Президент Uzbekistan Airways чипталари нархи баландлигини танқид қилди ва уни арзонлаштириш вазифасини қўйди
Шавкат Мирзиёев 2021 йилдан Европа мамлакатлари, Малайзия, Индонезия, Покистон, Таиланд, Япония билан авиақатновларни босқичма-босқич тиклаш, янги рейсларни йўлга қўйиш бўйича кўрсатма берди. Президент Uzbekistan Airways чипталари нархи баландлиги танқид қилди ва уни арзонлаштириш вазифасини қўйди.
Жаҳон янгиликлари дайжести
Интерполнинг онлайн фирибгарларга қарши операцияси давомида 20 мингдан ортиқ одам ҳибсга олингани, Олма-Отада аломатсиз бўлган коронавирус беморларининг ҳам касалхонага ётқизилиши, Илон Маскнинг Техасга кўчиши ва бошқа янгиликлар — «Газета.uz»нинг жаҳон янгиликлари дайжестида.
Россия собиқ президентларига умрбод даҳлсизлик ҳуқуқи берилди
Давлат думаси депутатлари Россия Федерацияси собиқ президентларининг даҳлсизлигини кафолатловчи қонунни қабул қилишди. Унга кўра, собиқ президентнинг жиноий ёки маъмурий жавобгарликка тортилмаслигини, уни ҳибсда ушлаб туриш, сўроқ қилиш, тинтув ўтказиш каби чораларни қўлламасликни кафолатланади.
«Газета.uz» — Коррупцияга қарши курашиш агентлиги танловининг ғолибларидан бирига айланди
«Газета.uz» нашри Коррупцияга қарши курашиш агентлигининг танлови доирасида «Коррупцияга қарши тарғиботда энг фаол оммавий ахборот воситалари» номинациясида ғолиб бўлди.
Учта вилоятда пенсия пулларининг ўз эгаларига етиб бормагани аниқланди
Наманган, Навоий ва Самарқанд вилоятларида «Ҳалқ банки» сайёр кассалари ходимлари пенсия тўлови рўйхати чиқарилганига қарамасдан, пулларни ўз вақтида нафақахўрларга етказиб бермагани аниқланди. Пенсия бир неча ой давомида сабабсиз етказиб берилмаган. Ҳозирда тўловлар кечикишига сабабчи бўлган шахслар ишдан бўшатилган.
Тошкент шаҳридаги яна 2 та коронавирусни даволашга ихтисослашган марказлар ёпилди
Тошкент шаҳар Юнусобод туманидаги «Ўзэкспомарказ»нинг 3- ва 4-павилионларидаги саралаш ва тақсимлаш марказига ва «Универсал» спорт мажмуасидаги саралаш ва тақсимлаш марказига коронавирусга чалинган ва унда гумон қилинган беморларни қабул қилиш тўхтатилди.
Ўзбекистонда илк бор электрон апостиль жорий этилади
Давлат хизматлари агентлиги томонидан ишлаб чиқилган қарор лойиҳасига кўра, Апостиль қўйишни электрон кўринишга ўтказиш белгиланмоқда. Апостильни махсус электрон дастури орқали ҳимояланган электрон ҳужжат шаклида қўйиш таклиф этилмоқда.
Талабларни бажармаган барча газ қуйиш шаҳобчалари ўчирилади — Энергетика вазири ўринбосари
Энергетика вазири ўринбосари Беҳзот Нарматов газ ҳажмини ўлчагичларни уланиш нуқтасига олиб чиқиши керак бўлган, лекин бу талабни бажармаган АГТКШларга нисбатан қатъий чора кўрилиши, Президент қароридаги пунктларни бажармаган шаҳобчалар ўчириб қўйилиши ҳақида огоҳлантирди.
Алимент тўламаганлар автотранспорт бошқариш ҳуқуқидан вақтинча маҳрум қилиниши таклиф этилди
9 декабрь куни Адлия вазирлигида Олий Мажлис Сенати раиси Танзила Нарбаева раҳбарлигида оила қонунчилигини такомиллаштириш масалаларига бағишланган йиғилишда алимент тўлашдан бўйин товлаган шахсларга нисбатан мажбурий жамоат ишлари ҳамда транспорт воситасини бошқариш ҳуқуқини вақтинча чеклаш каби чоралар қўллаш таклиф этилди.
Хусусий сектор давлат хизматларини кўрсатишда агент сифатида иштирок этади
2021 йил 1 мартдан тадбиркорларга айрим турдаги давлат хизматлари кўрсатилишида агент сифатида иштирок этишга рухсат берилади. Хизматларни кўрсатиш Давлат хизматлари агентлигининг ягона платформаси доирасида амалга оширилади.
