳамда хиёбон қуриш, шунингдек, трансформаторларни ўрнатиш каби қатор лойиҳаларни тасдиқлади.
Тошкент вилоятида Telegram орқали ақидапарастлик ғоялари билан йўғрилган материалларни тарқатиб келган йигитнинг озодлиги 4 йилга чекланди.
Жаҳон банки иссиқхона эмиссиясини камайтириш ва халқаро углерод бозорларига кириш лойиҳаси учун Ўзбекистонга 46,2 млн долларлик грант ажратмоқда. Париж келишуви доирасида минтақадаги биринчи бундай ташаббус 2028 йилга келиб CО2 чиқиндиларини тахминан 60 млн тоннага камайтиришга ёрдам беради.
Пискент туманидаги «Тошкент» давлат ўрмон хўжалигига қарашли ҳудудда содир бўлган ёнғин юзасидан жиноят иши қўзғатилди. Ҳодиса оқибатида зарарланган майдон 5,89 гектарни ташкил этган.
60 йил аввалги режа бўйича Ўзбекистон қачон киши бошига газ истеъмоли бўйича АҚШга етиб олиб, батамом газлаштирилган мамлакатга айланиши керак эди? 30 йил аввал Мирзо Улуғбек тумани нега бирдан Зоминда саломатлик маркази қура бошлаганди? Бу ҳақда «Газета.uz»нинг «Эски газеталар шарҳи» рукнида ўқинг.
Фарғона вилоятининг Данғара туманида эркак масжидда намоз олдидан таҳорат олаётган танишини пичоқлади. Маълум бўлишича, масжидга кетаётганда улар ўртасида можаро келиб чиққан. Ҳужум қилган шахс қўлга олиниб, жиноий иш очилган.
Григорий Лепснинг 23 октябрь куни Тошкентда ўтказилиши режалаштирилган концерти бекор қилинди, дея хабар берди Afisha.uz ташкилотчиларга таяниб. Ўзбекистон Маданият ва туризм вазирлиги концерт «баъзи техник сабабларга кўра қолдирилганини» маълум қилди.
Ҳавоси ифлосланган Тошкент, 3 йилга қамалган Урганч шаҳри собиқ ҳокими, тиббиёт йўналишидан «суперконтракт»ни бутунлай йўқотиш таклифи, 13 ёшли қизчани зўрлаганликда гумонланаётган ИИО ходими, реконструкция қилинган Шимолий вокзал, Twitter`га қарши Threads ва бошқалар — «Газета.uz»нинг дайжестида.
Қўшимча имкониятларга эга булиш учун сайтда рўйхатдан ўтинг