Жамият
Ўзбекистон болалар учун одил судловни такомиллаштиришга ҳаракат қилмоқда
Депутат ва сенаторлар, давлат идоралари ва халқаро ташкилотларнинг Ўзбекистондаги вакиллари болалар учун одил судловдан фойдаланиш тўсиқларини муҳокама қилди. Ҳуқуқий механизмларни болалар учун мослаштириш ва уларга нисбатан қамоқ жазосини сўнгги чора сифатида қўллаш бўйича тавсиялар қабул қилинди.
Тошкент метросининг «Тинчлик» бекатига кириш йўлагида иссиқ сув тошиб кетди
Тошкентдаги «Тинчлик» метро бекати яқинидаги иссиқлик тармоғида авария содир бўлди. Оқибатда метрога тушиш йўлагида девордан иссиқ сув тошиб чиқиши кузатилди. «Тошиссиққувати» матбуот хизмати сув чиқиши тўхтатилгани ва ҳозирда аварияни бартараф этиш чоралари кўрилаётганини маълум қилди.
Kundalik`да янги тўлов усуллари ва тариф режалари ишга туширилди
Янги ўқув йилида Kundalik учун йиллик тўлов нархи туширилди. Фойдаланувчилар учун Kundalik ва PRO Kundalik тариф режалари мавжуд.
Yandex Go автомобиллар тезлигини назорат қилади
Yandex Go буюртмалар вақтида автоулов тезлигини мониторинг қилиш хизматини ишга туширди. Унда ҳайдовчи белгиланган тезликдан ошиб кетса, тизим унинг иловаси орқали бу ҳақда огоҳлантиради. Бир нечта огоҳлантиришлардан сўнг, ҳайдовчининг хизмат кўрсатиш буюртмаларига кириши вақтинча чекланади.
Россиялик сайёҳ Ўзбекистонда ўртача қанча пул сарфлаётгани маълум қилинди
«Русский стандарт» банки тадқиқотида россиялик сайёҳлар учун МДҲ давлатларига бўлган қизиқиш юқорилиги қайд этилди. Ҳисоб-китобларга кўра, россиялик сайёҳ ўртача ҳисобда Ўзбекистонда 6,8 минг рубл (1,2 млн сўм) сарфлайди.
Жиззахдаги ЙТҲ оқибатида пиёда вафот этди
Жиззах вилоятида Тошкент йўналиши бўйича ҳаракатланиб келаётган Cobalt ҳайдовчиси пиёдани уриб юборди. Фуқаро олган оғир тан жароҳатлари оқибатида шифохонада ҳаётдан кўз юмди.
Сурхондарёда ўзганинг 17 сотих ерини сотмоқчи бўлган шахс қўлга олинди
Сурхондарёнинг Қумқўрғон туманида фуқаро ўзига тегишли бўлмаган 17 сотих ер майдонини 8 минг долларга сотишга уринганликда айбланмоқда. Гумонланувчи харидордан 100 млн сўм олган вақтида қўлга олинган. Ҳолат юзасидан жиноят иши қўзғатилди.
Германия Ўзбекистонда соғлиқни сақлаш тизимини рақамлаштиришга сармоя киритади
Ўзбекистон️ ва Германия ўртасида соғлиқни сақлаш тизимини рақамлаштириш бўйича келишув имзоланди. Унга мувофиқ, ️Германия тараққиёт банки соҳа ривожи учун Ўзбекистонга қарийб 62 млн евро инвестиция киритади.
Тошкентда йўловчи олиш учун кескин тўхтаган Matiz ҳайдовчиси ЙТҲ содир этди
Тошкент ҳалқа йўлида 5-йўналишда қатновчи SAZ LE60 автобуси, Damas ва Matiz тўқнашди. Автобуснинг икки йўловчиси, Damas йўловчиси ва Matiz ҳайдовчиси жароҳатланди. ЙТҲга Matiz йўловчи олиш учун кескин тўхтагани сабаб бўлгани айтилмоқда.
«Энди ҳеч ким ўз мулкидан суд қарорисиз маҳрум этилмайди». Президент мулк ҳуқуқи бўйича янги фармонни қабул қилди
Президент фармони билан эндиликда мулк ҳуқуқи фақатгина суд қарори билан бекор қилинади, юридик шахснинг тугатилиши ер участкасига бўлган ҳуқуқни бекор қилмайди, турар жой мулкдорлари қариндош бўлмаган шахсларнинг доимий пропискасини бекор қилиши мумкин. Адлия вазирлиги ҳужжат моҳиятини тушунтирди.
