Банкларда доллар курси 11 650−11 665 сўм этиб белгиланди
Тижорат банклари 19 июль куни аҳолидан 1 АҚШ долларини 11 530−11 610 сўмдан сотиб олмоқда, сотув курси эса 11 650−11 665 сўм.
ДХХ гиёҳвандлик воситалари савдоси билан шуғулланишда гумонланган 8 кишини қўлга олди
ДХХ ҳудудларда гиёҳвандлик воситалари савдоси билан шуғулланишда гумонланган 8 кишини қўлга олди. Улардан бири тожикистонлик наркокуръерлар яшириб кетган моддани олиб кетаётганида, яна бири Қирғизистондан контрабанда йўли билан келтирилган наркотикни сотаётганида ушланди.
Буюк Британиянинг Ўзбекистондаги янги элчиси тайинланди
Ўзбекистондаги дипломатик миссиясини якунлаётган Буюк Британия элчиси Тим Торлоу ўрнини Тимоти Смарт эгаллади. У фаолиятини август ойида бошлайди.
Ўзбекистон бош вазири Грузияда қандай кутиб олинди (фото, видео)
Ўзбекистон бош вазири Абдулла Арипов Тбилисига расмий ташриф билан бориб, Грузия ҳукумати раҳбари Ираклий Гарибашвили билан учрашди. Томонлар мамлакатлар ўртасидаги икки томонлама ҳамкорликни ривожлантириш бўйича 2023−2024 йилларга мўлжалланган Ҳаракат дастурини имзолади.
18 июль куни Ўзбекистонда содир бўлган энг муҳим воқеалар дайжести
Чирчиқда уйларни сотишдаги коррупцион схема, овқатланиш сабаб ривожланишдан ортда қолган болалар, Хоразмда банкка тўппончада кирган шахс, Россияда паспортини олдириб қўйганлар, «Қўйлиқ» бозори олдидан видеорепортаж, Оҳангарондаги янги чиқинди полигони ва бошқалар — «Газета.uz»нинг кун дайжестида.
«Қанчалик қимматга тушишини ҳис қилолмаганмиз». Ўзбекистон иқтисодиётида 1990-йилларда қилинган биринчи катта хато ҳақида
Пахта ва олтин нархининг пасайиши, қишлоқ хўжалигидаги оғир аҳвол сабаб Ўзбекистон раҳбарияти 1990-йиллар ўрталарида иқтисодиётда «катта хато қарор»ни қабул қилган. Иқтисодчи Комилжон Акрамов президент Каримовни бу қарордан машҳур макроиқтисодчилардан бири Стэнли Фишер ҳам қайтаролмаганини эслади.
Қирғизистонда давлат хизматчиларига иш вақтида қирғиз тилидан фойдаланиш мажбурий қилинди
Қирғизистон президенти имзолаган қонун билан барча давлат хизматчиларига қирғиз тилини билиш мажбурий этиб белгиланди. Иш жараёнида ҳам қирғиз тилидан фойдаланиш мажбурияти юкланмоқда.
Трансафғон темирйўли бўйича музокараларнинг якуний босқичи бошланди
Ўзбекистон, Покистон ва Афғонистон Трансафғон темирйўл линиясини қуриш бўйича музокараларнинг якуний босқичини бошлади. Лойиҳа қиймати 4,6 млрд доллардан 8,2 млрд долларгача баҳоланмоқда ва 2027 йилгача якунланиши режалаштирилган. Афғонистон томони Ўзбекистон ишларни баҳорда бошлашини маълум қилди.
«Чирчиқдаги уйларни сотишда коррупцион схема ишлаяпти» — Тошкент вилояти ҳокими
Чирчиқда уй-жой сотишда коррупцион схема мавжуд, «шапка» ва «откат» олинмоқда, шу сабабли аҳолининг уй-жойни тўғридан-тўғри сотиб олиш мумкинлигига ишончи йўқолди, деди Тошкент вилояти ҳокими Зойир Мирзаев. У шаҳар ҳокими ва бошқа сектор раҳбарларини танқид қилди.
Kompromatuzb иши бўйича суд ёпиқ тарзда кўрилади
Kompromatuzb Telegram каналига алоқадорлиги айтилаётган журналистларга нисбатан суд иши ёпиқ тарзда кўриладиган бўлди.
