Тармоқларда эркак кишининг ёш болаларни ахлоқсиз ҳаракатлар қилишга мажбурагани акс этган видео тарқалди. Тошкент вилояти ИИББ ҳолат Олмалиқда содир бўлгани ва видеодаги шахснинг руҳий касалликлар диспанцерида доимий рўйхатда туришини маълум қилди. Айни пайтда эркак даволанишга ётқизилган.
«Тафаккур» журналининг мутолаага бағишланган «Жавондаги жавоҳир» номли доимий рукни бор. Журналнинг 2023 йил 1-сонида ушбу рукнда таниқли адиб Мурод Муҳаммад Дўстнинг китоб тавсиялари эълон қилинди. «Газета.uz» журнал таҳририяти рухсати билан ушбу материални ўз муштарийлари эътиборига ҳавола қилади.
ИИО ходимлари хизмат кийимида видеога тушиб, уни тармоқларга жойлаштирган 21 ёшли қувалик қизга нисбатан 660 минг сўм миқдорида жарима жазоси қўлланилди. Унга мазкур кийим-бошни берган ИИО ходимининг хатти-ҳаракатлари юзасидан эса хизмат текшируви тайинланди.
Бир пайтлар самолётлар йиғилган Тошкентда ҳозир авиация музейи ҳам йўқ. Фаоллар кўп йиллардан буён шундай музей яратишга чақириб келмоқда. Собиқ ТАПОиЧ ҳудудидаги бир нечта ноёб самолётлар олиб кетилиб, яқин жойда сақланяпти, кўплари мамлакат бўйлаб тарқалиб кетган ва яроқсиз ҳолга келган.
Андижонда Тожикистон, Қирғизистон ва Ўзбекистон ёш IT мутахассислари учун «Digital Valley» оромгоҳи бўлиб ўтмоқда. 60 нафар йигит-қиз 5 кун давомида дастурлаш, график дизайн ва рақамли маркетинг бўйича маҳоратларини оширади, халқаро компаниялар вакиллари билан ўзаро фикр алмашади.
Хитойда бўлиб турган Қашқадарё вилояти ҳокими Муротжон Азимов Қарши шаҳри учун 100 та автобус олиб келиш бўйича музокаралар ўтказди.
Улмасжон Мамадаминов Гулистон тумани ҳокими этиб тайинланди.
Фарғона шаҳридаги қурилиши тугалланмаган бино ёнидан 11 ёшли қизчанинг мурдаси зўрлаш ва қотиллик аломатлари билан топилди. 17 ёшли гумонланаётган шахс қўлга олинган.
«Газета.uz» китобхонликни тарғиб этишга қаратилган «Нима ўқиймиз?» лойиҳасини давом эттиради. Сара асарлар, ўқилиши мақсадга мувофиқ ҳисобланган китоблар рўйхати ҳақида олим, тадқиқотчи, ёзувчи-шоир, таржимон, журналист ва жамоат фаолларининг тавсияларини сизга етказамиз.
Президент фармони билан 1 августдан 20 та вазирлик ва идораларда янги инвестиция лойиҳаларини ишлаб чиқиш ва амалга ошириш бўйича лойиҳа офислари ташкил этилади. Бундан ташқари Саноатни ривожлантириш жамғармаси, Инвесторлар маркази ва Экспортчилар маркази ташкил этилади.
Зангиота туманида Давлат хизматлари маркази ходими 10 гектар суғориладиган ер майдонини 24 млн АҚШ долларига сотиб олиб беришини айтиб, фуқародан пулнинг бир қисмини олётганда ушланди. Бундан ташқари, Ўрта Чирчиқ туманида 4 гектар ерни 2,5 млн долларга олиб беришини айтган шахс ҳам қўлга олинди.
Шафтоли солиб нималар тайёрласа бўлади: бир неча хил пироглар, музқаймоқ, лимонад ҳатто смузи. Бу борада Zira.uz тақдим этган рецептлар билан танишинг.
Тошкентдаги 1100 га яқин алданган ҳиссадорлар муаммосини ҳал этиш учун тузилган ҳукумат комиссияси банкка гаровга қўйилган квартираларни қурувчининг бошқа мулкларига алмаштириш, қурилишни бошқа қурувчиларни жалб этган ҳолда якунлаш ёки мулкни сотиш орқали етказилган зарарни қоплашни таклиф қилмоқда.
Тошкент марказида йўл ўтказгич қуриш бўйича баҳсли қарор, унга жамоатчиликнинг муносабати, пойтахтда канализацияда заҳарланиб вафот этган 3 киши, Нью-Йоркда отиб ўлдирилган 15 ёшли ўзбекистонлик йигит жанозасида нутқ сўзлаган шаҳар мэри ва бошқалар — «Газета.uz»нинг кун дайжестида.
Тошкентнинг Ботир Зокиров ва Навоий кўчалари кесишмасида йўл ўтказгич қурилиши мумкин. Фаоллар бу жойга кўприк эмас, «одамлар дам оладиган жамоат макони, шаҳар муҳити керак»лигини таъкидлаяпти. Муштарийлар 2022 йилги реконструкциядан сўнг Навоий кўчасида тирбандлик муаммоси камайганини ҳам эслатди.
Нурафшон шаҳрида 57 ёшли ишчи канализация қудуғига тушиб, тозалаш ишларини олиб бораётганда газдан заҳарланди. Уни қутқариш учун тушган яна 3 киши ҳам ҳушидан кетган. Оқибатда 3 киши воқеа жойида вафот этди. 1 киши жонлантириш бўлимида қолмоқда.
Деҳқонобод туманида Ўзбекистон Қизил китобига киритилган 2532 туп тожик каврагининг илдизи кесилди. Зарар миқдори 1,2 млрд сўмдан ортиқни ташкил этган. Бу яқин орада Экология вазирлиги томонидан қайд этилган учинчи ҳолатдир.
19 августдан Тошкент-Благовешченск-Тошкент йўналиши бўйича тўғридан-тўғри мунтазам авиақатновлар амалга оширилади. Парвозлар ҳар ҳафта шанба кунлари амалга оширилади.
Хитойнинг CAMC Engineering компанияси Қашқадарё вилоятидаги лойиҳаларга сармоя киритишни режалаштирмоқда. Улар орасида Китобда сайёҳлик зонаси ташкил этиш, осма дор йўли қуриш ва бошқалар бор.
Самарқанд вилоятида кўчма радар орқали аниқланган тезликни ошириш бўйича белгиланган жарима Олий суд томонидан бекор қилинди. Чунки ЙПХ ходими радардаги тезлик кўрсаткичи билан ҳайдовчини таништирмаган ва унинг талаби билан мосламанинг сертификати кўрсатмаган.
Қўшимча имкониятларга эга булиш учун сайтда рўйхатдан ўтинг