Уй шароитида COVID-19 дан даволанаётган беморлар сони маълум қилинди
Мамлакат бўйича коронавирус инфекциясидан уй шароитида даволанаётган беморлар сони 1706 нафарни ташкил қилмоқда. Уларнинг энг кўпи Тошкент вилояти ва Тошкент шаҳрида.
Махсус транспорт воситаларини ўтказиб юборган ҳайдовчилар жаримага тортилмайди
Махсус транспорт воситаларига йўл бериш учун йўл ҳаракати қоидаларини бузган ҳайдовчилар маъмурий жавобгарликка тортилмайди. Президент Маъмурий жавобгарлик кодексига ўзгартиришлар киритиш тўғрисидаги қонунни имзолади.
Наманганда Changan кичик юк автомобиллари ишлаб чиқарилади
Чуст туманида жойлашган «Наманган» эркин иқтисодий зонасида Хитойнинг Сhangan бренди остида кичик юк автомобиллари ишлаб чиқариш лойиҳаси бошланди. Жами 5,8 млн доллар миқдорида инвестиция жалб қилинаётган лойиҳа доирасида ишлаб чиқариш жараёни 2021 йилнинг биринчи чорагида бошланиши кутилмоқда.
Украинанинг Луцк шаҳрида қуролланган шахс 20 йўловчиси бўлган автобусни гаровга олди
Украинанинг Луцк шаҳрида қуролланган шахс 20 га яқин йўловчиси бўлган автобусни 12 соатга яқин гаровда ушлаб турди. Мамлакат президенти Володимир Зеленский босқинчининг талабини бажаргандан сўнг гаровга олинганлар озод этилди. Қурбонлар йўқлиги тасдиқланди.
Ўзбекистонда енгил зирҳли автомобил ишлаб чиқарилмоқда
Давлат мудофаа саноати қўмитаси TARLON (4×4) русумли енгил зирҳли автомобилнинг тажриба намунасини ишлаб чиқарди. Автомобил 9 кишини сиғдириб, 7 дона ўқ отиш туйнукларига эга.
«Монополиялар давлат ва халқни зулукдек ўлгунча сўришади» — Кушербаев
Депутат Расул Кушербаев монополистлар инқироз даврида «катта-катта маблағларга эга бўлаётганлиги»га эътибор қаратди. Энергетика вазирлиги депутатнинг гапларига эътироз билдириб, истеъмол бўйича тўловлар билан боғлиқ вазият яхшилангач, давлат томонидан соҳани қўллаб-қувватлашга ажратилган маблағлар бюджетга қайтарилишини маълум қилди.
Ўз қизини 17 минг долларга сотмоқчи бўлган она қўлга олинди
Гулистонда 2019 йилда туғилган қизини 17 минг долларга сотаётган она қўлга олинди.
Ташқи меҳнат миграцияси агентлигига янги раҳбар тайинланди
Муҳаммадзокир Маматхонов Ташқи меҳнат миграцияси агентлиги бошлиғи лавозимига тайинланди.
Ўқитувчилар фаолиятига аралашганлик учун жавобгарлик белгиланди
Ўзбекистонда ўқитувчилар фаолиятига аралашган фуқаролар ёки мансабдор шахслар БҲМнинг 10 бараваригача жаримага тортилади. Тегишли модда «Маъмурий жавобгарлик тўғрисида» ги кодексига киритилди.
200 га яқин талабалар Россиядан олиб келинди
Шавкат Мирзиёевнинг топшириғига кўра, Россиянинг Новосибирск шаҳридан 200 га яқин ўзбекистонлик талаба чартер рейс орқали Ўзбекистонга олиб келинди.
Январь-июнь ойларида Ўзбекистонга 4,8 млрд доллар хорижий инвестициялар киритилган
Январь-июнь ойларида Ўзбекистон умумий ҳажми 4,8 млрд доллар хорижий инвестициялар жалб қилди, бундан 3,2 млрд доллари тўғридан-тўғри хорижий инвестицияларга тўғри келди. Инвестициялар киритиш бўйича Россия, Хитой, Германия ва Туркия етакчилик қилди. Иқтисодчи Беҳзод Хошимов тўғридан-тўғри хорижий инвестициялар ҳажми ХВЖ прогнозидан 4,2 баробар юқори бўлганига эътибор қаратди.
