Aндижонда ўқувчиларни юпун кийимларда совуққа олиб чиққан мактаб раҳбарияти ишдан бўшатилди
Aндижонда юпун кийимларда байроқ кўтаришга чиқарилган ўқувчилар 43-мактабдаги «Янги Ўзбекистон — Янгича дунёқараш» тарғибот тадбири доирасида жалб қилинганлиги маълум бўлди. Вилоят халқ таълими бошқармаси ушбу мактаб директори в.б. Д.Насирдинов ва унинг ўринбосари С.Исманова ишдан бўшатилганлигини маълум қилди.
Соғлиқни сақлаш бўйича қонунлар кодексга бирлаштирилади
Соғлиқни сақлаш вазирлиги Соғлиқни сақлаш кодексининг лойиҳасини тайёрлади. Ушбу соҳадаги амалдаги қонунлар ва бошқа норматив ҳужжатларнинг нормалари бирлаштирилиши кутилмоқда.
ХХР раиси коронавирус тести натижалари асосида халқаро «саломатлик кодлари» тизимини яратишни таклиф қилди
Си Цзиньпин «соғлиқни сақлаш кодларини» ўзаро тан олишнинг халқаро механизмини яратишни таклиф қилди. Бундан ташқари, Хитой дунёдаги барча ҳалқлар учун Covid-19 вакциналари билан таъминлаш учун барча имкониятларни ишга солишини айтди.
Aндижонда мактаб ўқувчилари юпун кийимларда совуққа олиб чиқилди
Кескин совуқ тушганига қарамай, Aндижондаги 43-мактаб ўқувчилари тарғибот тадбири доирасида юпун кийимларда байроқ кўтаришга чиқарилди. Вилоят халқ таълими бошқармаси вазиятни ўрганмоқда. ХТВ раҳбарлар бундай ҳолатларга йўл қўймаслик тўғрисида огоҳлантирилганини маълум қилди.
Қибрайда газ портлаши оқибатида икки киши ҳалок бўлди
Қибрайда газ портлаши оқибатида уй эгаси ва унинг ўғли вафот этди. Портлаш газ-ҳаво аралашмасининг чақнаши натижасида юзага келган.
Абдулла Арипов Туркистонда Козоғистон бош вазири билан учрашди
Ўзбекистон бош вазири Абдулла Арипов Туркистонга ташриф буюриб, Қозоғистон ҳукумат раҳбари Асқар Мамин билан музокаралар ўтказди.
«Фариданинг икки минг қўшиғи» фильми Оскар мукофотига тавсия этилди
Ўзбекистон Оскар қўмитаси томонидан нуфузли Оскар мукофотининг «Энг яхши халқаро бадиий фильм» номинациясига Ёлқин Тўйчиевнинг «Фариданинг икки минг қўшиғи» фильми танланди. 93-Оскар тақдирлаш маросими 2021 йилнинг 25 апрель куни бўлиб ўтади.
Эстония таълим вазири фарзандларини мактабга хизмат машинасида олиб боргани учун истеъфога чиқди
Эстония таълим ва фан вазири Маилис Репс фарзандларини мактаб ва тўгаракка ўз хизмат машинасида олиб боргани учун истеъфога чиқди.
Россияда коронавирусга чалинганлар сони икки миллиондан ошди
Россияда кун давомида 24,8 мингта янги коронавирус ҳолати аниқланди. Бу пандемия бошланганидан бери энг юқори кўрсаткич ҳисобланади. Умумий қайд этилган касалланиш ҳолатлари эса икки миллиондан ошди.
Ўзбекистон-АҚШ стратегик ҳамкорлиги мустаҳкамланади
Ташқи ишлар вазири Абдулазиз Камилов бошчилигидаги делегация Вашингтонда Ўзбекистон — АҚШ сиёсий маслаҳатлашувларининг саккизинчи раундида иштирок этди. Музокаралар якунида Стратегик шериклик мулоқотига айлантириш тўғрисида қарор қабул қилинди.