KRuz.uz интернет-нашри ёпилиши ҳақида хабар берди
Қорақалпоғистондаги илк хусусий ОАВлардан бири бўлган KRuz.uz олти йиллик фаолиятдан сўнг ўз фаолиятини тўхтатиши ҳақида маълум қилди. Унинг асосчиси Фурқат Юсупов 2018 йилда чўкиб кетаётган икки қизни қутқармоқчи бўлганида вафот этган эди.
Тошкент вилоятида дарёлар тўқимачилик корхоналари чиқиндилари билан бўялмоқда
Экология қўмитаси Тошкент вилоятидаги сув ҳавзалари икки марта бўялганини маълум қилди. Тозалаш иншоотлари эскиргани туфайли сувни тўлиқ тозалай олмаяпти, ифлосланишга эса тўқимачилик корхоналари сабабчи бўлиши мумкин. Бизнес омбудсманга улар фаолиятини текшириш бўйича ариза топширилган.
Бузиб ташланган «Кунжутлитепа» ёдгорлиги қандай кўринишда бўлган?
Туризм вазирлиги ҳузуридаги Маданий мерос агентлиги «Газета.uz»га V-VII асрларга оид ёдгорлик бузиб ташлангани акс этган суратларни тақдим этди. Қашқадарёдаги «Кунжутлитепа» ёдгорлиги ва унинг қандай кўринишда бўлгани ҳақида қисқача маълумот.
Чегарада яраланган Афғонистон фуқароларининг аҳволи яхши деб баҳоланмоқда
«Газета.uz» мухбири Амударё ўртасидаги Пайғамбар оролида содир бўлган воқеада яраланган 6 нафар афғонистонлик даволанаётган Термиз шаҳридаги шошилинч тиббий ёрдам марказининг филиалига борди. Жабрланувчилардан бири оёғидан яралангани, қолганлари эса енгил тан жароҳатлари олгани маълум бўлди.
Саидлазиз Саидкаримов президент Администрациясининг Назорат инспекцияси бошлиғи бўлди
Ҳисоб палатаси раисининг собиқ ўринбосари Саидлазиз Саидкаримов президент Администрациясининг Назорат инспекцияси бошлиғи этиб тайинланди.
Абитуриентларнинг ярмидан кўпи ўтиш балини тўплай олмади
2022 йилда 1 млн 74 мингга яқин абитуриент ОТМларга имтиҳон топширди, уларнинг 550 минг нафари (51,2%) ўтиш балининг энг қуйи чегараси бўлган 56,7 баллни тўплай олмаган. Энг ёмон кўрсаткич Тошкент вилоятида (55,9%) қайд этилди.
Тошкентда янги қурилган уйлардан 118 дона ўт ўчириш мосламаси ўғрилаб кетилди
Тошкентда фуқаро янги қурилган уйлардан 118 дона ўт ўчириш мосламасини ўғрилаб кетганликда гумонланмоқда. Унга нисбатан жиноят иши қўзғатилган.
Самарқандлик ҳаваскор ихтирочилар томонидан электромобиль яратилди
Самарқанддаги KOICA марказининг ўқувчилари томонидан яратилган электромобиль синовдан ўтказилмоқда. Ҳозирда уловни тўлиқ қувватлаш учун 6−7 соат талаб этилади. Келгусида унга ўзини ўзи қувватловчи қуёш панеллари ўрнатиш режалаштирилмоқда.
«Нохолис танқидларга учраяпмиз». Жаҳонгир Ортиқхўжаев — қилинаётган ишлар жамоатчиликка тўлиқ етказиб берилмаётгани ҳақида
Пойтахт ҳокими Жаҳонгир Ортиқхўжаев қилаётган хайрли ишларини жамоатчиликка ўз вақтида ва тўлиқ етказиб бера олмаётгани учун турли эътироз ва баъзан нохолис танқидларга учраётганини айтди. Аҳоли хабардорлигини ошириш учун Жамоатчилик кенгаши қайта тузилди, унга журналист ва блогерлар таклиф этилди.
Наманганда $2 млндан ортиқ валютани ноқонуний тарзда хорижга олиб чиқишга уринишди
ДХХ томонидан Наманганда 2 млн доллардан ортиқ валютанинг Қирғизистонга ноқонуний олиб чиқиб кетилишига чек қўйилди. Гумонланувчи икки шахсга тегишли автоуловдан 1,8 млн доллар, уларга валюта етказиб берувчи шахс автомобилидан эса 167 минг доллар топилгани айтилмоқда.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг