Шавкат Мирзиёев Шанхай ҳамкорлик ташкилотига аъзо давлатлар раҳбарлари кенгаши мажлисида Тоғли Қорабоғ бўйича келишувга эришилганини қўллаб-қувватлашини таъкидлаб, келгусида вазият янада барқарорлашишига умид билдирди. Президент ташкилотга аъзо мамлакатларни муҳтож аҳоли қатламига ёрдам кўрсатиш, инқирозга қарши кураш борасида умумий дастур ишлаб чиқишда ҳамкорликка чақирди.
Ҳукумат қарори билан лойиҳа-қидирув ва қурилиш-пудрат ташкилотлари рейтинги юритилиши белгиланмоқда. Тендер савдолари айнан мазкур рейтинг натижаларига кўра ўтказилади ва савдоларда юқори ўринда турувчи ташкилотлар устунликка эга бўлади.
Шерзод Шерматов 10 мингдан ортиқ қадам босиб, раҳбар сифатида шахсий намуна кўрсатиш осон эмаслигини айтди. У тахминан 2 соатларда 9 километрни бемалол юриб борса бўлишини таъкидлаган.
Ҳаж ва Умра зиёратини фақат Ўзбекистон Мусулмонлари идораси томонидан ташкил этилиши таклиф қилинмоқда. Таклифга биноан, Ўзбекистонда бошқа ташкилотларнинг ушбу тадбирларини ташкил этишига йўл қўйилмайди.
Беларусда биринчи атом электр станцияси ишга туширилганидан 3 кун ўтиб авария туфайли вақтинча тўхтатилди. Расмий хабарларга кўра, радиация тарқалиши кузатилмаган.
Москвада коронавирус ҳолатлари кўпайгани сабабли янги чекловлар жорий этилди. Университетлар ва коллеж талабалари масофавий таълимга ўтказилади. Кафе, ресторан ва тунги клубларнинг ишлаш вақти чегараланади.
Сирдарё вилоятида турмуш қуришганига бир ой ҳам бўлмаган ёш келин-куёв қўлбола печдан ис гази сизиб чиқиши оқибатида заҳарланиб вафот етди.
Тажриба сифатида мактаблар хусусий бошқарувга ўтказилади. Уларда таълим бепул қолиши ва мактаб бошқарувчиси ўқув муассасасини таъмирлаш ишларини амалга ошириши керак бўлади. Давлат бюджетидан таълим муассасаларини таъминлаш учун ажратиладиган маблағлар камайтирилмайди.
АҚШда сўнгги 24 соат давомида коронавирус юқтирганларнинг умумий сони 10 миллиондан ошиб кетди. Мамлакатда асосий инфекция тарқалиш ўчоқлари Техас, Калифорния ва Флорида штатлари бўлиб турибди.
Президент туз, шакар ва ёғ миқдори юқори бўлган маҳсулотларни белгилаш таклифини маъқуллади. Белгилаш икки босқичда амалга оширилади — биринчисида ихтиёрий, иккинчисида мажбурий бўлади.
Бразилиянинг Anvisa соғлиқни сақлаш назорати агентлиги Хитойнинг Coronavac вакцинаси синовларини вақтинча тўхтатди. Бунга вакцинанинг жиддий ён таъсири сабаб бўлди.
2021 йил 1 апрелдан бойитилмаган олий навли ун сотуви чекланиб, фақат микронутриентлар билан бойитилган ун сотувига рухсат берилади. Шу мақсадда хориждан олиб келинадиган микронутриентлар учун ноль божхона ставкаси белгиланди.
1 январдан божхона йиғимлари ставкалари 20 тадан 12 тага қисқартирилмоқда. Фуқаролар шахсий эҳтиёжлари учун олиб кираётган товарлар қийматининг бож тўланмайдиган қисмидан ортиғи учун тўланадиган божхона йиғимлари ҳам камайтирилади.
Мохир Валиев Кадастр агентлигининг Давлат кадастрлари палатаси раиси этиб тайинланди.
Арманистон, Россия ва Озарбайжон раҳбарлари Тоғли Қорабоғдаги ҳарбий ҳаракатларнинг тўхтатилиши тўғрисида баёнот имзолади. Арманистон бош вазири Никол Пашинян Озарбайжонга ён бериб, бир нечта туманларни, шунингдек тан олинмаган республиканинг бир қисмини Бокуга ўтказишга рози бўлди. Қарор эълон қилинганидан кейин Ереванда норозилик намойишлари ва тартибсизликлар бошланди.
Бунга қадар Сирдарё вилояти прокурори лавозимида фаолият олиб борган Равшан Машарипов Самарқанд вилояти прокурори этиб тайинланди.
9 ноябрь куни тунда Озарбайжон Россия вертолётини уриб туширди. Озарбайжон ушбу ҳодиса тасодифан содир этилгани ва Россияга қарши қаратилмаганлиги ҳақида таъкидламоқда. Вертолёт экипажининг 2 аъзоси ҳалок бўлган.
Россиялик рэпер Моргенштерн танловда ғолиб бўлган бухоролик йигитга Mercedes-Benz машинасини совға қилиш учун Ўзбекистонга ташриф буюришни режалаштираётган эди. Мусиқачи қиммат «растаможка»дан шикоят қилган эди. Давлат божхона қўмитаси маълумотига кўра, Моргенштерн камида 353,8 млн сўм ($34 минг) бож тўлашига тўғри келади.
Самарқанд вилоятида «Автомашинасиз 10 кун» акциясини ўтказиш режалаштирилмоқда. Вилоят ҳокими Эркинжон Турдимов таклифига биноан 11 ноябрдан 21 ноябргача ҳокимлардан тортиб, бюджет ташкилотлари раҳбар ва ходимлари ишга пиёда бориб келади. Велосипед ёки жамоат транспортидан ҳам фойдаланиш мумкин.
«Ўзбекнефтгаз» компаниясининг UNG ёқилғи қуйиш шохобчалари тармоғи орқали сотилаётган АИ-95 маркали бензин нархи арзонлаштирилди.
Қўшимча имкониятларга эга булиш учун сайтда рўйхатдан ўтинг