Маданият вазирлиги Тошкент курантларидаги тасмаларни олиб ташлашни талаб қилди
Маданий мерос объектлари реестрига киритилган Тошкент курантлари Маданият вазирлиги ҳузуридаги Маданий мерос департаменти билан келишилмасдан тасмалар билан безатилгани маълум қилинди.
Мўйноқ тумани экология инспектори ЙТҲ оқибатида вафот этди
Мўйноқ тумани экология инспекцияси ҳодимлари рейд пайтида автоҳалокатга учради. ЙТҲ оқибатида инспектор Ш. Торежанов оғир жароҳатлар туфайли вафот этди.
Россия Қашқадарёдан помидор ва қалампир олиб киришга таъқиқ қўйди
Россельхознадзор Қашқадарё ва Навоий вилоятларидан помидор ва қалампир олиб киришни таъқиқлади. Бунга сабаб маҳсулотларда уруғли жигарранг буришган вирус аниқланганлиги айтилмоқда. Бундан ташқари, Россия Озарбайжон, Туркиянинг Анталья ва Измир провинциялари ҳамда Арманистоннинг Армавир вилоятидан помидор олиб киришни таъқиқлаган.
Судьяларни лавозимга тайинлаш имтиҳонлари илк бор онлайн ёритилади
2021 йил 1 февралдан судьяларни лавозимга тайинлашда имтиҳонлар онлайн тарзда ёритиб бориш йўлга қўйилади. Қолаверса, судьяларни ҳуқуқни муҳофаза қилувчи органларга гувоҳ ёки гумонланувчи сифатида сўроқ қилиш учун чиқаришга тегишли малака ҳайъатлари рухсати билан йўл қўйилиши белгиланмоқда.
Ўзбекистон ва Қирғизистон 50 млн долларлик капиталга эга инвестицион жамғарма тузади
Фарғона шаҳрида бўлиб ўтган Қирғизистон ва Ўзбекистон вакиллари ўртасидаги учрашувда томонлар устав капитали 50 млн долларга тенг бўлган қирғиз-ўзбек инвестицион жамғармасини ташкил қилишга келишиб олишди.
Тадбиркорларга йўлларда фото ва видео регистраторлар ўрнатишга рухсат берилди — президент қарори
Тадбиркорларга 2021 йил 1 мартдан бошлаб автомобиль йўлларида фото ва видео фиксация воситаларини ўрнатишга рухсат берилади. 2021−2022 йилларда республика бўйича жами 3356 та интеллектуал видеокамералар ва 763 та стационар радарлар, жумладан, Тошкент шаҳрида жами 2574 та фото ва видео регистраторлар ўрнатилиши режалаштирилган.
Тошкентда Ўзбекистон йога федерацияси бош офиси очилди
Тошкентда Ўзбекистон йога федерациясининг бош офиси очилди. Очилиш маросимида Тошкент шаҳар ҳокими, Ўзбекистон йога федерацияси раиси Жаҳонгир Ортиқхўжаев ва бошқалар иштирок этди.
Тадбиркорларга ҳайдовчилик гувоҳномаси учун имтиҳонларни ташкил этишга рухсат берилди
Президент қарори билан 2021 йил 1 апрелдан тадбиркорлар ҳайдовчилик гувоҳномасини олиш учун назарий ва амалий имтиҳонларни ўтказиш ҳуқуқига эга бўлади.
Давлат томонидан тартибга солинадиган соҳаларга хусусий сектор жалб қилинади
Давлат функцияларини аутсорсинг, краудсорсинг, давлат ижтимоий буюртмаси, аккредитация, сертификатлаштириш ва бошқа усуллар орқали босқичма-босқич хусусий секторга бериш кўзланмоқда. Жумладан, 2021 йил 1 апрелдан кадастр йиғмажилдларини тайёрлаш билан тадбиркорлар ҳам шуғулланиши мумкин.
Металлардан заҳарланиш Ҳиндистондаги номаълум касалликнинг сабаби бўлиши мумкин
Қўрғошин ва никелдан заҳарланиш Ҳиндистон жанубида номаълум касалликнинг келиб чиқишига сабаб бўлиши мумкин дея таҳмин қилинмоқда. Уч кун ичида 500 дан ортиқ киши касалхонага ётқизилди.
Қўшимча имкониятларга эга булиш учун сайтда рўйхатдан ўтинг