Жамият
Наманганда сувда чўкиб кетган 12 ёшли қиз 16 августдан бери қидирилмоқда
16 август куни Норин туманидан оқиб ўтувчи Қорадарёда 12 ёшли қиз чўмилишга бориб, чўкиб кетган. Уни ИИБ, Миллий гвардия, Фавқулодда вазиятлар бошқармаси қутқарув-қидирув гуруҳи қидирмоқда.
5 сентябрь куни Ўзбекистонда содир бўлган энг муҳим хабарлар дайжести
Янги бошланган ўқув йили, мактаб дарсликлари бепул ижарага берилиши, хорижга чиқиш паспортини олиш осонлашгани, 95 кг наркотик, Афғонистондаги масжидда бўлган террорчилик ва Россиянинг Афғонистондаги элчихонаси яқинида бўлган портлашни қоралаган Ўзбекистон ва бошқалар — «Газета.uz» да кун дайжести.
Дарсликлар сифати ишчи гуруҳ томонидан ўрганиб чиқилади — президент Администрацияси
Президент Администрацияси раҳбарининг топшириғи билан дарсликлар сифатини текшириш бўйича ишчи гуруҳи ташкил этилди. Бундан ташқари, дарсликларни тайёрлаш, нашр этиш, таннарх ва тарқатиш тизимини танқидий кўриб чиқиш режалаштирилмоқда.
Сурхондарё дарёси ўзанидан қум-шағал қазиб олган фуқаро жаримага тортилди
Экологлар дрон ёрдамида ўтказган рейдда фуқаро Жарқўрғон туманидаги Сурхондарё дарёси ўзанидан ноқонуний тарзда қум-шағал қазиб олаётганини аниқлади. Унга 9 млн сўм жарима тортилди, техникалари эса ҳудуддан чиқариб юборилди.
139 та ҳолатда 6,1 млрд сўмлик йўл таъмирлаш ишлари сифатсиз бажарилгани аниқланди
«Ўзйўлинспекция» йил бошидан бери 139 та ҳолатда йўллардаги 6,1 млрд сўмлик қурилиш-монтаж ишлари сифатсиз бажарилганини аниқлади. Инспекция талабномаси билан 4,2 млрд сўмлик сифатсиз ишлар пудратчилар томонидан қайтадан бажарилди. Қоидабузар мансабдорларга нисбатан эса 134 та баённома тузилди.
Президент мактаб дарсликларини бепул ижарага беришни буюрди
Шавкат Мирзиёев мактаб дарсликларининг ижара тўловлари нархи кескин оширилиши ортидан кенг жамоатчилик, жумладан, ота-оналар томонидан билдирилган эътирозлар фонида дарсликларни бепул ижарага беришни тезкор йўлга қўйиш юзасидан топшириқ берди.
ДХХ афғонистонлик наркокурьерлар олиб кирган 95 кг наркотик айланмасига чек қўйди
ДХХ Тошкент ва Сурхондарёда жами 95 кг гиёҳванд моддаларни айланмаси билан шуғулланганликда гумонланган шахслар ушлади. Моддалар афғонистонлик наркокурьерлар томонидан контрабанда йўли билан мамлакатга олиб кирилгани аниқланди.
Ўзбекистонда хорижга чиқиш паспорти олиш тизими осонлаштирилди
Ўзбекистонда хорижга чиқиш биометрик паспортини энди барча ДХМлар орқали расмийлаштириш мумкин. Хизмат экстерриториал тамойил асосида, яъни фуқаронинг рўйхатда турган манзилидан қатъий назар кўрсатилади. Қолаверса, паспортни олиш учун талаб этиладиган маълумотномалар ҳам қисқартирилди.
Метрополитен йўловчиларни транспорт картасидан фойдаланиш ва ўзаро ҳурматни сақлашга чақирди
Пойтахт метрополитени куз бошланиши билан йўловчилар оқимининг ошиши кутилаётганидан огоҳлантирди. Йўловчилардан транспорт карталаридан фойдаланиш ва вагонлар эшиги олдида тўпланиб турмаслик, тушиб кетаётганларни кечиктирмаслик сўралди.
Самарқандда 61 ёшли аёлни зўрлаганликда гумонланиб, қидирувга берилган эркак қўлга олинди
Самарқанд вилояти Пастдарғом туманида 1961 йилда туғилган аёлнинг номусига тегганликда гумонланган ва қидирувга берилган шахс Жиззах вилоятида ушланди. Қўлга олиш жараёнида у Айдар-Арнасой кўли ортидаги чекка ҳудудлардан бирига яширингани аниқланди.
Фарғонада ҳайдовчини ҳақорат қилган ЙПХ инспектори ишдан бўшатилди
Ижтимоий тармоқларда Бувайда туманида ЙПХ инспектори ҳайдовчини куракда турмайдиган сўзлар билан ҳақорат қилаётгани акс этган видео тарқалди. Вилоят ИИБ мазкур воқеадан сўнг, ходимга нисбатан хизмат текшируви ўтказилгани ва у ишдан бўшатилганини маълум қилди.
