Энергетика вазири ўринбосари Беҳзот Нарматов Zo’rTV га берган интервьюсида аҳоли ва ижтимоий соҳа объектларини узлуксиз равишда табиий газ билан таъминлаш мақсадида АГТКШларга киритилган газ таъминоти чеклови ўрнатилиши ҳақида гапирди.
«Биринчи навбатда аҳоли ва ижтимоий объектларга газни бир маромда етказиб беришни таъминлашимиз керак. Газ тизимидан интенсив равишда фойдаланадиган истеъмолчиларни биринчи навбатда ўчиришга мажбурмиз. Автомобилларга газ компрессорлари орқали қуйиш шаҳобчаларини 17:00 дан 5:00 гача қисқартириш режалаштирилган. Бу орқали газни аҳолига етиб боришини таъминлашимиз зарур», — деди Энергетика вазири ўринбосари.
Вазир ўринбосарининг айтишича, газ ҳажмини ўлчагичларни уланиш нуқтасига олиб чиқиши керак бўлган, лекин бу талабни бажармаган АГТКШларга нисбатан қатъий чора кўрилади. Президент қароридаги пунктларни бажармаган АГТКШлар то талабларни бажармагунича ўчириб қўйилади.