«Наврўз» қабуллар уйи Давлат иштирокидаги корхоналарни соғломлаштириш марказига айлантирилади
«Наврўз» қабуллар уйини капитал таъмирлаб, Давлат иштирокидаги корхоналарни соғломлаштириш ҳамда давлат активларини хусусийлаштириш марказига айлантириш режалаштирилмоқда. Биринчи қаватида эса меҳнат биржаси очилади.
Нима тайёрлаймиз: тоблатма
Одатий овқатлардан чарчаб, таомномасига янгилик киритмоқчи бўлганлар учун Zira.uz 7 та мазали ва тўйимли тоблатмалар рецептлари рўйхатини тақдим этади.
Фарғонада электр узилишлар бўйича мутасаддиларга маъмурий иш қўзғатилди
Фарғона вилоят прокуратураси ҳудудларда 3 соатдан 28 соатгача электр узилишлари кузатилаётганини аниқлаб, электр тармоқлари мансабдорларига нисбатан маъмурий иш қўзғатди.
Чилонзорни комплекс ривожлантириш дастури ишлаб чиқилди
Тошкентнинг Чилонзор туманини комплекс ривожлантириш бўйича икки йиллик дастур ишлаб чиқилди. Президентнинг туманга ташрифи чоғида мазкур дастур муҳокама қилинди. Тадбиркорликни ривожлантириш, камбағалликни қисқартириш, йўл ва коммунал тармоқларни таъмирлаш, тиббиёт ва таълим соҳаларида янги ислоҳотларни жорий этиш бўйича вазифалар белгиланди.
Охирги йилларда яратилган киноларимизнинг сони кам бўлсаям, маъноси бор — Шавкат Мирзиёев
Шавкат Мирзиёев киноижодкорлар билан учрашувда охирги йилларда яратилган кинолар сони кам бўлса ҳам, маъноси борлигини таъкидлади. У ўзбек фильмлари 100 талигини тузиб, давлат ва хусусий телеканалларда намойиш қилиш бўйича тавсиялар берди.
Тўрақўрғон ИЭС энергоблоклари авариявий тўхтади
Наманган вилоятидаги Тўрақўрғон иссиқлик электростанциясининг ҳар икки энергоблоки авариявий тўхтади. Натижада водий вилоятлари, Тошкент шаҳри, Самарқанд, Бухоро ва Қашқадарё вилоятларига электр энергиясини етказиб бериш чекланди.
ДХХ масъул ходими Бош прокуратура Кадрлар бошқармасига раҳбар бўлди
ДХХда масъул лавозимларда ишлаб келаётган Алижон Абдуллаев Бош прокуратуранинг Кадрлар бошқармаси бошлиғи лавозимга тайинланди.
Жаҳон янгиликлари дайжести
Дональд Трампнинг қизи Иванкага нисбатан тергов ишлари, Арманистон пойтахтида бош вазирга қарши намойишлар, Сеулда коронавируснинг учинчи тўлқини бошлангани ва бошқа янгиликлар — «Газета.uz»нинг жаҳон янгиликлари дайжестида.
Номаълум шахслар ҳаракатланиб кетаётган вагонлардан кўмир ўғирлашга уринишди
Беш киши Тошкент вилоятида ҳаракатланиб кетаётган, кўмир ортилган вагонларни ўмармоқчи бўлишди. Уларни ушлашнинг имкони бўлмади, ҳозирда қидирув ишлари олиб борилмоқда.
Меҳнат инспекциясига меҳнат қоидалари бузилиши бўйича 800га яқин мурожаат келиб тушган
Давлат меҳнат инспекциясига мажбурий меҳнат ҳамда меҳнат ҳуқуқлари бузилишига оид жами 790 та мурожаат келиб тушган. Йил бошидан ўтказилган мониторинг давомида 107 та мажбурий меҳнатга жалб қилинганлик ҳолатлари қайд этилган.
Қўшимча имкониятларга эга булиш учун сайтда рўйхатдан ўтинг