Зарафшон дарёсида 829 дона балиқ нобуд бўлгани аниқланди
Навоий вилояти Экология бошқармаси Зарафшон дарёсининг Кармана туманидан оқиб ўтувчи қисмида 829 дона балиқ нобуд бўлганини аниқлади. Бу «Навоийазот» ва «Навоий ИЭС» корхоналарининг дарёга ташлайдиган оқова сувларидан сабабли юзага келган бўлиши мумкин. Экологлар лаборатор текширувлар ўтказмоқда.
Ўзини ўзи банд қилганлар учун фаолият турлари рўйхати кенгайтирилди
1 ноябрдан бошлаб якка тартибдаги тадбиркорлар шуғулланиши мумкин бўлган фаолият турлари рўйхати яна 10 тага ортади. Уларнинг орасида — риэлторлик хизматларини кўрсатиш, уй-рўзғор буюмларини ижарага бериш, автомобиль бозоларида воситачилик қилиш, кулолчилик ва бошқалар мавжуд.
Ҳафта бошида ҳаво илиқ бўлади, пайшанбадан салқинлашади
Ҳафтанинг биринчи ярмида бироз иссиқ об-ҳаво сақланиб қолади, ҳарорат +34…+39 даража атрофида бўлади. Пайшанба кунидан эса ҳаво салқинлаша бошлайди, ҳарорат +30…+35 даражагача пасаяди. Ҳафта давомида фақат Қорақалпоғистонда қисқа муддатли ёмғирлар ёғиши кутилмоқда.
Ўзбекистонда 5 баллик магнит бўрони бўлиши кутилмоқда
Ўзбекистонда душанбадан 5 баллик магнит бўронлари кузатилади, сешанба кунига келиб бўрон таъсири камая бошлайди. Мутахассисларнинг фикрича, бу вақтда артериал гипертония ва бронхиал астмаси борлар азият чекади, кўпчиликда орқа бош мияда оғриқ туради, шу боис камроқ ҳаракат қилиш тавсия этилади.
«Туристлар олдида шарманда бўламиз». Тошкентдаги меҳмонхоналарда тонг саҳардан ҳужжатлар текширилди
Тошкент шаҳар ИИББ ходимлари пойтахтдаги меҳмонхоналарда тонги соат 5:00 дан бошлаб дам олаётганларни уйғотиб, ҳужжатларини текширмоқда. ИИВ бу ҳолатни «дунёда одатий ва тўғри қабул қилинади», дея изоҳлади. Туризм вазирлиги эса ИИВдан текширув нега ўтказилганини тушунтиришни сўраб, хат киритди.
«Мактаб дарсликлари ижараси учун тўлов Конституцияга зид» — депутат
Депутат Расул Кушербаев давлат умумий ўрта таълим давлат томонидан кафолатлангани учун мактаб дарсликлари ижараси учун тўловнинг мавжудлигини Конституцияга зид, деб ҳисоблайди. Парламент аъзоси тушунтириш бериши учун Конституциявий судга мурожаат қилишни режалаштирмоқда.
ШҲТ саммити сабабли Самарқандга кириш тақиқланади, 16 та кўчада транспорт ҳаракати чекланади (харита)
14−17-сентябрь кунлари бўлиб ўтадиган ШҲТ саммити муносабати билан Самарқанднинг 16 та кўчаси, шу жумладан, жамоат транспорти ҳаракати учун ёпилади. Бу кунларда шаҳарга кириш ҳам ёпилади, транзитчилар учун айланма йўллар ташкил этилади (харита).
USM Алишер Усмонов номидан фойдаланилган сохта рекламалардан огоҳлантирди
Ижтимоий тармоқларда Ўзбекистон аҳолисини USM холдингига алоқадорлиги айтилаётган лойиҳаларга сармоя киритишга, шунингдек, шерик бўлишга ёки Алишер Усмоновдан ёрдам олишга чақирувчи рекламалар тарқалмоқда. Компания буни фойдаланувчиларни алдаш учун яратилган фирибгарлик лойиҳалари деб атади.
ХТВ мактаб дарсликлари ижараси нархлари ошганига изоҳ берди
Жорий ўқув йилида мактабларда ўқув дарсликларининг ўртача ижара нархи икки бараварга ошди. ХТВ буни қоғоз нархлари ва транспорт харажатлари ошгани билан изоҳлади.
Энг кўп ўқилган хабарлар | Сўнгги янгиликлар
- Қисқа ёмғирдан сўнг Тошкент кўчаларини сув босди (видео)
- Тошкентда фуқарони 2 млн сўм эвазига ишга жойлаб қўймоқчи бўлган метрополитен ходимаси ушланди
- Қозоғистонда Россия қонунчилигини бузган Ўзбекистон фуқароларини ҳибсга олиш бошланди
- «Истеъмолчиларнинг ичимлик сувидан 1 трлн сўм қарзи мавжуд» — «Ўзсувтаъминот»
Қўшимча имкониятларга эга булиш учун сайтда рўйхатдан ўтинг