Ўзбекистонда ҳар 10 боладан бир нафари овқатланишдаги муаммо сабаб ривожланишдан ортда қолган — Global Nutrition Report
Ўзбекистонда ҳар ўн нафар боладан бири овқатланишдаги муаммо сабаб ривожланишдан ортда қолган. «Бу рақам бутун Ўзбекистон бўйича ўртача олинган. Вилоятлар ўртасида фарқ икки хонали рақамгача етади» дейди Халқаро озиқ-овқат сиёсати илмий тадқиқот институти катта илмий ходими Комилжон Акрамов.
Ўзбекистонда минимал истеъмол харажатлари миқдори 568 минг сўм этиб белгиланди
Ўзбекистонда 2023 йил учун ҳисобланган минимал истеъмол харажатлари қиймати бир ойда киши бошига 568 минг сўмни ташкил этди. Кўрсаткич пенсиялар ва нафақаларнинг энг кам миқдори, шунингдек, камбағал оилаларга бериладиган бошқа турдаги моддий кўмаклар суммасини белгилашда мезон сифатида ишлатилади.
14 та ҳудудда Ижтимоий ҳимоя агентлигининг бошқарма бошлиқлари тайинланди
Шавкат Мирзиёевнинг 1 июндаги фармони билан Ижтимоий ҳимоя миллий агентлиги ташкил этилганди. Агентликнинг 14 та ҳудудий бошқармасига бошлиқлар тайинланди. Рўйхат.
Ўзбекистон терма жамоаси Counter-Strike киберспорти бўйича Осиё чемпиони бўлди
Саудия Арабистонида ўтган Counter-Strike:Global Offensive on Steam (CS:GO) киберспорти бўйича Осиё чемпионатида Ўзбекистон терма жамоаси 1-ўринни эгаллади. Спортчилар Жаҳон чемпионатида қатнашади. Шунингдек, жамоага 7000 доллар пул мукофоти берилади.
Ҳисоб палатасига маъмурий ҳуқуқбузарликлар тўғрисида баённома тузиш ваколатлари берилди
Ҳисоб палатасига оз миқдорда талон-торож қилинганлиги ва давлат харидлари тўғрисидаги қонунчилик бузилгани, Иқтисодиёт ва молия вазирлигининг давлат молиявий назорати органларига эса оз миқдорда талон-торож қилингани учун маъмурий ҳуқуқбузарликлар тўғрисида баённома тузиш ваколатлари берилди.
Нукусда ФВВ ходимлари девор орасига тиқилиб қолган мушукни қутқариб олди
Нукусда Фавқулодда вазиятлар вазирлиги ходимлари уй деворлари орасига тиқилиб қолган мушукни чиқариб олди.
Хоразмда банкка тўппонча билан киришга уринган шахс ушланди
Урганч шаҳрида банкка пневматик тўппонча билан кирмоқчи бўлган фуқаро қўлга олинди. Ҳолат юзасидан вилоят «Қўриқлаш» бошқармаси томонидан текширув ишлари бошланди.
Қозоғистон Ўзбекистонга кўмир ташиш тарифларини оширмоқчи, бироқ ун транзити учун тарифларни камайтиришни сўрамоқда
Қозоғистон Ўзбекистонга кўмир ташиш тарифларини оширишни режалаштирмоқда, бироқ айни пайтда Ўзбекистондан Афғонистонга ун маҳсулотлари транзити учун тарифларни камайтиришни сўрамоқда. Мамлакатлар бош вазирлари ўринбосарлари Қарағандада маиший техника ишлаб чиқаришни йўлга қўйишни ҳам муҳокама қилди.
Россияда паспортини олдириб қўйиб, маошсиз ишлаган 12 нафар ўзбекистонлик ватанга қайтарилди
Чувашия Республикасида ҳужжатларини олдириб қўйиб, ойлик маошсиз ишлаган ўзбекистонликларнинг 12 нафарига ватанга қайтиш сертификати расмийлаштирилди. Улар Ўзбекистонда янги паспорт олади.
Ўзбекистонда озодликдан маҳрум қилинганлар сони 4 йилда қарийб 3 бараварга ошди
Ўзбекистонда судланганлар ва озодликдан маҳрум қилинганлар сони 4 йилда каррасига ошган. Судланган вояга етмаганларнинг сони 3 баравардан кўпроққа ошган. Бу Олий суд очиқлаган статистик маълумотларда акс этади.
Қўшимча имкониятларга эга булиш учун сайтда рўйхатдан ўтинг