Коронавирус ҳолатлари 18 мингдан ошди
Коронавирус беморлари сони 290 нафарга ортиб, жами 18171 кишини ташкил этмоқда. Янги ҳолатлар Тошкент шаҳрида, Андижон, Сурхондарё, Наманган, Қашқадарё ва Хоразм вилоятларида қайд этилди. Шу билан бирга, яна бир коронавирус бемори вафот этди.
Пандемия даврида қайси турдаги жиноятлар сони ошгани маълум қилинди
Пандемия даврини ўз ичига олган ярим йил мобайнида Ўзбекистонда безорилик, фирибгарлик, ўғирлик, гиёҳванд воситалариинг ноқонуний айланиши, қўшмачилик, фоҳишахона сақлаш билан боғлиқ жиноятлар сони ошди.
Президент «талон-торожлик ва коррупция авж олган» кадастр соҳаси бўйича йиғилиш ўтказди
Президент Шавкат Мирзиёев сўнгги ўн кунда 16 нафар раҳбар ишдан бўшатилган, «талон-торожлик ва коррупция авж олган» кадастр соҳасига бағишлаб йиғилиш ўтказди. Давлат раҳбари тизимга рақамли технологияларни жорий этиш бўйича топшириқлар берди.
Наманганда «Халқ банки» ходимлари 11 киши номига кредит олиб, ўзлаштириб юборди
Наманганда «Халқ банки» ходимлари 11 кишини хабардор қилмасдан, улар номига 200 млн сўм кредит ажратиб, ўзлаштириб юборгани аниқланди.
Депутат UzAuto Motors га қарши: тез ёрдам учун Damas нархлари ва хайрия муаммоси билан боғлиқ айбловлар
Депутат Расул Кушербаев UzAuto Motors компаниясини Damas ларни «от нархларида» сотишда ва коронавирус пандемияси билан боғлиқ оғир аҳволга эътибор бермасликда айблади. «Ўзавтосаноат» нинг таъкидлашича, компания хайрия мақсадида 37 млрд сўмдан кўпроқ маблағ ажратган. Лекин компания депутатлар томонидан ишлаб чиқилган «Хайрия тўғрисида» ги қонун сабабли хайрияга ундан кўпроқ сарфлай олмаслигини айтмоқда.
Берунийда экинлари сувсиз қолган аҳоли Нукус-Тошкент йўлини тўсиб қўйди
Қорақалпоғистоннинг Беруний туманида аҳоли экинларини суғориш учун сув келмагани сабабли Нукус-Тошкент магистрал йўлини ёпиб қўйди. Туман ҳокими ва бошқа мутасаддилар воқеа жойига келиб, масала қисқа вақтда ижобий ҳал этилди.
Фанлар академиясининг икки нафар олими ҳаётдан кўз юмди
Марказий банк раисининг собиқ ўринбосари, иқтисодиёт фанлари доктори Ашур Қодиров ва таниқли олим, академик Саттор Турсунмуҳаммедов олам ўтди.
Расман тасдиғини топган коронавирус ҳолатлари 17 755 тага етди (+165)
Ўзбекистонда коронавирусга чалингани расман тасдиқланган беморлар сони 165 нафарга ошиб, умумий кўрсаткич 17 755 тага етди. Янги касалланиш ҳолатларининг асосий қисми — 104 таси Тошкентда, 54 таси эса Андижонда аниқланди.
Паркентда карантин қоидаларини бузганларга 397,6 млн сўмлик жарималар ёзилмагани аниқланди
Паркент туманида карантин қоидаларини бузган 86 кишига истисно тариқасида 397,6 млн сўмлик жарималар тайинланмагани аниқланди.
Қўшимча имкониятларга эга булиш учун сайтда рўйхатдан ўтинг