«Ел хизметинде» газетаси маълум қилишича, Орол денгизининг қуриган майдонида ноқонуний овчилар юрганлигидан хабар топган Мўйноқ экология инспекцияси бошлиғи Т.Тилеумуратов, инспекторлар Ш. Торежанов, А.Мамбетназаровлар автомашинада йўлга чиққан. Йўлда транспортнинг баллонига шикаст етиб, йўлдан чиқиб кетади ва автоҳалокатга учрайди. Ҳодиса жойида инспектор Ш. Торежанов оғир жароҳатлар туфайли вафот этган.
Хабарга кўра, кимсасиз ўлкада уларга тез ёрдам кела олмаган ва мобил алоқа бўлмаганлиги сабабли хабар беришнинг ҳам иложи бўлмаган. Т.Тилеумуратов ёрдамга чақириш учун 45 км пиёда бориб, Мўйноққа қўнғироқ қилади.
Ҳозирда воқеа бўйича суриштирув ишлари олиб борилмоқда.
