Шавкат Мирзиёев Жиззах шаҳрида қурилган Киберспорт аренаси билан танишди. Президент у ерда киберспорт, шахмат, «Заковат» интеллектуал ўйинлари, баскетбол мусобақаларини кузатиб, ёшлар билан суҳбатлашди. «Биз белгилаб олган стратегияни, катта марраларни шундай ёшлар билан амалга оширамиз», — деди у.
Россиянинг Самара вилоятида ичида 66 киши бўлган автобус ағдарилиб кетди. Оқибатда 2 нафар Ўзбекистон фуқароси ҳалок бўлди, 20 га яқин киши жароҳат олди. Мамлакатнинг Россиядаги элчихонаси «вазият алоҳида назорат остида» эканини билдирди.
Янгиланди: 10 апрель куни эрталаб Тошкент шаҳри жамоат транспорти бепул ишлайди. Ўзбекистоннинг бошқа ҳудудларида эса ЖТни бепул қилиш тавсия этилади.
10 апрель куни нишонланадиган Рамазон ҳайити, Шавкат Мирзиёевнинг Жиззах вилоятига ташрифи, Enter Engineering`нинг маоши кечикаётганидан норози қурувчилари, «Овоз» телелойиҳаси учун ажратилган қарийб 2 млрд сўм ва бошқалар — «Газета.uz»нинг кунлик дайжестида.
Мусулмонлар идораси 10 апрель, чоршанба Рамазон ҳайити намозини ўқиш вақтларини эълон қилди.
9−15 апрель кунлари кутилаётган ёғингарчилик ва ҳаво ҳароратининг ўзгариши сабабли 6 та вилоятда қор кўчиши хавфи юзага келиши мумкин.
Рамазон ҳайити куни Тошкентда автобус ва метро соат 4:00 дан йўловчиларга хизмат кўрсатишни бошлайди. Дам олиш кунлари эса якшанба учун тасдиқланган жадваллар асосида ҳаракатланади.
Enter Engineering ходимлари иш ҳақи кечикаётганидан шикоят қилмоқда, Олмалиқдаги 3-МБФ ишчилари уч ойдан бери маош олмаётгани ҳақида хабарлар тарқалди. Компания вазиятга изоҳ бериб, февраль ойи учун маош тўлаганини, иш ҳақи буюртмачи олдида бажарилган ишнинг натижасига боғлиқ эканини маълум қилди.
Бухоро вилоятида қурилиш инспекцияси бошлиғи туғилган кунида курсдошларини базм учун ўз офисига чақиргани ортидан лавозимидан озод этиладиган бўлди. Туғилган кунни, хусусан, спиртли ичимликлар билан нишонлаш таклиф қилинган.
Ўзбекистонда 300 тадан ортиқ автобус 2018 йилдан бери техник синовдан ўтказилмаган ҳолда одам ташиб юргани маълум бўлди. Шу юзасидан Сенатнинг Мудофаа ва хавфсизлик масалалари қўмитаси раиси Қутбитдин Бурхонов бош вазир ўринбосари Ачилбай Раматовга сенатор сўровини юборди.
IT Park University абитуриентларга «Дастурий таъминот муҳандислиги» соҳасида ўқишни ҳамда қўшимча бешта амалий мутахассисликдан бирини ўзлаштиришни таклиф қилмоқда.
Мусулмонлар идораси Рамазон ҳайити 10 апрель, чоршанба кунига тўғри келиши кутилаётганини маълум қилди.
Ўзбекистонда сешанба куни баъзи ҳудудларда ёмғир ёғиб, ҳарорат +15…+20 даражагача пасаяди. 10−11 апрелда эса республика бўйича ёғингарчилик кутилмайди, ҳарорат +22…+27 даражагача, жанубда +30 даражагача кўтарилади. 12−14 апрель кунлари беқарор об-ҳаво бўлиши кутилмоқда.
7 июлгача ANORBANK`да янги омонат очган мижозлар Bayramona акцияси доирасида учта BYD E2 электромобилидан бирини ютиб олишлари мумкин.
1 июндан меҳнат миграциясига кетаётган фуқароларга хорижий тиллар ёки касб бўйича малака имтиҳонларини топшириш, «ишчи виза»ни расмийлаштириш ва йўл чиптасини харид қилиш билан боғлиқ харажатларини қисман қоплаш учун компенсация тўланади.
Тошкент вилояти Оҳангарон шаҳридаги туғуруқ бўлимида 39 ҳафталик ҳомиласи бор аёлнинг аҳволи оғирлашиб, вафот этди. Бош прокуратура ҳолат юзасидан терговга қадар текшириш ҳаракатларини олиб бормоқда.
Тошкент метроси таркибига тўрт вагонли яна 2 та метро поезди қўшилди. Улар 8−10 кун синовдан ўтказилгач йўналишларга чиқарилади. Май ойида яна шундай 3 та метро поезди олиб келиш режа қилинган.
Тошкент шаҳрида Бекобод туманлараро судининг собиқ судьяси ва фирма юристи фуқародан 75 минг доллар, бошқа ҳолатда яна бир адковат 17 минг доллар олишда гумонланиб ушланди. Самарқандда эса шаҳар адвокатлик ҳайъати адвокати 1,5 минг доллар олган вақтида қўлга олинди.
Тошкент шаҳри ИИББнинг маълум қилишича, январь-март ойларида 1068 нафар аёл фоҳишалик билан шуғуллангани учун қўлга олинди. 209 кишига нисбатан қўшмачилик қилиш ёки фоҳишахона сақлаш билан боғлиқ ҳолатлар юзасидан жиноят ишлари қўзғатилди.
Ўзбекистонда туман ҳокимликлари захирасидаги 60 минг гектар ер майдони электрон онлайн аукцион савдоларига қўйилиб, деҳқон хўжаликларини ташкил этиш учун ёшларга ижарага берилади.
Қўшимча имкониятларга эга булиш учун сайтда рўйхатдан ўтинг