Veolia Energy Tashkent компанияси Тошкент аҳолиси учун иссиқлик таъминоти тўловларини мустақил равишда қайта ҳисоблаб чиқади, деб маълум қилди компания матбуот хизмати.
«Иссиқлик ишлаб чиқарувчи ва иссиқлик таъминоти корхоналари томонидан ҳарорат режимига риоя қилмаслик оқибатида иссиқлик таъминотида узилишлар юзага келса, қайта ҳисоб-китоб Veolia Energy Tashkent компанияси мутахассислари томонидан мустақил амалга оширилади», — дейилади хабарда.
Компания маълумотларига кўра, истеъмолчилар инспекторни чақириб, иссиқлик энергиясининг йўқлиги ёки сифатсиз етказиб берилиши тўғрисида далолатнома тузишлари шарт эмас.
Диспетчер маълумотлари асосида Veolia иссиқлик таъминоти савдо бўлими томонидан далолатнома тузилади. Иссиқлик энергияси кўрсаткичлари меъёрларга жавоб беришни тўхтатганида компания бу ҳақда ўзи хабардор бўлади.
Сифатсиз иссиқлик етказиб берилган бутун давр учун қайта ҳисоб-китоб қилинади.
«Эътибор қаратишингизни сўрар эдикки, агар Veolia Energy Tashkent уйнинг ертўласигача сифатли иссиқлик ташувчисини етказиб берган бўлса ва иситиш ёки иссиқ сув билан боғлиқ муаммолар уй ичидаги инфратузилма билан боғлиқ бўлса, қайта ҳисоб-китоб қилинмайди», — дейилади хабарда. баёнотида айтилади. Илгари компания бундай ҳолатлар ҳақида батафсил маълумот берган эди.
Истеъмолчилар қайта ҳисоблаш далолатномаси билан туман иссиқлик таъминоти бўлимларида танишишлари мумкин. Биллинг тизимини созлаш бўйича ишлар тугагандан сўнг, қайта ҳисоб-китобни шахсий ҳисобда кўриш мумкин.
Қайта ҳисоблаш қандай ва кимга амалга оширилади?
Veolia маълумотларига кўра, «Кўп квартирали уйларда иссиқлик таъминоти хизматлари кўрсатиш қоидалари«га мувофиқ, аҳолига иссиқлик таъминоти хизматлари сифатсиз ва ўз вақтида кўрсатилмаган тақдирда, иссиқликни қайта ҳисоблаш қуйидаги ҳолларда амалга оширилади:
- турар-жой биносининг иситиш тизимига кеч уланиши муносабати билан;
- сифатсиз иссиқлик таъминоти ёки паст параметрлар туфайли иссиқлик таъминоти йўқлигида;
- авариявий ҳолатлар ёки қандайдир шикастланишларда.
Юқоридаги ҳолларда қайта ҳисоблаш қоидаларнинг 131, 132-бандларига мувофиқ амалга оширилади. Иситиш танаффусининг рухсат этилган давомийлиги 1 ой ичида 24 соатдан (жами) кўп бўлмаслиги керак.
Иссиқлик энергияси билан таъминланмаганлиги ёки сифатсиз иссиқлик энергиясини етказиб бериш тўғрисидаги далолатнома иссиқлик таъминоти хизмати учун тўлов миқдорини қайта ҳисоблаш учун асос бўлади.
Иссиқлик таъминоти хизматларини қайта ҳисоблаш қоидаларнинг 136-бандига мувофиқ, кейинги ҳисоб-китоб даврида ҳисобга олинади.
Veolia Energy Tashkent МЧЖ ХК айрим туман туманларда қайта ҳисоб-китоб қилиш жараёнларини бошлаган.
